viernes, 16 de octubre de 2026
O conselleiro de Educación, Ciencia, Universidades e FP, Román Rodríguez, que participou na mesa redonda de clausura de EducaIA xunto cos seus homólogos de Andalucía, Baleares e Castela e León, salientou que o obxectivo do Goberno da Xunta de dotarse dunha Lei de Educación Dixital, nestes momentos en trámite parlamentario, é para afrontar con seguridade os retos da transformación social e tecnolóxica tamén no ámbito educativo, ao tempo que blinda o modelo galego de ensino híbrido de calidade, equidade e igualdade de oportunidades.
De aí que Galicia vaia converterse na primeira comunidade autónoma en regular algo inédito ata o de agora como son os dereitos e deberes de todos os membros da comunidade educativa -administracións públicas, centros educativos, docentes, alumnos e familias- ante a nova realidade derivada da transformación dixital no ensino.
Nesta liña, o texto recolle aspectos como os usos permitidos e prohibidos da intelixencia artificial no ensino, o benestar dixital, a protección de datos, o dereito á identidade dixital e a accesibilidade universal, entre outros. Trátase, pois, de regular todas as cuestións que atinxen ao uso de ferramentas dixitais na contorna educativa e nos procesos de ensino-aprendizaxe, entendéndoas sempre como un medio, nunca como un fin en si mesmo, indicou. Román Rodríguez amosouse partidario de aproveitar as oportunidades de mellora que blindan as novas realidades tecnolóxicas e a intelixencia artificial, pero sempre ao servizo pedagóxico.
Pola súa banda, a conselleira de Educación da Xunta de Castela e León, María Pardo, defendeu que a educación debe ser o punto de partida para incorporar a intelixencia artificial, ensinando aos alumnos a utilizala de forma crítica, responsable e eficiente. Non se trata de prohibir nin de idealizar a IA, senón de educar para utilizala ben, sinalou. A conselleira salientou, ademais, que a tecnoloxía debe estar ao servizo dunha boa educación e non substituír aquilo que resulta esencial para aprender. A IA pode axudarnos, pero non pode reemprazar o criterio do docente nin capacidades como ler, escribir, razoar ou contrastar información.
A conselleira do ramo de Andalucía, María del Carmen Castillo, manifestou que a intelixencia artificial non é un suxeito en si mesmo e que o epicentro do sistema educativo debe ser o docente. Temos que reflexionar como sociedade para poñer en valor a figura do docente e que a IA se converta nunha ferramenta que potencie o pensamento en lugar dun ataio e, á vez, unha ferramenta pedagóxica e de avaliación para profesores e mestres, concluíu.
O conselleiro de Educación e Universidades das Illas Baleares, Antoni Vera, destacou a aposta polos novos currículos nas illas centrados nos coñecementos, con maior peso das Matemáticas e o reforzo das Linguas. Así mesmo, reivindicou o papel dos docentes e equipos directivos, co apoio do novo decreto para reforzar a súa autoridade; e subliñou as medidas de inclusión e apoio, como a redución de ratios, a extensión do comedor escolar a todos os centros públicos e o reforzo dos profesionais de orientación.
EdugalIA, a maior iniciativa de IA ao servizo da mellora educativa
A ponencia inaugural do foro correu a cargo do destacado investigador e especialista educativo chileno Cristóbal Cobo, experto en novas tecnoloxías e a aplicación da intelixencia artificial nas aulas.
Posteriormente, a directora xeral de Ordenación e Innovación Educativa da Xunta, Judith Fernández, participou, xunto con representantes doutras comunidades autónomas, nunha mesa redonda sobre iniciativas autonómicas en materia de IA, a formación do profesorado, a experimentación, a transferencia de coñecemento e as prioridades de presente e de futuro neste eido. A representante da Consellería de Educación deu conta de EdugalIA, a maior iniciativa de todo o país impulsada de xeito pioneiro por Galicia que vai aplicar a intelixencia artificial ao servizo da mellora educativa, enfocada, especialmente, a acadar o éxito escolar e combater o abandono temperá. Pola súa parte, o secretario xeral técnico da Consellería, Manuel Vila, participou nun panel monográfico de análise da lexislación, os marcos regulatorios, a gobernanza, a supervisión e os retos que plantexa a incorporación da intelixencia artificial no ámbito educativo.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
