domingo, 25 de octubre de 2026
Durante a presentación do cartel, Xosé Merelles remarcou que a Xunta de Galicia continúa firme na súa aposta por posicionar á comunidade galega como destino turístico de grandes eventos musicais. Proba disto é o noso apoio ao Morriña Festival no marco do proxecto Concertos do Xacobeo. E engadiu que o evento musical da cidade coruñesa encaixa á perfección na liña estratéxica de Turismo de Galicia, consolidándose como unha das principais citas musicais do noroeste peninsular a última fin de semana do mes de xullo, cunha oferta potente de artistas internacionais e nacionais que pisan forte nas listas de escoitas do momento.
Merelles sinalou tamén a aposta pola diversidade de gustos e estilos para diferentes xeracións de públicos, nun evento ecléctico que na súa pasada edición, en 2024, reuniu a máis de 40.000 no Porto da Coruña.
Citas da categoría do Morriña Festival sitúan o noso territorio no mapa, convertendo Galicia na punta de lanza dos eventos musicais da Península na época estival. Desde Turismo de Galicia estamos orgullosos de apoiar un ano máis, a través do selo Concertos do Xacobeo, este festival que serve como motor económico, turístico e cultural da nosa comunidade, sinalou o director de Turismo de Galicia. E concluíu que o cartel internacional do festival, con figuras de primeiro nivel como Nathy Peluso -na que será a súa única actuación en Galicia neste 2025- ou Residente -o artista con máis Grammys latinos da historia-, contribúe, tamén, a reforzar a imaxe exterior do noso singular e rico territorio.
Novos nomes internacionais no Morriña Festival
A arxentina Nathy Peluso fará gala no Morriña Festival da súa mestura de xéneros como o trap, o R&B, o jazz e o reguetón, como unha das voces máis innovadoras e poderosas da escena musical latina da última década. Recoñecida pola súa presencia arrolladora sobre o escenario e a súa voz única, Nathy Peluso presentará o seu potente repertorio, que inclúe temas como Mafiosa, Sana Sana ou Business Woman.
Pola súa banda, Alleh y Yorghaki son dous músicos venezolanos que gañaron o seu recoñecemento internacional grazas ao seu innovador estilo musical, con temas que suman millóns de reproducións nas plataformas dixitais de todo o mundo, como capaz (merenguetón).
Finalmente, o Morriña festival achegará tamén ao Porto da Coruña á cantautora e produtora Elena Rose, celebrada pola súa capacidade única para mesturar o R&B, o trap e o soul cunha autenticidade inconfundible, gañándose un lugar destacado na escena musical latina do momento. A súa cativadora voz e as súas letras profundas de seguro que non defraudarán ao público cun espectáculo cheo de forza, emoción e feminidade empoderada.
O Morriña Festival conta co apoio da Xunta de Galicia a través de Turismo de Galicia no marco dos Concertos do Xacobeo, así como do Concello de A Coruña, a Deputación da Coruña, o Porto da Coruña e Estrella Galicia.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
