sábado, 24 de octubre de 2026
A rede de farmacias sentinela, que nesta campaña remiten os seus datos á Dirección Xeral de Saúde Pública, reflicte que as taxas de dispensación de antigripais e probas de antíxenos descenderon respecto da semana anterior.
En canto aos ingresos hospitalarios, ingresaron 227 persoas con gripe confirmada, un 3,7 % máis que na semana anterior (219). A taxa de ingresos no conxunto da poboación foi de 8,4 por 100.000 habitantes, sendo o grupo de 80 e máis anos o que presentou o maior aumento (13,8 %). Por áreas sanitarias, a taxa de ingresos aumentou en todas elas agás na de Santiago de Compostela, Ferrol e Lugo. No que vai de tempada notificáronse 1.865 ingresos, a maioría deles, 1.493, con virus do tipo A.
Respecto da positividade das mostras estudadas para virus do tipo A, foi do 18,7 %, o que supón un lixeiro aumento respecto da semana anterior, que foi do 17,4 %. A positividade das mostras estudadas para virus do tipo B foi do 2,5 %, polo que a positividade dos virus da gripe foi do 21,2 %, superior á da semana anterior (20,5 %).
Evolución covid e VRS
O informe de actividade das infeccións respiratorias agudas indica que na oitava semana ingresaron 19 persoas con covid confirmada, o que supón un 46 % máis que a semana previa (13 ingresos).
Pola súa banda, no que atinxe ao Virus Respiratorio Sincitial (VRS), a taxa de ingresos no conxunto da poboación descendeu un 59 % respecto da semana anterior, sendo nesta semana de 0,9 ingresos por 100.000 habitantes. A taxa diminuíu en todos os grupos de idade agás no de 5 a 19 anos, no que permaneceu estable. En canto ás áreas sanitarias, a taxa descendeu en todas elas.
Estimación
Segundo se recolle no informe, a estimación puntual do modelo de predición suxire que, nas vindeiras dúas semanas, a taxa de consultas por gripe descenda de 55,7 consultas por 100.000 habitantes a 53,7 e 50,2 consultas nas semanas 9 e 10 respectivamente.
En consecuencia, a situación desta semana é algo diferente á da anterior, cunha taxa de consultas que descende un 6 % e que diminúe en todos os grupos de idade agás o lixeiro ascenso observado na poboación de 20 a 59 anos. Non obstante, segue a observarse un aumento na positividade para o virus de tipo A, que adoita afectar con maior frecuencia ás persoas de maior idade.
A situación epidemiolóxica da gripe semella non ter gran impacto a nivel asistencial, como mostra a taxa de ingresos que se ben aumentou fíxoo de maneira moi leve, un 3,7 %.
Aínda que se aprecia un pequeno descendo do indicador da evolución da actividade gripal, obsérvase un lixeiro aumento da taxa global de hospitalización, aumento que é máis considerable na taxa específica das persoas de 80 e máis anos. En consecuencia, é necesario continuar coa vixilancia para comprobar se este aumento é puntual.
A Xunta lembra a recomendación do uso da máscara en pacientes con síntomas respiratorios, ademais dos seus acompañantes e visitas, e no caso dos profesionais que os atenden, así como en determinados grupos de risco ou dispositivos asistenciais como poden ser as urxencias hospitalarias.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
