Noticias politica
O Plan de prevención e defensa contra os incendios forestais de Galicia (Pladiga) 2023 procura a redución das consecuencias ecolóxicas, económicas e sociais dos incendios forestais, dentro das posibilidades que ofrecen os recursos dispoñibles. Este Pladiga 2023 ten catro liñas de actuación diferenciadas: prevención; detección, disuasión, investigación e medidas correctoras; extinción e formación, e ofrece este ano una serie de novidades, como son a creación dunha unidade de directores de extinción especializada en grandes incendios forestais, tres novas brigadas públicas helitransportadas, a ampliación da rede de videovixilancia forestal, a incorporación de novas melloras tecnolóxicas, a actualización das parroquias de alta actividade incendiaria e o reforzo do Plan de formación.
A conselleira de Infraestruturas e Mobilidade, Ethel Vázquez, en resposta a unha pregunta no Pleno do Parlamento, instou ao Executivo central a que destine os medios materiais e humanos necesarios para axilizar a execución desa solución completa na autovía e garantir dese xeito a seguridade viaria.
Salientou que a rectificación do Goberno, que agora se avén a executar por emerxencia e de xeito simultáneo as obras dos dous viadutos, demostra que a Xunta tiña razón, que as súas valoración técnicas eran correctas e a súa proposta era a máis acertada.
O presidente da Xunta, Alfonso Rueda, asistiu esta mañá ás tomas de posesión do novo delegado territorial de Pontevedra, Agustín Reguera, e da representante do Goberno autonómico en Vigo, Ana Ortiz. Durante a súa intervención, o titular do Executivo galego resaltou a experiencia, o compromiso e a dedicación dos novos delegados e agradeceu a entrega no desenvolvemento deste traballo dos seus predecesores, Luis López e Marta Fernández-Tapias, respectivamente. Rueda instou os novos delegados a seguir mantendo intactos o compromiso, humildade e bo talante que lles caracterizou nas súas responsabilidades anteriores para continuar a traballar sempre co único obxectivo de facer avanzar Galicia e buscar o mellor para os galegos e galegas.
Galicia e Portugal buscan sinerxías que permitan seguir estando á vangarda da cooperación e mellorando a economía e a capacidade de atender a cidadanía, no encontro entre o vicepresidente segundo e conselleiro de Presidencia, Xustiza e Deportes, Diego Calvo, e o presidente da Comisión de Coordinación e Desenvolvemento Rexional do Norte de Portugal (CCDR-N), Antonio Cunha, organizado pola Confederación de Empresarios de Galicia. Un dos obxectivos prioritarios para Galicia é a busca de novas vías de colaboración co país luso para a consolidación da Eurorrexión como referente de cooperación institucional, económica e cultural.
A Xunta de Galicia insiste en solicitar á Sareb unha proposta concreta que inclúa o estado actual das vivendas que a entidade financeira ten dispoñibles na Comunidade e as condicións para a súa cesión. Nunha carta enviada á entidade financeira, o director xeral do Instituto Galego da Vivenda e Solo, Heriberto García, reitera a necesidade de dispoñer de información detallada sobre os inmobles que ofrece nas grandes cidades e nas súas áreas metropolitanas.
O presidente da Xunta, Alfonso Rueda, anunciou hoxe que o Consello aprobou na súa reunión semanal 'a maior oferta de prazas de formación sanitaria da historia de Galicia para o exercicio 2023-2024'. En concreto, o titular do Goberno galego explicou que vanse ofertar 636 prazas, das que 'un terzo (207) serán para médicos de familia e outras 52 para enfermeiros de Atención Primaria'. Isto supón que os hospitais e centros de saúde do Sergas contarán no vindeiro exercicio con 16 residentes máis que en 2022. 'O número de prazas de formación sanitaria en Galicia non deixou de medrar desde 2012', lembrou o presidente, que subliñou que na última década 'o incremento foi do 70%' ao pasar das 381 prazas ofertadas para 2014-2015 ás 636 da vindeira convocatoria.
O presidente da Xunta, Alfonso Rueda, indicou que a nova Estratexia galega de seguridade e saúde no traballo recollerá os novos riscos que é necesario afrontar e previr no mercado laboral. Na clausura do XIII Congreso de prevención de riscos laborais en Iberoamérica, na que estivo acompañado pola conselleira de Promoción do Emprego e Igualdade, María Jesús Lorenzana, o titular do Goberno galego incidiu na necesidade de actualizar os protocolos no eido laboral co obxectivo de previr os accidentes ao máximo, reducilos ao mínimo e levar a cero a mortalidade.
