Noticias sociedad
O cambio de hora para adoptar o horario de verán produciuse en boa parte dos Estados Unidos o pasado 9 de marzo no medio dun debate público arredor da súa pertinencia. Nun contexto no que a administración Trump considera a posibilidade de abolir a mudanza horaria, unha investigación das universidades de Santiago e de Sevilla reivindica a súa vixencia comparando os casos das cidades de Bogotá e Nova York, situadas no mesmo meridiano pero a distintas latitudes. A falta de poucos días para que a mudanza se produza tamén en Europa, o estudo titulado 'Assessing the best hour to start the day' revisa o impacto do cambio de hora na saúde humana considerando dous tipos de efectos: os asociados coa mudanza en si, e os vinculados cos meses nos que está vixente o horario de verán.
O Servizo Galego de Saúde acadou en 2024 a cifra máis alta deste tipo de intervencións desde que no ano 1981 no Hospital Público da Coruña se realizase o primeiro transplante de órganos na comunidade. O pasado mes de febreiro a comunidade realizou o seu transplante número 10.000 tras a implantación xa hai máis de 40 anos dun programa que se encontra completamente asentado no sistema sanitario público. Neste período, a solidariedade de case 3.500 persoas posibilitou que Galicia se situase como referente no ámbito da doazón de órganos. Segundo os datos acumulados, o transplante de ril destaca nestas catro décadas con 5.168 intervencións realizadas; seguido do de fígado, con 2.803; do de corazón, con 959; de pulmón, con 942; e de páncreas con 128.
O Morriña Festival vén de anunciar tres novos nomes internacionais para o seu cartel deste 2025 co apoio de Concertos do Xacobeo. O director de Turismo de Galicia, Xosé Merelles, presentou esta mañá na Coruña o cartel da súa quinta edición, no que xa estaba xa confirmada a presencia de figuras como Residente, Ozuna, Jhayco, Mikel Izal, Ginebras, Pignoise, Alcalá Norte e Duncan Dhu e ao que agora se suman, tamén, Nathy Peluso, Elena Rose e Alleh y Yorghaki. O Morriña Festival é unha das citas musicais máis relevantes da época estival na comunidade, no marco dos Concertos do Xacobeo, un programa amplo e plural que neste 2025 regresa para apoiar os principais eventos musicais de Galicia.
O Servizo Galego de Saúde incrementou en 2024 de forma significativa o seu volume de actividade, realizando máis operacións cirúrxicas, máis consultas médicas e máis probas diagnósticas, ao tempo que reduciu o tempo de acceso. O descenso rexistrado foi especialmente significativo no caso do tempo medio de acceso á consulta do especialista, que baixou o pasado ano en 12,5 días. Así o destacou o conselleiro de Sanidade, Antonio Gómez Caamaño, quen, xunto co xerente do Servizo Galego de Saúde, José Ramón Parada Jorgal, e co director xeral de Asistencia Sanitaria, Alfredo Silva Tojo, presentou en rolda de prensa o balance da actividade asistencial e de lista de espera do ano 2024.
O presidente da Xunta de Galicia, Alfonso Rueda, anunciou hoxe que o Consello da Xunta aprobou o decreto que declara Ben de Interese Cultural o Entroido ao considerar acreditado o seu valor sobranceiro como 'patrimonio inmaterial da nosa Comunidade'. Esta declaración culmina o proceso iniciado en 2024 para darlle esta distinción ao Entroido galego e chega tras recibir os informes favorables do Consello da Cultura Galega e do Museo do Pobo Galego sen que se rexistrase ningunha alegación, e supón a aplicación do réxime de tutela da Lei de patrimonio cultural e, polo tanto, o maior nivel de protección. Segundo sinalou Rueda, esta celebración ten unha 'incalculable importancia' desde o punto de vista histórico, etnográfico e cultural, cunha relevante presenza nas 'artes e nas letras' dentro e fóra da nosa Comunidade.
