Noticias sociedad
Galicia aspira a reducir un 75% as emisións de dióxido de carbono antes de 2030 e que a xeración eléctrica renovable chegue ao 85% dentro do seu obxectivo de acadar a neutralidade climática en 2040. Estes son algúns dos retos recollidos no II Plan Rexional Integrado de Enerxía e Clima (PRIEC 2030), que foi presentado hoxe. Este segundo PRIEC pretende guiar de forma transversal as políticas galegas ao abeiro da Estratexia Galega de Cambio Climático e dar continuidade ao desenvolvido entre 2019 e 2024, que permitiu que Galicia reducise a emisión de gases de efecto invernadoiro a un ritmo tres veces superior ao de España e da UE así como que sexa a comunidade na que máis se reduciron as emisións contaminantes.
A Consellería de Sanidade publica, na súa páxina web, o informe de actividade das infeccións respiratorias agudas correspondente á sétima semana do ano que determina que a intensidade da gripe continúa sendo baixa, mantendo unha tendencia estable. Segundo os datos, a taxa de consultas por gripe nos servizos de atención primaria aumentou un 14 % respecto da semana previa e fica en 59,2 consultas por 100.000 habitantes. O aumento da taxa obsérvase en todos os grupos de idade, sendo máis salientable no de 0 a 4 anos. O grupo con maior taxa de consultas foi de 5 a 19 anos, con 125,3 por 100.000 habitantes. Por áreas sanitarias, a taxa de consultas foi superior á da semana anterior en todas elas agás na da Coruña, na que permaneceu estable, e Santiago de Compostela e Ferrol, nas que descendeu.
O presidente da Xunta, Alfonso Rueda, informou hoxe de que o Consello acordou convocar unha nova edición do 'Bono alugueiro mocidade' por un importe de preto de 13 millóns de euros. Tal e como explicou a apertura do prazo de presentación de solicitudes comezará 'o vindeiro día 28 de febreiro' e prolongarase durante un mes, é dicir, remata o 28 de marzo. O obxectivo deste programa é facilitarlles aos mozos e mozas menores de 36 anos o pagamento da renda da súa vivenda habitual cunha axuda de 250 euros ao mes, sempre e cando esta contía non supere o importe que aboan en concepto de arrendamento.
Tradicións e rituais, música, espectáculo, gastronomía, humor e moita festa percorren as catro provincias galegas durante un mes. A programación destas citas está recollida no 'Entroido en Galicia', a guía editada por Turismo de Galicia sobre as celebracións de carnaval que teñen a categoría de interese turístico na comunidade. Estas son unhas festas que van máis aló da propia semana do Entroido do sábado, 1 de marzo, ao mércores de Cinza, o día 5. Xa desde o 7 de febreiro comezaron nalgunhas das citas os festexos, que se prolongarán en varias localidades ata o domingo 9 de marzo. As celebracións manteñen o seu carácter ancestral, lúdico e tamén humorístico, na forma de máscaras, desfiles, concursos de disfraces e comparsas.
Galicia será a sede da próxima edición da xornada sobre enfermidades minoritarias: Únicas Talks: Enfermidades minoritarias, raras pero non invisibles, unha excelente ocasión para compartir con expertos internacionais e dar a coñecer as novidades e boas prácticas que se están a levar a cabo neste ámbito. Trátase dunha iniciativa do Hospital Sant Joan de Déu, de Barcelona, e a Fundación La Caixa, na que se establece un foro para compartir os últimos avances e tendencias na xestión clínica, o diagnóstico precoz e o desenvolvemento de novas terapias no ámbito das enfermidades minoritarias.
Galicia vén de rexistrar un novo fito para o sistema sanitario público galego tras acadar 10.000 transplantes de órganos realizados na comunidade desde que se iniciou o programa, en 1981. No ano 1981, o Hospital Público da Coruña realizaba a primeira intervención do programa galego de transplante renal. Na actualidade, a comunidade galega xa contabiliza 5.168 transplantes deste órgano. Do mesmo xeito, en 1991, Galicia iniciaba o seu programa de transplante de corazón, un ámbito no que xa se está a achegar ao milleiro de intervencións, cun total de 959 transplantes. No ano 1994 asentábanse no sistema sanitario público galego os programas de transplante hepático nas áreas sanitarias de Santiago e Barbanza e na da Coruña e Cee. Neste caso, os dous hospitais de referencia acumulan un total de 2.803 transplantes de fígado.
O Banco de explotacións entrará en funcionamento de inmediato, coa publicación da Orde coa adopción de modelos normalizados para a xestión do Banco. Esta norma permitirá, na práctica, a inclusión dunha explotación no Banco por parte das persoas titulares que pretendan cesar na súa actividade e, por outra banda, tramitar a solicitude de intermediación para o acceso a unha explotación do Banco por parte de persoas interesadas no seu arrendamento, permuta ou adquisición. Esta posibilidade constitúe unha oportunidade tanto para o titular da explotación como para o titular que asume a xestión dunha explotación viable. Por unha banda, os cedentes, titulares de explotacións agrarias familiares, poderán complementar á súa pensión de xubilación cos ingresos xerados polo arrendamento ou venda da súa explotación. Por outra parte, os agricultores mozos ou novos agricultores poderán acceder á xestión dunha explotación en funcionamento e viable.
