Noticias economia
O último informe sobre 'Prazos de pago a provedores e débeda comercial das Comunidades Autónomas', publicado polo Ministerio de Facenda con datos referentes ao mes de marzo, mostra que Galicia pechou o primeiro trimestre do ano sendo a segunda comunidade autónoma que paga con máis axilidade as súas facturas, xa que acadou un período medio de pago de 15,8 días, o segundo máis baixo de toda España, por detrás de Andalucía. Os datos oficiais da Administración do Estado indican que o período medio de pago de Galicia mantívose 14,2 días por debaixo do límite que establece a normativa estatal, que é de 30 días.
Un total de 86 prazas e mercados de toda Galicia e máis de 3.000 praceiros e praceiras súmanse á campaña internacional 'Quere o teu mercado', que se celebra ata o próximo 25 de maio. O propósito da iniciativa é promover os mercados e prazas de abastos de Galicia, incentivar o consumo de produtos frescos e resaltar os valores da compra local e a profesionalidade e bo facer dos praceiros, por quinto ano consecutivo, esta actuación de carácter internacional de promoción dos mercados locais e prazas de abastos. Baixo o lema 'Preto do teu corazón', realizaranse unha serie de eventos nos mercados dos países participantes para intentar atraer clientes e transmitir todos os beneficios que ten consumir nos mercados de proximidade.
Durante os próximos días e ata principios de xuño o Fondo Galego de Garantía Agraria (Fogga) realizará pagos superiores a 40 millóns de euros da campaña da PAC 2018, na que houbo unhas 29.000 solicitudes en Galicia. Tendo en conta os pagos xa realizados en novembro e decembro do ano pasado, o importe previsto de pagamentos totais estímase en 170 millóns de euros de axudas directas e 40 millóns de euros para as medidas de desenvolvemento rural. Así, en axudas directas pagaranse máis de 25 millóns relativos a complementos de pagos parciais das liñas de pago básico, pago verde e pequenos agricultores.
O Ministerio de Facenda vén de confirmar que Galicia é unha das comunidades autónomas que cumpriu no ano 2018 todas as regras de estabilidade orzamentaria, xa que cumpriu o obxectivo de déficit, o límite de débeda pública e a regra de gasto do exercicio. Isto supón que a Comunidade Autónoma evita ter que presentar un plan económico-financeiro (PEF), que si terán que realizar as administracións que incumpren algún dos tres obxectivos. Tal como establece o informe que vén de publicar o Ministerio de Facenda, Galicia cumpriu no exercicio 2018 o obxectivo de déficit público, que estaba fixado no 0,4% para todas as administracións autonómicas, xa que Galicia pechou o exercicio con superávit contable por primeira vez nos últimos 16 anos.
Presentouse esta mañá unha nova edición da campaña Días azuis do comercio galego, organizada pola Federación Galega de Comercio, Abanca e a Xunta, e que se celebra desde hoxe ata o 26 de maio co obxectivo de dinamizar o comercio de proximidade. Durante estas dúas semanas o obxectivo da campaña é visibilizar os establecementos que están a pé de rúa e dinamizar o comercio de proximidade. Os clientes dos comercios que realicen as súas compras entre estas dúas datas deberán rexistrar o seu tícket en www.diasazuis.com, ou ben solicitar que a rexistre o propio comerciante. Entre todos os participantes sortearanse un total de 16.200 euros en 80 tarxetas prepago.
A Lei 2/2019 de Reforzo de actuacións prioritarias, aprobada esta semana no Parlamento, permitirá que Galicia poida empezar a utilizar xa o superávit contable de 2018, un total de 125 millóns de euros, para reforzar o gasto social en Sanidade, Ensino e Servizos Sociais públicos. A través desta lei autorízase un suplemento que permitirá empregar o superávit sen penalizar o cumprimento das regras fiscais. No que atinxe ao destino dos créditos suplementados, a maior parte das actuacións afectan políticas de gasto social, que se complementan cun financiamento adicional para infraestruturas forestais preventivas, establece o texto da lei.
A contratación tamén continúa en aumento, mentres que no Estado baixa, e, ademais, o paro baixa nos colectivos prioritarios para a Xunta. O desemprego descende, así, entre os menores de 30 anos (-9,52%), nas mulleres (-7,73%) e nos parados de longa duración (-14,48%), o que supón que 3 de cada 4 persoas que saíron do paro no último ano pertencían a este colectivo. O paro tamén caeu nas catro provincias galegas, nas sete grandes cidades e en todos os sectores de actividade, liderando o descenso a construción (-19%) e a industria (-9,12%), ambos por riba da media xeral de Galicia (-8,81%), seguidos da agricultura e a pesca (-8,17% e os servizos (-7,31%). En canto ás provincias, lidera a caída do paro Lugo (-10,85%), seguida da Coruña (-9,44%), Pontevedra (-8,65%) e Ourense (-5,34%).