A Consellería de Sanidade publica, na súa páxina web, o informe de actividade das infeccións respiratorias agudas correspondente á oitava semana do ano que determina que a intensidade da gripe continúa sendo baixa, mantendo unha tendencia estable. Segundo os datos, a taxa de consultas por gripe nos servizos de atención primaria diminuíu un 6 % respecto da semana previa e fica en 55,7 consultas por 100.000 habitantes. O descenso da taxa obsérvase en todos os grupos de idade, agás no de 20 a 59 anos, no que aumentou lixeiramente. Por áreas sanitarias, a taxa de consultas diminuíu en todas elas agás nas áreas sanitarias de Santiago de Compostela e de Ferrol, nas que se mantivo estable.
O Rexistro de pacientes con enfermidades raras de Galicia (RERGA) da Consellería de Sanidade reflicte un total de 5.217 casos, dos que 2.474 son en mulleres e 2.743 en homes. Coincidindo coa celebración do Día Mundial das Enfermidades Raras, que se celebra mañá, a Consellería de Sanidade fai balance da situación. Así, dos datos do Rexistro despréndese que os casos das enfermidades raras con máis rexistros corresponde á ELA, con 582 casos, dos que 347 son homes e 235 mulleres; seguido da colanxite biliar primaria (enfermidade hepática), con 441 casos, dos que 399 son mulleres e 42 homes; e da enfermidade de Huntington, con 294 casos, 158 en mulleres e 136 en homes.
O Gozo Festival é unha das grandes citas dos Concertos do Xacobeo e neste 2025 achegará a Galicia figuras internacionais de renome como Lenny Kravitz (nun concerto no que contará con Estrella Morente como artista convidada), David Guetta, Alanis Morissette ou Lionel Richie, e aos que se suman agora Maná e Bright Eyes. Nominado para entrar no mítico Rock and Roll Hall of Fame, Maná esta considerado o grupo de rock en español máis influente do mundo e un dos nomes latinos máis importantes de todos os tempos. Bright Eyes estrearase o 11 de xullo en Galicia liderando o escenario indie de principios do século XXI con discos como 'Lifted' ou 'I'm Wide Awake, Its Morning', e unha das voces máis representativas do xénero.
Cada dez anos as universidades públicas galegas, sobre o que ten dado de si a investigación educativa en Galicia. A terceira destas análises aparece compilada no libro A Investigación Educativa en Galicia (2015-2024) que este xoves se presentou no Museo Pedagóxico de Galicia (MUPEGA). Foi o catedrático da USC e coordinador da obra, Miguel A. Santos Rego, quen presentou os detalles no acto, que ademais contou coa participación do reitor Antonio López, do conselleiro de Educación, Ciencia, Universidades e Formación Profesional da Xunta de Galicia, Román Rodríguez, e do director da Editorial Galaxia, Xosé Soutullo.
A conselleira de Medio Ambiente e Cambio Climático, Ángeles Vázquez, mantivo hoxe un encontro co secretario de Estado de Medio Ambiente, Hugo Morán, no que lle trasladou que os datos que ten a Xunta sobre a poboación do lobo en territorio galego constatan que o seu estado é favorable, polo que instou ao Goberno central a excluír esta especie canto antes do Listado de Especies Silvestres en Réxime de Protección Especial (Lesrpe) mediante unha modificación da orde ministerial. A responsable autonómica lembrou que a comunidade xa remitiu ao Executivo central os seus datos de cara á elaboración do informe sexenal da especie para o período 2019-2024, sendo unha das primeiras autonomías en facelo, en tempo e forma.
O reitor da Universidade de Santiago, Antonio López, xunto cos seus homólogos en Vigo e A Coruña, Manuel Reigosa e Ricardo Cao, asinaron este mércores co conselleiro de Educación, Ciencia, Universidades e FP, Román Rodríguez, dous acordos en materia de I+D+i e de equipamento científico-técnico. Por unha banda, formalizáronse os acordos para accións estratéxicas de I+D+i no período 2023-2024, que supoñen unha inxección adicional de 4,6 millóns de euros, un 33% máis do inicialmente previsto.
