Noticias economia
Galicia é na actualidade a oitava rexión europea produtora de leite. O seu sector lácteo que ten a consideración de sector estratéxico- produce arredor do 40% do leite de España e comprende máis da metade do total das explotacións lácteas españolas. Os máis de 7.000 gandeiros galegos facturan anualmente arredor de 800 millóns de euros e a produción de leite no 2018 chegou aos 2,8 millóns de toneladas, consolidando a Galicia como líder nacional indiscutible. Na actualidade, o selo Galega 100% tense acreditado como identificador dun produto da máxima calidade, que permite ao consumidor unha identificación fácil e sinxela, o que contribúe a poñer en valor este produto nos mercados.
A misión comercial lévana a cabo 43 empresas, o Clúster do Naval de Galicia (Aclunaga), a Asociación de Industriais Metalúrxicos de Galicia (Asime), e a Cámara de Comercio de Pontevedra, Vigo e Vilagarcía, co obxectivo de potenciar alianzas estratéxicas que contribúan a incrementar a competitividade e a proxección exterior do sectores naval e metal. As empresas e agrupacións empresariais que forman parte da delegación están a ter reunións con armadores e estaleiros noruegueses, entre outros, co obxectivo de atopar novas vías de investimento e colaboración e avanzar acordos comerciais de cooperación, ao tempo que se incrementa o prestixio a nivel mundial da industria naval e do metal galegos.
Galicia é a segunda comunidade na que máis baixou o paro en maio con respecto a hai un ano, superando, ademais, a media de caída de desemprego rexistrada no Estado, con máis de tres puntos e medio de diferencia. Así, a Comunidade galega rexistrou no mes de maio unha baixada do paro do -8,99% fronte ao -5,31% de España. En Galicia, polo tanto, hai 15.891 desempregados menos que hai un ano, polo que o número de parados sitúa á Comunidade en niveis moi inferiores aos de hai unha década. O paro, polo tanto, continúa caendo, 6 anos de xeito consecutivo no mes de maio. O desemprego tamén descende na evolución mensual, nun 3,26% con respecto a abril (-5.421 persoas).
Galicia pechou o primeiro trimestre de 2019 cun superávit contable do 0,03%, mentres que a media autonómica rexistrou un déficit do 0,1%, segundo recollen os últimos datos publicados polo Ministerio de Facenda. Galicia rexistrou no peche do mes de marzo un superávit contable de 21 millóns de euros, mentres que o déficit do conxunto das administracións autonómicas situouse en 1.234 millóns. Os datos do Ministerio de Facenda mostran que a nosa comunidade é unha das cinco que rematou o primeiro trimestre do ano con superávit contable. As outras administracións autonómicas que tamén rexistraron capacidade de financiamento son Asturias (0,3%) e A Rioxa (0,1%), xunto ás dúas comunidades forais: Navarra (0,61%) e País Vasco (0,45%).
Galicia será unha das primeiras comunidades en dispoñer dun censo do solo empresarial, exhaustivo e actualizado, para facilitar a creación de empresas. Co obxectivo de ter mellor información sobre o total de solo empresarial dispoñible no conxunto da Comunidade, será obrigatoria e gratuíta a inscrición no censo de todas as áreas empresariais existentes en Galicia que teñan parcelas dispoñibles para a súa comercialización e tamén das áreas previstas para o seu inmediato desenvolvemento. Deste xeito, a obriga comprende a todas as áreas empresariais independentemente de que sexan propiedade de persoas físicas ou xurídicas.
O Produto Interior Bruto de Galicia medrou un 2,3% no primeiro trimestre do ano 2019, o que supuxo a creación de máis de 17.900 postos de traballo asalariados a tempo completo respecto ao mesmo trimestre de 2018, segundo mostran os datos das Contas Económicas Trimestrais publicados hoxe polo Instituto Galego de Estatística. Os datos mostran que, co primeiro trimestre do ano, son 22 os trimestres consecutivos nos que a economía galega encadea taxas positivas de crecemento. Tanto a taxa de crecemento interanual (2,3%) como a taxa trimestral (0,4%) son tres décimas inferiores ás rexistradas no trimestre anterior.
O último informe sobre 'Prazos de pago a provedores e débeda comercial das Comunidades Autónomas', publicado polo Ministerio de Facenda con datos referentes ao mes de marzo, mostra que Galicia pechou o primeiro trimestre do ano sendo a segunda comunidade autónoma que paga con máis axilidade as súas facturas, xa que acadou un período medio de pago de 15,8 días, o segundo máis baixo de toda España, por detrás de Andalucía. Os datos oficiais da Administración do Estado indican que o período medio de pago de Galicia mantívose 14,2 días por debaixo do límite que establece a normativa estatal, que é de 30 días.