Esta mañá tivo lugar en Santiago de Compostela o acto de presentación de NÓS, AS MULLERES, a Asociación de Mulleres de Cooperativas Agroalimentarias de Galicia, que congregou a decenas de cooperativistas entre socias e membros de consellos reitores ou xerentes. A Asociación nace nun contexto social no que, se ben o 45% de persoas socias de cooperativas agroalimentarias en Galicia son mulleres (sobre un total de arredor de 27.800 persoas socias), os órganos de administración destas entidades contan só cun 22% de participación feminina, segundo datos do ano 2017 do Observatorio Socioeconómico doCooperativismo Agroalimentario Español, que contabiliza os datos de entidades asociadas a AGACA.
As estradas de titularidade autonómica rexistraron en 2018 unha intensidade media diaria de 3.097 vehículos, un 2,2 % máis que no exercicio anterior. Así o expón a Memoria de Tráfico que elabora anualmente a Consellería de Infraestruturas e Mobilidade e que se publicará nos vindeiros días. A intensidade media diaria (IMD) de vehículos superou ao valor autonómico nas vías das provincias de Pontevedra, con 4.408 vehículos ao día, e da Coruña, con 4.288. Por debaixo da IMD galega atópase o tráfico nas estradas de Ourense, con 1.642 vehículos ao día, e o de Lugo, con 1.582. Do tráfico rexistrado polas estacións de aforo durante o 2018, o 7,5 % correspondeuse con vehículos pesados, un valor similar ao ano pasado.
O Consello da Xunta aprobou o anteproxecto de Lei de reforzo de actuacións prioritarias que permitirá utilizar o 100% do superávit contable de 2018, 125 millóns de euros, para reforzar o gasto social en Sanidade, Educación e Servizos Sociais públicos. Trátase dunha ferramenta alternativa, legal e que se pode aprobar sen necesidade de autorización do Goberno central, que servirá para que Galicia dispoña dunha capacidade de gasto adicional de 130 millóns de euros. Autorízase así un suplemento de crédito para adiantar actuacións prioritarias nos servizos públicos e reforzar a atención primaria no Sergas, empregando o superávit sen penalizar o cumprimento das regras fiscais para este ano.
Asegura que valores como a solidariedade, a axuda mutua, a responsabilidade compartida, a equidade ou a igualdade, asociados ás cooperativas, han de ser promovidos e apoiados desde os poderes públicos en todo momento. Lembra que existen máis de 1.100 cooperativas en Galicia que superan os 88.000 asociados e que anualmente se crean entre 40 e 50 novas cooperativas cun número de socios novos de arredor de 1.500 cada ano.
O presidente da Xunta di que o desbloqueo da segunda convocatoria do Innterconecta supón 150 millóns de euros para a innovación e que se mobilice toda a capacidade de fondos europeos aos que ten dereito a comunidade, o que supón un fito desde o punto de vista do esforzo orzamentario.
O conselleiro de Educación asegurou na xornada Cultura e Responsabilidade Social Empresarial quee entende as estratexias culturais enmarcadas nesta responsabilidade como unha oportunidade para a creación de emprego e o desenvolvemento social.
Núñez Feijóo asegura que a Xunta ten actuado en todas as frontes nos últimos anos para mellorar o atractivo turístico de Galicia, coa ordenación do territorio, na promoción e comercialización, na mellora na xestión e na lexislación e destaca que Galicia é foi a primeira "que puxo en marcha o Plan de Formación para a Excelencia Turística.
Este organismo garante que as intervencións dos fondos sexan coherentes coas prioridades da Xunta e da UE e complementen as políticas de desenvolvemento económico e social de Galicia. Tamén coordinará e velará polo cumprimento das obrigas en información e publicidade dos plans de Comunicación do FEDER e do FSE.
Tralo anuncio da CRTVG da extinción dos contratos de 93 traballadores como
resultado do proceso selectivo na compañía, o Colexio de Xornalistas
lamenta a perda de postos de traballo e expresa a súa preocupación porque
esta medida supoña a redución do cadro de persoal dos medios públicos
galegos e o deterioro da calidade do seu servizo informativo.
Galicia conta ca metade das explotacións gandeiras de leite ecolóxica de España e é tamén a comunidade lider na producción de avicultura ecolóxica. No ano 2011, o valor de mercado dos produtos certificados polo Consello Regulador da Agricultura Ecolóxica de Galicia (CRAEGA) incrementouse nun 28%.
Arranca unha campaña de identificación e promoción do bonito do norte galego que combina valores nutricionais para o consumidor e económicos para o sector. Preséntanse as etiquetas identificadoras e o material promocional da nova edición de Faino Bonito no porto de Burela, que achega o maior volume de capturas.
Segundo os datos da Enquisa do INE Uso de TIC e comercio electrónico 2011/2012, analizados polo Osimga, as empresas galegas de máis de 10 empregados superan a media estatal de dispoñibilidade de ordenador, conexión a internet, telefonía móbil e correo electrónico.
O titular da Xunta presidiu o acto de apertura do congreso sobre Smart Cooperation. Pese aos momentos difíciles que vivimos, as rexións europeas seguimos sen ter medo a coñecernos máis e profundar máis na cooperación, dixo Feijóo.