A Universidade da Coruña celebrou hoxe reunión do seu Claustro, na que o equipo de Goberno fixo balance das diferentes actuacións realizadas ao longo destes meses á fronte da institución académica, período no que a participación, a humanización, a igualdade e a sustentabilidade están a marcar a súa xestión.
O Observatorio Astronómico Ramón María Aller da USC organiza, en colaboración coa Facultade de Óptica e Optometría, un obradoiro de prismáticos e telescopios para examinar o ceo nocturno que se desenvolverá o xoves 28 de novembro, e o luns 2 e o martes 3 de decembro en horario de 19.30 a 21.00 horas. A primeira das xornadas desenvolverase na Aula Magna da Facultade de Óptica e Optometría.
O Campus Industrial de Ferrol acollerá en 2025, concretamente, o 29 de marzo, a gran final da FIRST LEGO League España (FLL España), un evento organizado pola Escola Politécnica de Enxeñaría de Ferrol (EPEF) e o Campus Industrial da Universidade da Coruña en colaboración con Ingeniera Soy baixo o patrocinio da Deputación da Coruña, o Concello de Ferrol e a Xunta de Galicia.
O campus de Vigo reuniu a representantes de entidades locais, concellos, deputacións, Xunta, comunidades de montes e outras iniciativas nunha xornada para visibilizar o traballo social, económico e político que se esta a levar a cabo para impulsar a transición enerxética local. A xornada Comunidades enerxéticas e iniciativas comunitarias.
O menor nivel de infraestruturas, a escaseza de recursos financeiros e de redes de apoio e a diferenza de oportunidades son algunhas das dificultades que atopan as persoas emprendedoras no medio rural, segundo o informe executivo GEM Galicia 2023-2024, que estuda o desenvolvemento de iniciativas emprendedoras en Galicia e cuxa coordinación é responsabilidade da USC.
O edificio Redeiras da UVigo acollerá a vindeira semana un congreso internacional no que se abordarán os retos actuais do dereito de familia ante unha sociedade máis inclusiva. O evento, organizado por docentes da Facultade de Ciencias Xurídicas e do Traballo, reunirá especialistas galegos e portugueses neste eido para analizar diferentes respostas ante unha nova realidade social.
'Vigo é moito máis que o centro urbano castelanizado, Vigo é tamén Rorís, A Falcoa, O Freixo, Moledo, Mide, Baruxáns, O Carballal, Redomeira ou Marcosende, o Vigo de sempre onde o galego é aínda a lingua habitual'. Así de categórico se amosou o director do Departamento de Filoloxía Galega e Latina da UVigo, Xosé-Henrique Costas, na presentación do seu último libro 'A fala de Vigo.Trazos diferenciais da nosa variedade dialectal', unha obra na que se defende que na cidade máis castelanizada de Galicia é posible escoitar o galego pola rúa.
A Shanghai Ranking Consultancy, responsable do ránking ARWU, fixo público o seu Global Ranking of Academic Subjects 2024, a clasificación das mellores universidades do mundo en 55 materias de investigación. Nel, a UVigo sitúase como primeira universidade española en Ciencia e Tecnoloxía dos Alimentos e en Oceanografía, empatada neste último caso coa Universidad de Las Palmas de Gran Canaria.
A USC ocupa o chanzo 51-75 do Ránking de Shanghai por materias en Ciencias Veterinarias (posición 4-5 entre as universidades de toda España) e o 76-100 en Farmacia e Ciencias Farmacéuticas (posto número 2 a nivel estatal). A terceira mellor posición nesta clasificación internacional de universidades segundo eidos temáticos é para Odontoloxía e Ciencias Orais, ámbito que ocupa o intervalo 151-200 a nivel mundial e o posto 4-5 entre as universidades españolas.
