lunes, 20 de abril de 2026
Rueda lembrou que o modelo de delegados territoriais implantado en 2009 pola Xunta é un modelo eficaz que foi imitado por outras comunidades autónomas. Por iso, remarcou que a primeira misión que teñen os novos delegados é manter esa relación institucional como representantes da Xunta nas súas respectivas áreas e traballar para todos os cidadáns. Falar da Xunta é falar da Xunta de todos os galegos, de todas as institucións, de todos os colectivos e de todas as cores, aseverou.
Rueda instou os novos delegados a seguir mantendo intactos o compromiso, humildade e bo talante que lles caracterizou nas súas responsabilidades anteriores para continuar a traballar sempre co único obxectivo de facer avanzar Galicia e buscar o mellor para os galegos e galegas. Nesta liña, salientou o carácter dialogante e conciliador así como o rigor e coñecemento de Agustín Reguera, mentres que de Ana Ortiz destacou a súa experiencia e o seu grao de coñecemento do funcionamento das administracións en Galicia, á vez que enxalzou a súa alta capacidade de traballo.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
