lunes, 20 de abril de 2026
Nesta liña, Rueda resaltou a aposta da Xunta para, no marco das súas competencias, ampliar o número de sanitarios (médicos, enfermeiros, farmacéuticos...) que se forman no Sergas co obxectivo de paliar o déficit actual nalgunhas especialidades e garantir o relevo xeracional.
O presidente salientou que, un ano máis, Galicia oferta o 100 % das prazas acreditadas en especialidades como medicina familiar e comunitaria, pediatría, medicina interna, psiquiatría, psicoloxía clínica, e matronas. Deste xeito, a Xunta consolida o incremento de prazas para a formación de especialidades MIR relacionadas co ámbito da atención primaria, así como tamén mantén a súa aposta por convocar o 100 % das prazas acreditadas nas especialidades vencelladas á saúde mental.
A presente oferta de prazas para a convocatoria de probas selectivas de 2023, e para o acceso no ano 2024, vai dirixida ás titulacións universitarias de grao/licenciatura/diplomatura de medicina, farmacia, enfermería e ámbito da psicoloxía, química, bioloxía e física.
Cómpre destacar que na convocatoria 2023/24 tamén se ofertan o 100 % das prazas acreditadas nas especialidades de cirurxía oral e maxilofacial, cirurxía pediátrica, cirurxía estética e reparadora, endocrinoloxía e nutrición, xeriatría, inmunoloxía, neurocirurxía, neurofisioloxía clínica, oncoloxía radioterápica; radiodiagnóstico, radiofísica hospitalaria; enfermaría do traballo, enfermaría pediátrica e enfermaría xeriátrica.
Por outra banda, na devandita convocatoria, a Comunidade galega obtivo a acreditación de 13 novas prazas formativas, cuxos destinos serán os centros sanitarios das áreas de Vigo, Ferrol, Santiago-Barbanza, A Coruña-Cee e Lugo, A Mariña e Monforte de Lemos.
Sobre este particular, a Xunta pon en valor o importante labor dos profesionais que colaboran coa docencia, pois o esforzo de xefes de estudo, titores e colaboradores docentes é imprescindible para que poida manterse unha alta calidade na formación das/dos especialistas.
Propostas para contar con máis prazas formativas
A Xunta continúa a facer un esforzo para incrementar a capacidade de formación de especialistas, uns profesionais precisos para prestar uns servizos sanitarios de calidade.
Así, o Servizo Galego de Saúde financiará o 100 % destas prazas con cargo aos seus orzamentos e, no presente ano, destinará unha partida de 69 millóns de euros, para o seu programa de formación de graduados e postgraduados.
Con todo, desde Galicia séguese a instar o Ministerio de Sanidade na adopción de novas medidas que contribúan a poder formar máis especialistas durante os vindeiros anos. As 13 novas prazas formativas non son dabondo. Necesitamos máis sobre todo nas especialidades con máis déficit de profesionais, indicou Rueda.
O presidente lembrou que a Xunta solicita ao Goberno central a mellora do sistema de selección para evitar que resulten prazas vacantes despois da resolución da convocatoria, eliminando as rixideces do sistema de elección electrónica das prazas e evitando que a nota de corte no exame impida que médicos que aspiran a algunha das prazas convocadas queden sen a posibilidade de elección mentres existan prazas sen cubrir.
Así mesmo, insta a realizar modificacións no procedemento e nos criterios de acreditación de prazas para a súa flexibilización, sobre todo nas especialidades deficitarias. Un compromiso do ministerio adquirido nun Consello Interterritorial do Sistema Nacional de Saúde do ano 2018 e que segue sen levarse a cabo, impedindo que se poida variar a oferta que se fai nestas especialidades.
Por último, tamén se lle demanda ao Goberno central que dote de operatividade o Rexistro Estatal de Profesionais, o que permitiría a planificación das convocatorias de xeito global para todo o Sistema Nacional de Saúde.
En 2025, Lara Weed e Jamie M. Zeitzer, da Universidade de Stanford, publicaron un artigo no que se relacionaba a práctica do cambio estacional de hora con aspectos negativos para a saúse, tanto de sintomatoloxía aguda (infartos ou accidentes cerebrovasculares), como crónica (obesidade). Agora, os profesores José María Martín Olalla, da Universidade de Sevilla, e Jorge Mira Pérez, da Universidade de Santiago de Compostela, tras analizar a metodoloxía aplicada neste estudo, constataron que 'o que o mundo leu como unha evidencia científica contra o cambio de hora resultou ser unha ilusión matemática'.
Un total de 15.733 persoas concorrerán ás oposicións de Educación deste ano 2026 segundo a listaxe provisional de admitidos publicado no Portal Educativo. Cómpre lembrar que, froito do acordo entre a Consellería de Educación, Ciencia, Universidades e FP e os sindicatos CC.OO., ANPE, UGT-SP Ensino e CSIF, como novidade nesta ocasión os interinos non teñen a obriga de presentarse ao exame, co obxectivo de axilizar o proceso. Isto provoca un descenso de case o 23% nas probas respecto á convocatoria do ano pasado. En concreto, 4.689 aspirantes menos. A Xunta de Galicia convoca para este proceso un total de 1.601 prazas, o que supón esgotar o 120% da taxa de reposición marcado polo Estado.
