Notas de prensa

Deputados federales de México visitan o goberno provincial de Ourense

O vicepresidente da Deputación de Ourense, Rosendo Fernández, recibiu no Pazo Provincial a seis deputados federales de México que están a visitar diferentes institucións de España para coñecer as súas experiencias e modelos de xestión.

A visita enmárcase dentro do Máster de asesoramento de imaxe e consultoría política que organizan a Consultora Carpe Diem e a Universidade Camilo José Cela de Madrid, dentro do Seminario internacional de comunicación política. O obxectivo desta acción formativa é expoñer por parte de consultores políticos as diferentes ferramentas de comunicación e compartir casos de éxito de xestión en diferentes instancias de goberno para que, ao seu regreso a México, poidan transformar estes coñecementos en estratexias de xestión na administración pública e na comunicación política.

Rosendo Fernández explicoulles aos deputados mexicanos o funcionamento administrativo e político da Deputación de Ourense, destacando o feito de que o ente provincial é un referente nacional en transparencia, “o que fala ben ás claras da xestión eficaz e eficiente que os diferentes departamentos da institución realizan a prol dos concellos da provincia e dos cidadáns”. Fernández subliñou que nunha provincia como a de Ourense, con 92 concellos, dos cales 91 deles contan con menos de 20.000 habitantes, “a existencia dun goberno local intermedio é imprescindible para a prestación de moitos servizos”. Entre eles citou a cooperación que presta a Deputación de Ourense aos municipios no ámbito do medio ambiente, o saneamento, o ámbito xurídico, de tributos, de benestar e de infraestruturas.

Gabinete de Comunicación da Deputación Provincial de Ourense, 2014-01-14

Actualidad

Foto del resto de noticias (turismo_galicia.jpg) Galicia remata o 2018 cun excelente resultado empresarial no sector turístico, tal e como reflicte o informe presentado hoxe por Exceltur, Alianza para a excelencia turística, no que fai balance da evolución no pasado exercicio e expón as perspectivas para o 2019. En ambos casos, a Comunidade galega aparece como unha das mellor situadas a nivel nacional. De feito, é a sexta autonomía cun maior crecemento tanto en ventas como en resultados e colócase terceira para o novo ano. En concreto, no que se refire ás ventas, o sector turístico experimentou un aumento do 3%, segundo os datos recollidos pola Enquisa de Clima Turístico Empresarial realizada por Exceltur.
Foto de la tercera plana (camilo_jose_cela_3.jpg) A Fundación Galega Camilo José Cela conmemorará con diversos actos neste 2019 o 30 aniversario da concesión do premio Nobel ao escritor padronés. Como comezo desta programación mañá, o cemiterio de Santa María de Adina acollerá unha ofrenda floral, ás 11,30 horas, na que participarán a directora xeral de Patrimonio Cultural, María del Carmen Martínez Insua, o alcalde do Concello de Padrón, Antonio Fernández Angueira, e o alumnado do IES Blanco Amor de Ourense que procederá á lectura dun texto do autor galego. Neste acto participará tamén Anxo Angueira, presidente da Fundación Rosalía de Castro, coa que a Fundación Pública chegou a un acordo de colaboración neste 2019.

Notas

A nova programación de artes escénicas de Santiago ofreceralle ao público compostelán 25 espectáculos, dos que 10 chegan á cidade a través da Rede Galega de Teatros e Auditorios (RGTA), o circuíto de exhibición que a Consellería de Cultura e Turismo promove a través da Axencia Galega das Industrias Culturais (Agadic) e en colaboración coas entidades locais xestoras dos seus 40 espazos asociados.
Poderanse acoller as pemes que conten con plans empresariais que oscilen entre os 50.000 e os 2 millóns de euros e que pertenzan a algún destes sectores: industrias extractivas; industria manufactureira; tratamento e eliminación de residuos; reparación de vehículos de motor e motocicletas; depósito, almacenamento e manipulación de mercadorías; hoteis e aloxamentos similares; información e comunicacións; e servizos técnicos ou outros servizos de apoio a industria.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania