martes, 11 de agosto de 2026
O presidente da Xunta, Alberto Núñez Feijóo, salientou a cultura de responsabilidade que a Xunta ven practicando nos últimos anos e comprometeu que Galicia seguirá sendo solvente en 2012, por cuarto ano consecutivo. Así o dixo o xefe do Goberno galego no acto de entrega de premios ao éxito empresarial en Galicia.
Feijóo afirmou que a Xunta pretende seguir practicando a cultura de responsabilidade que nos levou a ser pioneiros en España das políticas de austeridade e resaltou que o aforro é riqueza e que grazas a esa mentalidade Galicia é a única comunidade que se axusta á estabilidade de presupostos desde hai tres anos e a primeira que se comprometeu a seguir sendo solvente e fiable no 2012.
O xefe do Goberno galego sinalou que a actualidade económica reclama vontade económica dos cidadáns pero tamén que o poder político cumpra a súa dobre obriga de tomar medidas para afrontar o contexto actual e de reparar inxustizas históricas, coma a ausencia da alta velocidade á nosa terra. Engadiu que a Xunta de Galicia non se conforma e intentou cumprir con esa obriga no pasado e quere facelo, tamén, no presente.
O presidente da Xunta puxo de relevo o gran capital humano de Galicia, formado por galegos que están traballado en todos os sectores e que conseguiron unha posición e un prestixio soñando, cooperando, innovando e traballando. Ese será o obxectivo, engadiu, na viaxe que emprenderá nunhas horas para reforzar as alianzas económicas e abrir novos vínculos con algúns dos principais mercados de Latinoamérica.
Os premiados, exemplo e privilexio para Galicia
Por outra banda, o responsable autonómico expresou a súa gratitude aos oito premiados polo seu éxito empresarial en Galicia, que constitúen un exemplo e un privilexio para o noso país e achegan autoestima colectiva.
Nese sentido, indicou que unha das secuelas das turbulencias dos tempos que vivimos é a desconfianza do conxunto da sociedade, pero afirmou que existe en Galicia, como no resto de España, unha sociedade sa e puxo como exemplo a Magín Froiz ou José María Otero, polo seu permanente compromiso social e económico coa nosa terra. Tamén mencionou Estrella Galicia ou Rías Baixas como mostra de internacionalización, Gotas del Marqués como modelo de innovación, Bimba y Lola como exemplo de emprendemento e Marineda City como xerador de novas oportunidades de emprego, que revelan que a nosa é unha sociedade capaz de edificar o futuro.
Por último, celebrou que tamén exista iniciativa pública disposta a fortalecer os cimentos, como demostra o premio ao Primeiro Tramo do AVE galego.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
