viernes, 16 de octubre de 2026
A directora do Instituto Universitario de Estudos Europeos, Gabriela Oanta, abrirá o foro ás 11:00 horas para dar paso á primeira mesa de intervencións, coa presentación do libro Fraternidad europea, a cargo do seu autor Manuel Blanco Desar e do profesor da UDC José Manuel Sobrino Heredia.
Ás 12:15h. comezará o foro A fraternidade europea ante a invasión de Ucraína: unha mirada desde as sociedades europeas coa participación de profesorado, investigadores e alumnado de nove nacionalidades, moderada pola profesora da Universidade de Vigo Belén Sánchez Ramos. Participan:
- Perspectiva desde Alemaña: Christoph Schreinmoser (Universidade da Coruña)
- Perspectiva desde Armenia: Artak Mkrtichyan (Universidade da Coruña)
- Perspectiva desde España: Montserrat Pintado (Universidade de Santiago de Compostela)
- Perspectiva desde Francia: Eva Cazorla (Université de Perpignan Via Domitia)
- Perspectiva desde Italia: Emanuele Motta (Università di Genova)
- Perspectiva desde Rumanía e Moldavia: Gabriela A. Oanta (Universidade da Coruña)
- Perspectiva desde Suíza: Annina Bürgin (Universidade de Vigo)
- Perspectiva desde Ucraína: Maryna Palamarchuk (Instituto Politécnico de Kiev)
Cun debate sobre o tema rematará o evento organizado polo Instituto Universitario de Estudos Europeos Salvador de Madariaga da Universidade da Coruña, o Grupo de Investigación Cuestións Actuais de Dereito Internacional e Europeo (CADIE) da UDC e a Cátedra Jean Monnet Dereito da Unión Europea do mar.
Acceso ao Foro mediante a plataforma Microsoft Teams: https://bit.ly/3i2Ep8J
O Instituto Universitario de Estudos Europeos Salvador de Madariaga ten como finalidade favorecer a promoción e o desenvolvemento do coñecemento e da investigación científica sobre os aspectos máis útiles da realidade internacional e europea, así como o ensino dos estudos internacionais e europeos, en particular os relativos á Unión Europea, co obxectivo fundamental de acercar todas estas cuestións á realidade social galega.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
