Noticias sociedad
A Xunta mantén en 2023 o transporte gratuíto aos menores de 21 anos coa tarxeta Xente Nova, que rexistrou un incremento de usuarios de máis dun 22% nos primeiros dez meses do ano. Esta tarifa gratuíta aplícase aos usuarios da tarxeta Xente Nova en ata 60 viaxes ao mes no autobús interurbano da Xunta e no transporte en barco da ría de Vigo e no ferrocarril de proximidade na área de Ferrol. Na actualidade, esta iniciativa permite viaxar de balde en toda Galicia a máis de 132.000 menores de 21 anos.
Ata o de agora, o 43,44% da poboación pediátrica entre os 6 meses e os 5 anos de idade está vacinada contra a gripe en Galicia. Os resultados de vacinación foron posibles tras o plan piloto posto en marcha pola Consellería de Sanidade no Hospital Clínico de Santiago de Compostela para incrementar os niveis de vacinación da gripe entre a poboación infantil, e evitar cadros máis graves e contaxios. O éxito dese plan levounos a extrapolar esta medida piloto a todas as áreas e empregar os 14 hospitais públicos de Galicia para levar a cabo a vacinación dos nenos entre os 6 meses e os cinco anos.
Nos últimos oito anos estase a apreciar unha tendencia á diminución da incidencia do VIH en Galicia. Así, no período 2004-2021 a indicencia media anual foi de 6,4 casos por cada 100.000 habitantes, situando á Comunidade por debaixo da media española, próxima aos 10 casos por 100.000 habitantes no mesmo período. No ano 2021, a incidencia foi de 4,8 infeccións por 100.000 habitantes, fronte aos 5,7 por 100.000 habitantes de 2019. Fronte ao VIH, a estratexia fundamental é a prevención, xa que a día de hoxe aínda se carece dunha vacina preventiva ou dun tratamento curativo para evitar unha infección e dado que o 80% das transmisións se producen por vía sexual.
A conselleira do Mar, Rosa Quintana, destacou hoxe a importancia de desenvolver iniciativas para difundir os beneficios nutricionais dos produtos do mar e a sustentabilidade da actividade marítimo-pesqueira. Nesta liña, puxo como exemplo a campaña Galicia sabe aMar, que o Goberno galego puxo en marcha para promover o consumo e a venda de peixe e marisco e poñer en valor o labor dos profesionais do mar que contribúen ao subministro de alimentos de calidade á cidadanía. Esta iniciativa, informou a conselleira, percorrerá 200 municipios de España relacionados co Camiño de Santiago nos que se realizarán 1.500 degustacións.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.382, deles 265 son da área da Coruña, 164 da de Lugo, 275 da de Ourense, 131 da de Pontevedra, 256 da área de Vigo, 172 da de Santiago e 119 da de Ferrol. Do total de pacientes positivos, 10 están en UCI, 179 en unidades de hospitalización e 1.193 no domicilio. Polo de agora, en Galicia hai un total de 681.408 persoas curadas, rexistrándose 3.968 falecementos. O número de PCR realizadas é de 4.009.629. O número de doses de vacina contra a covid-19 administradas é de 7.487.756.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.467, deles 285 son da área da Coruña, 169 da de Lugo, 323 da de Ourense, 137 da de Pontevedra, 254 da área de Vigo, 175 da de Santiago e 124 da de Ferrol. Do total de pacientes positivos, 9 están en UCI, 179 en unidades de hospitalización e 1.279 no domicilio. Polo de agora, en Galicia hai un total de 681.239 persoas curadas, rexistrándose 3.967 falecementos. O número de PCR realizadas é de 4.009.172. O número de doses de vacina contra a covid-19 administradas é de 7.485.421.
O Servizo Galego de Saúde destácase como o mellor sistema sanitario de España no que atinxe ás listas de espera na especialidade de Anxioloxía e Cirurxía Vascular. Segundo os datos publicados no derradeiro informe do Ministerio de Sanidade sobre a situación das listas de espera no Sistema Nacional de Salud a 30 de xuño de 2022, a especialidade cirúrxica de Anxioloxía e Cirurxía Vascular rexistra unha espera media de 53 días, moi por debaixo das restantes comunidades autónomas, 16 días menos de espera que a comunidade de Navarra, que é a segunda, 23 días menos que a terceira, que é Baleares, e 277 días menos que a comunidade con máis demora.
Con esta concesión, será o gran embaixador da celebración do 30 aniversario do primeiro Xacobeo civil e do 30 aniversario do recoñecemento ao Camiño Francés como Patrimonio Mundial da Unesco. A vinculación de Víctor Manuel Vázquez Portomeñe co Camiño iniciouse na súa etapa como conselleiro de Relacións Institucionais e portavoz do goberno, cando creou e dirixiu o Plan Xacobeo 93, o maior programa de promoción cultural e turística de Galicia do século XX, xerme dos seguintes plans de promoción, que a Xunta impulsou con motivo dos anos santos composteláns 1999, 2004, 2010 e 2021/22.