A Xunta insiste na necesidade dunha reunión urxente co Ministerio de Agricultura para tratar a discriminación territorial que sofre Galicia na repartición das últimas achegas do Goberno central. En resposta a unha pregunta no Pleno do Parlamento, o conselleiro do Medio Rural, José González, cualificou como inaceptable que, dentro delas, os 157 euros por vaca nutriz de vacún de carne e os 61 euros polas de leite só vaian percibilos as explotacións localizadas na denominada zona de afección alta pola seca.
A Xunta de Galicia aspira a lograr un total de 4,36 millóns de euros dos fondos estatais reservados nos orzamentos de 2023 a previr e paliar os posibles danos causados polo lobo no sector agrogandeiro, a mesma contía que lle correspondía o ano pasado pero que o Goberno central se negou a transferirlle pola súa negativa a subscribir a nova Estratexia nacional da especie. Así o defendeu esta mañá a directora xeral de Patrimonio Natural, Belén do Campo, quen participou de forma telemática en representación do Executivo galego na reunión da Comisión estatal para o patrimonio natural e a biodiversidade, preparatoria da Conferencia sectorial de Medio Ambiente na que Goberno central e comunidades acordarán o reparto territorial definitivo.
A Xunta de Galicia, representada polo director xeral de Relacións Exteriores e coa UE, Jesús Gamallo, participou na asemblea xeral da Comisión do Arco Atlántico da Conferencia de Rexións Periféricas e Marítimas (CRPM). O encontro, celebrado en Cardiff, serviu de impulso para a proposta de creación dunha macrorrexión atlántica, invitando ao Goberno de España a tela como prioridade na súa presidencia do Consello da UE.
A cámara de representantes e mais o senado de Uruguai homenaxean o centro galego de Montevideo, o máis antigo do mundo en funcionamento. Tamén a Administración Nacional de Correos da república, cun cuño conmemorativo, e mais a Xunta Departamental da capital, cunha sesión monográfica, renden recoñecemento ao 135 aniversario desta comunidade.
O presidente da Xunta destaca a traxectoria de Juan Carlos I por facer da monarquía un lugar de encontro e subliña que o futuro rei Felipe VI será a súa garantía de futuro. Destaca a contribución do monarca para facer posible a España das autonomías e destaca a implicación do Rey cos proxectos de Galicia.
O xefe do Executivo galego considera este órgano como "voceiro do desexo" dos territorios de non perder a súa idiosincrasia e "da ansia" de que o proxecto europeo avance cara a unidade, a coordinación e a solidariedade en Europa.
A Executiva nacional considera que é a mellor opción para os intereses de Galiza e respecta a decisión das CUP de non concorrer nestes comicios. O BNG presentará programa e candidatura propia encabezada por Ana Miranda.
É innegable que vivimos nos últimos tempos unha importante desafección cidadá cara a política e ás institucións, públicas e privadas, administracións e altas maxistraturas do Estado ou entidades representativas da sociedade civil.
O presidente da Deputación de Ourense, Manuel Baltar, será o relator do almorzo-coloquio que o Fórum Nueva Economía organiza en Santiago de Compostela o luns 3 de marzo, cunha conferencia na que aborará o tema Os gobernos provinciais do século XXI, presentado por Pedro Puy, voceiro do Grupo Popular no Parlamento de Galicia.
O vicepresidente da Deputación de Ourense, Rosendo Fernández, recibiu no Pazo Provincial a seis deputados federales de México que están a visitar diferentes institucións de España para coñecer as súas experiencias e modelos de xestión.
Na toma de posesión da Presidencia da CALRE, o presidente da Xunta di que a Cámara galega reflicte a vida dunha Comunidade que se reafirma no diálogo, que quere manterse unida consigo mesma, unida coas restantes Comunidades de España e as rexións e nacións de Europa.
O presidente da Xunta fixo unha lembranza da figura pública de Ceferino Díaz do que se podía dicir, según Feijóo, que "forma parte dun amplo grupo de políticos que honran á política". Entrega, xenerosidade e responsabilidade foron algunhas das loubanzas ao político lugués.
Reforzar o apoio de Galicia aos 38.000 galegos que residen na illa de Cuba é o principal obxectivo da viaxe que prepara o presidente da Xunta de Galicia para principios de decembro, cando visitará á colectividade galega para coñecer as súas demandas e analizará oportunidades económicas.
