Noticias sociedad
O Sistema Universitario de Galicia (SUG) contará a partir do vindeiro curso 2023-2024 cun modelo de graos e másteres duais pioneiro en España, nos que o alumnado combinará a súa formación nas tres universidades públicas cun contrato laboral regrado e remunerado nunha empresa. O conselleiro de Cultura, Educación, FP e Universidades, Román Rodríguez, realizaba esta confirmación este venres no transcurso da xornada Formación Dual universitaria: unha aposta de futuro para estudantes e empresas, celebrada na Cidade da Cultura, e na que participaron os reitores das universidades de Santiago de Compostela (USC), Antonio López; da Universidade de Vigo (UVigo), Manuel Reigosa e da Universidade da Coruña (UDC), Julio Abalde.
Inaugurouse hoxe no Arquivo de Galicia, coincidindo co 8 de marzo, a exposición 'Voces esquecidas. As mulleres do Hospital de Conxo', centrada na saúde mental abordada desde unha perspectiva de xénero. A mostra poderá verse na Cidade da Cultura ata setembro e está enmarcada na serie Mulleres Sobranceiras que cada ano se organiza con motivo do Día Internacional da Muller. A través de 57 pezas, do fondo do Hospital Psiquiátrico de Conxo transferido ao Arquivo de Galicia polo Servizo Galego de Saúde en 2012, móstrase o relato das mulleres internadas no centro, posto en marcha en 1885, por cuestións consideradas na época enfermidades mentais.
Galicia conta xa cunha lei propia de igualdade desde hai case 20 anos, polo que foi unha das Comunidades pioneiras na protección legal da muller e dos seus dereitos. Agora, a normativa vai un paso máis alá para identificar a discriminación múltiple por etnia, idade ou discapacidade; impulsar un cambio de mentalidade nas empresas para que faciliten a conciliación e o teletraballo; perseguir a erradicación do teito de cristal e reforzar a protección das mulleres contra os ataques sexistas nas novas tecnoloxías.
Unha programación do máis fresco da música urbana e electrónica do panorama nacional. Artistas como Hard Gz, Soto Asa, Israel B, Kaydy Cain, Miranda, Albany, Parkineos, MDA, Dirty Suc ou Deva farán desta edición un festival dos máis míticos do verán. Cabe recordar que o escenario do Rompe sempre é un trampolín das novidades e talentos da música urbana. Foi o primeiro festival de artistas a nivel internacional como Kidd Keo, Delaossa, ou Ergo Pro & ill pequeño, ademáis de ter nas súas edicións anteriores a nomes como Rels B, Fernando Costa, Recycled J que a día de hoxe atestiguan millóns de reproduccións. Esta traxectoria fai que asistir o festival Rompe asegura coñecer de primeira man aos artistas que van formar parte da élite do panorama urbano nacional este ano.
A exposición ArteNon recala este mes de marzo en Ferrol para achegar unha mirada crítica en torno ao concepto da violencia de xénero. A exposición, que ven de recorrer as outras seis cidades galegas, está composta por doce pezas gráficas materializadas na forma da palabra NON e acompañadas dunha referencia biográfica de cada unha das artistas xunto cunha sinopse da obra. As autoras das ilustracións son Andrea López, Candela Piñeiro, Alicia Suárez, Julia Gema, Eva Carballeira, Aurora Cascudo, Paula Cheshire, Paula Mayor, Abi Castillo, Idoa de Luxán, Lara Torres e Laura Tova.
O Centro de Novas Tecnoloxías de Galicia (CNTG) iniciou xa a programación formativa deseñada para o primeiro semestre deste ano, que ofrece un total de 1.000 prazas de cualificación certificada e especializada a través de 47 cursos, así como a organización de 39 xornadas técnicas centradas na innovación e o sector tecnolóxico. Os 47 cursos están a impartirse nas modalidades presencial, virtual e de teleformación e, ao seu remate, as alumnas e alumnos teñen a opción de recibir unha certificación, tanto as persoas desempregadas inscritas no Servizo Público de Emprego de Galicia como as persoas traballadoras nun centro emprazado en Galicia.
Este programa levou atención sociosanitaria gratuíta en podoloxía, audioloxía e estimulación da memoria a máis de 35.000 persoas maiores de toda Galicia durante o último ano. O horario de atención deste servizo é de nove da mañá a oito da tarde e as persoas usuarias soamente teñen que pedir cita previa nalgún dos teléfonos habilitados ou ben por correo electrónico.
A conselleira de Política Social e Xuventude, Fabiola García, respondeu esta mañá a una interpelación no Parlamento galego sobre as medidas impulsadas pola Xunta para facer fronte ao reto demográfico. Durante a súa intervención lembrou que Galicia gañou preto de 2000 habitantes no primeiro semestre do ano 2022, segundo datos do Instituto Nacional de Estatística, grazas ao saldo migratorio. Fabiola García sinalou que Galicia converteuse nunha Comunidade de referencia en materia de demografía gracias á aprobación no ano 2021 da primeira Lei de Impulso Demográfico de toda España. Unha normativa que, apuntou, permitiu blindar as medidas impulsadas para facer fronte á perda de poboación desde a transversalidade.
