sábado, 10 de mayo de 2025
O Goberno galego reclama coñecer as condicións nas que se atopan os inmobles -baleiros ou ocupados, con ou sen licencia de conservación, estado de conservación, etc.- así como as condicións nas que a Sareb a poría a disposición da Xunta.
García explica que tras analizar o listado recibido de 479 vivendas que están en comercialización e 806 pendentes de saneamento e logo de realizar as xestións correspondentes cos operadores locais da Sareb, o IGVS constatou que unha parte das vivendas incluídas na devandita oferta xa están comprometidas ou vendidas. De feito, por exemplo, na cidade de Vigo, 5 das 10 vivendas que aparecen no documento non estaban dispoñibles ao facer a consulta ao operador local.
O seguinte paso, unha vez recibida a información completa solicitada, sería unha reunión entre representantes do IGVS e da Sareb para concretar prazos e forma de cesión co obxectivo final de poñelas á disposición da cidadanía o antes posible.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