Tivo lugar en Santiago de Compostela unha reunión previa para a constitución da Alianza industrial do hidróxeno verde, para sentar as bases para que Galicia poida mobilizar toda a capacidade instalada arredor do hidróxeno verde co obxectivo de impulsar a cadea de valor e xerar pegada industrial. Na reunión, ademais da Xunta, estiveron representantes da Asociación Galega do Hidróxeno, as autoridades portuarias da Coruña, Vigo e Ferrol, Atiga, Cluergal, Asime, Ceaga, Aclunaga, o Clúster da Función Loxística e as tres universidades públicas.
A conselleira de Promoción do Emprego e Igualdade, María Jesús Lorenzana, afirmou hoxe no Pazo do Hórreo, que Galicia rematará 2022, o horizonte do actual Pacto de Estado contra a Violencia de Xénero, co 100% das medidas previstas cumpridas. O seu departamento, asegurou, levará ante a Cámara o informe anual de execución destes compromisos e está a elaborar un balance dos cinco anos de vixencia do Pacto que presentará tamén no Parlamento. Lorenzana aproveitou a intervención para referendar o compromiso da Xunta co conxunto da sociedade galega, coas mulleres e coas vítimas.
Alumnado das materias de Literatura e Arte e de Literatura Infantil e Dramatización que imparte a profesora Rocío G. Pedreira na Facultade de Formación do Profesorado do Campus de Lugo da USC dan vida á nova bitácora de literatura infantil Petiscando libros, un repositorio virtual a través do que se ofrece á sociedade unha cada vez maior relación de títulos, clasificados en función da temática que tratan.
Con máis dun quilómetro de lonxitude, Praia América tense convertido nun dos reclamos turísticos máis recoñecibles de Galicia. Pero antes de chamarse así, este areal do concello de Nigrán era coñecido como praia de Lourido. Foi precisamente para atraer o turismo polo que en 1927 o empresario Manuel Lemos, emigrante en Arxentina, apostou por rebautizar o areal.
O 23 de marzo de 1882 Jules David Cavaz realizou as fotografías máis antigas que se conservan da USC. Xusto 140 anos despois, a presentación no Paraninfo do libro 'A Universidade retratada. Jules David-Cavaz en Galicia' (1882) serviu para conmemorar o aniversario deste material inédito que acaba de ver a luz grazas ao Arquivo Histórico Universitario (AHUS), xunto ao Servizo de Publicacións e Intercambio Científico da USC, así como a Alvarellos Editora.
Reiterando o seu 'compromiso ilusionado coa Universidade', deste xeito tomou posesión o profesor Antonio López do seu cargo como reitor da USC logo de ser reelixido recentemente. Coa vontade de seguir contribuíndo dende o goberno da institución a 'formar cidadás e cidadáns críticos, cultos e libres', Antonio López afondou nos retos de futuro logo de 'catro anos marcados sen dúbida pola COVID-19'.
Presentouse o XV Congreso internacional sobre a infancia maltratada, organizado pola Federación de Asociaciones contra el maltrato infantil-End Child Prostitution (FAPMI-ECPAT España) e a Asociación contra o maltrato e o abuso infantil (Amino), que será entre o 5 e o 7 de maio en Santiago de Compostela. O evento contará con máis de 300 relatores e profesionais do ámbito da infancia.
O Instituto Universitario de Estudos Europeos 'Salvador de Madariaga' da Universidade da Coruña organiza este venres, 18 de marzo, no salón de graos da Facultade de Dereito o foro aberto 'A fraternidade europea ante a invasión de Ucraína: unha mirada desde as sociedades europeas', coa participación de persoal docente e investigador e alumnado de nove nacionalidades.
Entre os anos 2006 e 2019, máis dunha trintena de premios Nobel aterraron na USC grazas ao programa ConCiencia que a institución compostelá desenvolve de xeito conxunto co Consorcio de Santiago. Coa vontade de poñer en valor estes fitos e de fortalecer a súa dimensión divulgativa, a Universidade acaba de lanzar un novo espazo público que recolle as visitas que estas 33 personalidades realizaron a Santiago de Compostela.
As escavacións levadas a cabo este verán na Cova Eirós, no concello lucense de Triacastela, permiten ampliar os períodos de ocupación humana das cavidades. Así, as 50 moedas romanas atopadas na Cova das Cabras permiten documentar un nivel de ocupación, da segunda metade do século IV d.C., non rexistrado ata a data, nin en Cova Eirós, nin noutros xacementos da contorna.
A Real Academia Galega de Ciencias (RAGC) homenaxeará ao veterinario Juan Rof Codina como Científico Galego do Ano polo Día da Ciencia en Galicia, efeméride que se celebrará o vindeiro 6 de outubro. A decisión adoptada pola RAGC valorou detidamente a figura de Rof Codina e salientou a súa contribución á modernización do sector agropecuario en Galicia e á difusión do concepto de asociacionismo entre os gandeiros galegos.
'A pandemia contribuíu a aumentar a violencia machista e intensificou a fenda dos coidados, que recaen maioritariamente sobre as mulleres'. Esta afirmación é un dos eixos sobre o que se asenta o Manifesto da Rede de Unidades de Igualdade de Xénero das Universidades Españolas para a Excelencia Universitaria ao que se deu lectura no acto co que a USC conmemorou o Día Internacional das Mulleres.
