viernes, 6 de noviembre de 2026
En menos dun ano, Galega 100% tense consolidado no mercado como referencia do leite de calidade producido e envasado en Galicia. Empregado inicialmente por Leyma, Feiraco, Larsa e Deleite, moitas outras empresas fóronse sumando a el.
Todas estas empresas gandeiras están inscritas no Rexistro Galego de Explotacións de Calidade Diferenciada, creado polo Decreto 57/2010, do 8 de abril, e modificado posteriormente para perfilar as condicións de integración.
Galega 100%, marca impulsada pola Xunta para a valorización do leite galego, creouse para dar resposta a unha antiga demanda do sector. Apareceu hai oito anos, en febreiro de 2011, como a única identificación que avala o leite de calidade diferenciada, como un produto da máxima calidade, suxeito aos controis dos servizos veterinarios oficiais da Xunta de Galicia e garantido pola certificación de calidade do Laboratorio Interprofesional Galego de Análise do Leite (LIGAL).
O sector do leite
Galicia é na actualidade a oitava rexión europea produtora de leite. O seu sector lácteo que ten a consideración de sector estratéxico- produce arredor do 40% do leite de España e comprende máis da metade do total das explotacións lácteas españolas.
Os máis de 7.000 gandeiros galegos facturan anualmente arredor de 800 millóns de euros e a produción de leite no 2018 chegou aos 2,8 millóns de toneladas, consolidando a Galicia como líder nacional indiscutible.
Na actualidade, o selo Galega 100% tense acreditado como identificador dun produto da máxima calidade, que permite ao consumidor unha identificación fácil e sinxela, o que contribúe a poñer en valor este produto nos mercados. O consumidor ten a seguridade de mercar un produto de Galicia, dunha calidade excepcional.
Desde a Xunta de Galicia, a través de Medio Rural, estase desenvolvendo un importante labor de promoción, no que hai que destacar nos cinco primeiros meses deste ano a presenza en sete importantes eventos relacionados coa gastronomía e co deporte, como o Fórum Gastronómico da Coruña, a feira Xantar de Ourense, Expordes 2019. Ademais, tamén se promocionou o seu consumo na carreira pedestre de Frades ou en varios partidos de baloncesto na cidade das Burgas, téndose repartido nestes acontecementos arredor de 30.000 unidades de briks de leite amparado con esta marca de calidade, xunto con información ao consumidor sobre como identificar este leite nos diferentes puntos de venta e coñecer as garantías e o significado da marca.
O día Mundial do Leite
O pasado sábado 1 de xuño Galicia sumábase á celebración do Día Mundial do Leite, instituído pola Organización das Nacións Unidas para a Alimentación e a Agricultura (FAO), que comezou a celebrarse no ano 2001. O obxectivo desta iniciativa é fomentar o consumo de leite e de produtos lácteos entre a poboación, tendo en conta os seus indubidables beneficios para a saúde.
Na web de Galega 100% pódese consultar todo o relacionado co selo, os requisitos que debe ter o leite para ser Galega 100% ou os produtos certificados con este selo. E na web do Ligal pode consultarse a relación das empresas que, na actualidade, producen este leite.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