A Consellería de Infraestruturas e Mobilidade publica hoxe no Diario Oficial de Galicia a normativa do Plan Hidrolóxico de Galicia-Costa 2021-2027, na que se recollen as directrices deste instrumento fundamental para a xestión da auga en Galicia durante os vindeiros anos, e fixa como obxectivo lograr que o 100% das masas de auga da conca acaden o bo estado. O Plan Hidrolóxico de Galicia, que entrou en vigor o pasado 10 de febreiro coa súa publicación no Boletín Oficial do Estado, eríxese como unha folla de ruta con rango de lei. Foi aprobado por parte do Consello da Xunta hai xa oito meses, malia que non foi ata o pasado 24 de xaneiro cando foi autorizado en Consello de Ministros por parte do Goberno central.
Tivo lugar en Santiago de Compostela a entrega dos Premios Excelencia Académica a 434 estudantes universitarios galegos. O obxectivo destes premios é recoñecer o traballo do estudantado coas mellores cualificacións en cada un dos cursos de grao oficial no Sistema Universitario de Galicia (SUG). No cómputo total de persoas galardoadas, que supera en 24 estudantes o da anualidade anterior, o 63,5% son mulleres e o 36,5% homes. Por rama de coñecemento, o 43% son estudantes de Ciencias Sociais, o 17% de Enxeñaría e Arquitectura, o 14% de Ciencias da Saúde, o 14% de Artes e Humanidades e o 12% de Ciencias. De entre as persoas premiadas, 172 proceden da USC, 123 da UDC e 139 da UVigo.
O congreso 'Retos do cambio climático: impactos, mitigación e adaptación' botou a andar en Santiago de Compostela. Este foro, organizado conxuntamente por USC e UVigo, constitúe a edición número doce do congreso da Asociación Española de Climatoloxía (AEC). Ata o venres 21, a xuntanza conformará un espazo de referencia para o intercambio, debate científico e difusión sobre as ciencias atmosféricas e, particularmente, o cambio climático.
As facultades de Bioloxía, Ciencias, Física, Matemáticas, Química e a Real Academia Galega de Ciencias, con motivo da celebración da festividade de San Alberte Magno, organizan a IX edición do concurso A Ciencia en imaxe. O certame conta con dúas categorías, fotografía e vídeo divulgativo, sempre que o contido estea relacionado coas Ciencias, como por exemplo, os seus conceptos fundamentais, científicos/as, fenomenoloxía, aplicacións tecnolóxicas, ou temas de investigación, entre outros.
Santiago de Compostela converteuse este luns 17 de outubro na capital mundial da Xeografía ao acoller, no Colexio de Fonseca, a reunión do comité executivo da Unión Xeográfica Internacional da que é vicepresidente o catedrático da USC, Rubén Lois. O reitor Antonio López mantivo unha xuntanza previa ao acto cos representantes desta asociación asesora da UNESCO e da ONU en diversos ámbitos.
Investigadores da Escola Politécnica Superior de Enxeñaría do Campus Terra da USC cítanse o vindeiro 23 de outubro no Courel para abordar sobre o terreo a problemática dos incendios, ademais de para analizar e propoñer alternativas e oportunidades de futuro para a ampla extensión da serra courelá que asolada polas lapas o pasado mes de xullo.
USC e UNICEF España realizaron un estudo sobre o impacto da tecnoloxía na adolescencia, que aplicou escalas validadas internacionalmente para o estudo do benestar emocional e o risco de depresión. Cunha mostra de máis de 40.000 adolescentes entre os 11 e os 18 anos, a investigación constatou que o 15% de adolescentes presenta síntomas graves ou moderadamente graves de depresión. Ademais, a taxa de ideación suicida sitúase no 10,8%, o que evidencia a necesidade de definir políticas públicas que actúen neste eido.
A vicerreitoría de Estudantes, Participación e Empregabilidade da Universidade da Coruña organiza o Foro Avanza do 25 ao 27 de outubro co obxectivo de facilitar a transición ao mercado laboral do alumnado e dos egresados da UDC. Este Foro será un encontro entre o estudantado e os axentes do mercado laboral no que haberá distintas actividades para que o alumnado mellore as competencias, destrezas e habilidades que se demandan e unha feira de emprego.
'Ser quen de usar diferentes linguas na mesma conversa e integrar elementos destas linguas nun único enunciado (alternancia de código) é unha capacidade humana fascinante que aínda non entendemos de todo', aseguran os docentes e investigadores do grupo de investigación LVTC (Languaje Variation and Textual Categorisation) da UVigo Carmen Parafita e Javier Pérez-Guerra.
Un dos grandes retos globais é a loita contra o cambio climático, que ten entre un dos seus principais efectos a intensificación dos eventos extremos, tanto secas como inundacións. Na súa prevención e afrontamento, a xestión da información para a toma de decisións e para a comunicación coa sociedade ten un papel decisivo.
A USC ocupa a sexta posición en orzamento concedido no marco de programa Erasmus+ KA171 para o período 2022-2025 nun cómputo total de 67 institucións de Educación Superior en toda España e a primeira a nivel galego. Segundo publicou o SEPIE (Servizo Español para a Internacionalización da Educación) a finais de setembro para o programa Erasmus+ Mobilidade educativa de estudantes e de persoal de Educación Superior, contará con preto dun millón de euros.
O Foro dos Recursos Mariños e Acuicultura das Rías Galegas (ForoAcui) celebrará os días 6 e 7 deste mes de outubro, no Auditorio Municipal de O Grove, a súa vixésimo cuarta edición asentado como espazo de referencia para comunicar e debater a realidade e as perspectivas de futuro da pesca, o marisqueo e a acuicultura en Galicia.
