domingo, 19 de abril de 2026
O presidente da Xunta, Alberto Núñez Feijóo, destacou os avances na tramitación para a explotación da mina de ouro de Corcoesto, o primeiro proxecto industrial estratéxico na nosa comunidade que se plantexa conforme á nova Lei reguladora da política industrial de Galicia, e que suporá un investimento de 110 millóns de euros e a xeración de 1.371 postos de traballo.
A mina, cuxo proxecto depende da empresa canadense Edgewater Exploration ITD, está localizada nos concellos de Cabana de Bergantiños, Coristanco e Ponteceso e, segundo explicou o presidente, os trámites para a súa explotación lévanse a cabo como proxecto industrial estratéxico pola indubidable magnitude do proxecto.
Feijóo puxo de relevo a taxa de desemprego que rexistran os concellos sobre os que se estende a mina de Corcoesto, nos que existe solo industrial pendente de ocupar e cunha industria auxiliar, dixo, que se verá notablemente beneficiada, especialmente na tarefa de movemento de terras e na construción e posta en funcionamento da pranta de tratamento, necesaria obter o visto e prace da declaración de impacto ambiental.
O xefe do Goberno galego resaltou o traballo da Xunta para atraer investimento no sector da minería e, ao respecto, lembrou a aprobación da nova Lei reguladora da política industrial en Galicia, orientada a facilitar a implantación na nosa comunidade de proxectos que supoñan grandes investimentos e xeren postos de traballo. Esta lei nos está a permitir cumprir o obxectivo de facilitar a implantación e a consolidación de novos proxectos industriais estratéxicos para Galicia, dixo, e salientou: Estamos aforrando un ano e medio de trámites administrativos e imos aforrar 18 meses na tramitación ordinaria convencional deste tipo de declaracións de impacto ambiental.
Segundo sinalou, o obxectivo é que a finais de ano esta empresa canadense que cotiza na Bolsa de Toronto poida iniciar a explotación da mina por un período máximo de 13 anos, e que poida facer un investimento de 110 millóns de euros na comarca de Bergantiños cun emprego estimado, entre postos directos e indirectos, de preto de 1.400 novos empregos.
Feijóo considerou que estamos ante un proxecto estratéxico e interesante, posto que o prezo do ouro acredita a rendibilidade que esta explotación e esta empresa ten, ou poderá ter, se cumpre todos os requisitos que están sendo avaliados por 11 organismos distintos.
A previsión, segundo indicou Feijóo, é que a proposta poida ter o visto e prace para iniciar os seus traballos a principios do ano que vén. Así, precisou que serán 13 anos de período total de explotación, dos que tres corresponderán á preparación, ás infraestruturas e aos investimentos necesarios, oito á explotación da mina, e outros dous para a súa clausura e peche conforme á normativa que se lle vai exixir no momento da autorización definitiva para a extracción mineira.
Planificar e innovar no sector respectando o ambiente
No transcurso da súa intervención, o mandatario galego aludiu, tamén, ao paquete de axudas aprobado polo Consello da Xunta para a mellora tecnolóxica e a sustentabilidade económica e ambiental deste sector. Van destinadas, concretou, a entidades sen ánimo de lucro do sector mineiro galego co fin de concretar, xunto á Administración galega, a normativa en planificación, innovación e protección ambiental.
Segundo apuntou, Galicia é a cuarta comunidade autónoma en valor de produción mineira que representa case o 12 por cento do total de España. Un sector que, engadiu, dá emprego director a arredor de 8.500 traballadores en Galicia. Nesta liña, lembrou que a Xunta xa ten mobilizado liñas de apoio á minería nesta lexislatura por un valor de 26 millón de euros e que tamén se ten avanzado na ordenación e na planificación dos dereitos mineiros.
Sinalou que hai 1.200 dereitos mineiros en vigor neste momento, e apuntou que a Xunta xa iniciou a caducidade daqueles que non teñen actividade para volver a sacalos a concurso; primeiro, nas provincias de Ourense e da Coruña e, nos vindeiros meses, en Lugo e Pontevedra. Ademais, tamén se referiu á posta en marcha do Censo Catastral Mineiro, unha ferramenta tecnolóxica que mostra dun xeito rápido e sinxelo a situación xeográfica e administrativa dos dereitos mineiros existentes en Galicia.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
