jueves, 6 de agosto de 2026
O director xeral de Familia, Infancia e Dinamización Demográfica, Jacobo Rey, participou na presentación do XV Congreso internacional sobre a infancia maltratada, organizado pola Federación de Asociaciones contra el maltrato infantil-End Child Prostitution (FAPMI-ECPAT España) e a Asociación contra o maltrato e o abuso infantil (Amino), que será entre o 5 e o 7 de maio en Santiago de Compostela.
O evento contará con máis de 300 relatores e profesionais do ámbito da infancia, que se darán cita na Cidade da Cultura para analizar e propor solucións que garantan os dereitos da infancia e a adolescencia. Baixo o lema Caminando en el Buen trato: consolidando modelos de protección, preténdese centrar a atención de todos os axentes involucrados na necesidade de recoñecer o bo trato como o punto de partida das accións necesarias para previr e protexer ás nenas, nenos e adolescentes fronte ao maltrato.
Jacobo Rey agradeceu aos organizadores polo seu esforzo e implicación nesta materia e, sobre todo, por escoller Galicia para unha iniciativa destas caracterÃsticas. Neste sentido, salientou o amplo cartel de expertos que acudirá á cita e que completan representantes do ámbito universitario, sanitario, xurÃdico, policial, social, de entidades que traballan na protección á infancia, asociacións de familias e técnicos de equipos de intervención.
Asà mesmo, o director xeral recoñeceu que este Congreso “vai ser unha oportunidade inmellorable” para analizar, desenvolver e propoñer melloras en cuestións como os procesos de transición á vida adulta, o acollemento familiar ou a saúde mental na infancia e a adolescencia.
A Xunta habilitou hoxe un apartado especÃfico dentro da páxina web de MeteoGalicia para facilitar o acceso e as consultas relacionadas coa predición do tempo en todos os concellos galegos durante a xornada da eclipse solar, prevista para o vindeiro dÃa 12 de agosto. Galicia será unha das rexións nas que mellor se poderá observar este fenómeno astronómico de carácter excepcional, aÃnda que non en todas as zonas se apreciará por igual. De feito, no espazo web dedicado ao tempo durante a eclipse hai un mapa con todos os concellos sobre o que se indica en cales será total e en cales se verá de forma parcial.
Co obxectivo de pór en valor os máis de 2.555 quilómetros de litoral que posúe Galicia, a Xunta ven de lanzar o Camiño do Litoral. Trátase dun itinerario único que discorre por 78 municipios costeiros a través de 52 etapas, concibido para ofrecer unha alternativa de turismo sustentable e amosar a convivencia entre a conservación ambiental e o desenvolvemento socioeconómico da zona. Esta gran ruta vertebradora, que xurde como unha das medidas clave ao abeiro da Lei de ordenación e xestión integrada do litoral de Galicia, conecta espazos naturais, vilas mariñeiras e un rico patrimonio.