Un total de 86 prazas e mercados de toda Galicia e máis de 3.000 praceiros e praceiras súmanse á campaña internacional 'Quere o teu mercado', que se celebra ata o próximo 25 de maio. O propósito da iniciativa é promover os mercados e prazas de abastos de Galicia, incentivar o consumo de produtos frescos e resaltar os valores da compra local e a profesionalidade e bo facer dos praceiros, por quinto ano consecutivo, esta actuación de carácter internacional de promoción dos mercados locais e prazas de abastos. Baixo o lema 'Preto do teu corazón', realizaranse unha serie de eventos nos mercados dos países participantes para intentar atraer clientes e transmitir todos os beneficios que ten consumir nos mercados de proximidade.
Durante os próximos días e ata principios de xuño o Fondo Galego de Garantía Agraria (Fogga) realizará pagos superiores a 40 millóns de euros da campaña da PAC 2018, na que houbo unhas 29.000 solicitudes en Galicia. Tendo en conta os pagos xa realizados en novembro e decembro do ano pasado, o importe previsto de pagamentos totais estímase en 170 millóns de euros de axudas directas e 40 millóns de euros para as medidas de desenvolvemento rural. Así, en axudas directas pagaranse máis de 25 millóns relativos a complementos de pagos parciais das liñas de pago básico, pago verde e pequenos agricultores.
O Ministerio de Facenda vén de confirmar que Galicia é unha das comunidades autónomas que cumpriu no ano 2018 todas as regras de estabilidade orzamentaria, xa que cumpriu o obxectivo de déficit, o límite de débeda pública e a regra de gasto do exercicio. Isto supón que a Comunidade Autónoma evita ter que presentar un plan económico-financeiro (PEF), que si terán que realizar as administracións que incumpren algún dos tres obxectivos. Tal como establece o informe que vén de publicar o Ministerio de Facenda, Galicia cumpriu no exercicio 2018 o obxectivo de déficit público, que estaba fixado no 0,4% para todas as administracións autonómicas, xa que Galicia pechou o exercicio con superávit contable por primeira vez nos últimos 16 anos.
Este organismo garante que as intervencións dos fondos sexan coherentes coas prioridades da Xunta e da UE e complementen as políticas de desenvolvemento económico e social de Galicia. Tamén coordinará e velará polo cumprimento das obrigas en información e publicidade dos plans de Comunicación do FEDER e do FSE.
Tralo anuncio da CRTVG da extinción dos contratos de 93 traballadores como
resultado do proceso selectivo na compañía, o Colexio de Xornalistas
lamenta a perda de postos de traballo e expresa a súa preocupación porque
esta medida supoña a redución do cadro de persoal dos medios públicos
galegos e o deterioro da calidade do seu servizo informativo.
Galicia conta ca metade das explotacións gandeiras de leite ecolóxica de España e é tamén a comunidade lider na producción de avicultura ecolóxica. No ano 2011, o valor de mercado dos produtos certificados polo Consello Regulador da Agricultura Ecolóxica de Galicia (CRAEGA) incrementouse nun 28%.
Arranca unha campaña de identificación e promoción do bonito do norte galego que combina valores nutricionais para o consumidor e económicos para o sector. Preséntanse as etiquetas identificadoras e o material promocional da nova edición de Faino Bonito no porto de Burela, que achega o maior volume de capturas.
Segundo os datos da Enquisa do INE Uso de TIC e comercio electrónico 2011/2012, analizados polo Osimga, as empresas galegas de máis de 10 empregados superan a media estatal de dispoñibilidade de ordenador, conexión a internet, telefonía móbil e correo electrónico.
O titular da Xunta presidiu o acto de apertura do congreso sobre Smart Cooperation. Pese aos momentos difíciles que vivimos, as rexións europeas seguimos sen ter medo a coñecernos máis e profundar máis na cooperación, dixo Feijóo.
Inditex amplía as súas instalacións centrais do polígono de Arteixo, na Coruña, investindo máis de 100 millóns de euros e creando 400 novos postos de traballo. A firma de moda galega salienta o seu compromiso da comunidade co traballo, coa calidade e coa internacionalización da economía galega.
A Xunta salienta que o compromiso de Pemex para construir 14 remolcadores nos estaleiros galegos é firme e salienta que as informacións xurdidas en México corresponden a un concurso internacional convocado por unha filial de Pemex.
A conselleira de Facenda clausurou en Santiago o Comité de Seguimento do Fondo Social Europeo Galicia 2007-2013. Salientou que Galicia recibirá máis de 900 millóns de euros de axudas comunitarias a través do FSE.
Os trámites para a explotación da mina lévanse a cabo como proxecto industrial estratéxico pola indubidable magnitude do proxecto. O proxecto depende da empresa canadense Edgewater Exploration ITD que, de ser aprobado, iniciaría o seus traballos a principios do 2013 por un período de 13 anos.
