sábado, 8 de agosto de 2026
O director xeral de Cultura, Anxo M. Lorenzo, participou hoxe na presentación da XII edición do Festival Bal y Gay, que celebrará do 12 ao 21 de agosto máis dunha decena de concertos, encontros internacionais e outras accións. Tal e como salientou, trátase dunha cita que promove a divulgación cultural e pedagóxica da música clásica e que contará, un ano máis, co apoio da Xunta de Galicia.
No acto, que tivo lugar na Casa de Galicia en Madrid, o representante da Consellería de Cultura, Lingua e Xuventude sinalou o achegamento da música clásica a enclaves singulares da Mariña lucense como son Alfoz, Mondoñedo, Ribadeo, Lourenzá, Cervo, Burela e Viveiro. Neste senso, incidiu no compromiso do Goberno galego con esta proposta artística na que conflúen música, arte e patrimonio, motivo polo cal seguimos a traballar coa Fundación Xesús Bal y Gay, sinalou.
Ao abeiro desta cita, Anxo M. Lorenzo fixo fincapé na procura de manter unha oferta cultural diversa e de calidade no territorio galego, como se vén facendo con maior notoriedade desde a aprobación da Lei de cultura inclusiva e accesible de Galicia. Ademais, agradeceu o traballo da organización por desenvolver nun lugar non habitual para este tipo de eventos esta celebración convertida nun referente da música clásica do norte de España.
Tal e como adiantou o director xeral, outro dos eixos deste encontro será o pedagóxico, coa posta en marcha de dous proxectos musicais para o alumnado da comarca da Mariña. Por unha banda, a creación da Coral Marinaencanto e, por outra, o proxecto Operiña para a posta en escena dunha ópera orixinal adaptada que incluirá disciplinas diversas como son o teatro, a música, a danza, a literatura ou as artes plásticas.
Primeiro concerto en Foz e clausura en Viveiro
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, ás 20,00 horas, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz, ás 20,30 horas. Como novidade, o 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo, ás 21,00 horas.
A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, ás 20,30 horas, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas. Entre outros artistas destacados do certame estarán o Cuarteto Casals e o Cuarteto Quiroga.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