Tivo lugar o Comité de Autoridades Competentes da Demarcación Hidrográfica Galicia-Costa, no que, entre outras cuestións, se aprobou por unanimidade a actualización e revisión da avaliación preliminar do risco de inundacións (EPRI) para o ciclo 2028-2033. Esta aprobación supón un paso previo fundamental para o desenvolvemento do Plan de xestión de risco de asolagamentos así como do Mapa de perigosidade xa que incorpora a proposta de Áreas con risco potencial significativo de inundación (ARPSI). Nese senso, esta nova planificación incorpora dúas novas ARPSIS fluviais.
Galicia rexistrou en 2025 o terceiro mes de xaneiro máis cálido dos últimos sesenta anos, tal e como indica o avance do último informe climatolóxico elaborado por MeteoGalicia.Segundo os valores rexistrados nas estacións meteorolóxicas máis representativas, a temperatura media o pasado xaneiro foi de 9,8 graos, o que supón un valor 1,8 graos superior ao normal neste período do ano, polo que se considera un mes extremadamente cálido. De feito, trátase do terceiro xaneiro máis cálido desde 1961. Máis polo miúdo, o valor medio da temperatura máxima foi de 12 graos cun gran contraste entre as comarcas costeiras e as de interior. Así, os valores máis altos rexistráronse na comarca do Salnés -entre 14,3 e 15,2 graos- e os máis baixos -entre 6 e 7,7 graos- nas serra de Queixe e do Eixe.
A Consellería de Sanidade publica, na súa páxina web, o informe de actividade das infeccións respiratorias agudas correspondente á cuarta semana do ano que determina que a intensidade da gripe continúa sendo baixa, mantendo unha tendencia estable. Segundo os datos, a taxa de consultas por gripe nos servizos de atención primaria rexistrou un leve incremento do 4,4 % respecto da semana previa e fica en 66,5 consultas por 100.000 habitantes. Por grupos de idade, a taxa aumenta unicamente na poboación con idades comprendidas entre os 0 e os 19 anos.
O Pont-Up Store fixo pública este martes a selección de iniciativas que van participar na súa undécima edición, que se desenvolverá a fin de semana do venres 20 e sábado 21 de setembro nunha carpa instalada na Praza de España de Pontevedra. En total, na cita vanse presentar 42 emprendementos. Como novidade, seis empresas revolucionarias no seu sector tentarán convencer a potenciais investidores nun novo formato chamado Pont-Up Venture.
Celebrouse en Moaña a primeira edición do Congreso de Xeopolítica Participativa, unha iniciativa impulsada pola UVigo, en colaboración coa USC e o Concello moañés. O obxectivo deste evento, baixo o título 'A xeopolítica e o sector educativo', é dar 'unha visión realista e obxectiva sobre os acontecementos internacionais, xa que existe unha gran desinformación destes acontecementos que son da máxima relevancia actual'.
As persoas egresadas da Universidade de Vigo convértense para o resto da súa vida en embaixadores e embaixadoras da institución, nos seus representantes e nun espello no que mirarse. Para agradecer todo ese valor engadido, a UVigo puxo en marcha os Premios Alumni, que entregaron os galardóns da súa terceira edición nun acto no edificio Redeiras.
A Facultade de Economía e Empresa da Universidade da Coruña acolleu hoxe a inauguración dunha nova edición dos cursos da International Summer School (ISS) da UDC; un acto presidido polo reitor da UDC, Ricardo Cao, que estivo acompañado polo vicerreitor de Internacionalización e Titulacións, Moisés Canle, e os adxuntos de Política Internacional e Mobilidade e Convenios, María Bobadilla e Bruno Casal.
O Festival 17° Ribeira Sacra, que celebra a súa oitava edición do 26 ao 28 de xullo e que pertence a marca Festivales Territorio, completa cartel coas incorporacións do grupo De Ninghures e as sesións DJ de Señora DJ, Schultz e Tristón DJ. Ademais, engade dúas novas experiencias para o público: a cata Cervezas Alhambra, coas entradas dispoñibles desde este mércores na páxina web do festival.
26 alcaldes da provincia de Lugo, pertencentes ao Partido Popular, visitarán a sede de Aspnais o próximo luns, para coñecer en detalle o funcionamento das instalacións desta Asociación Provincial de pais e titores de persoas con discapacidade intelectual. Estarán acompañados pola Presidenta provincial do Partido, Elena Candia; polos voceiros de concellos onde o PP está na oposición, entre eles os de Antas de Ulla, Becerreá, Castroverde e Lugo, e polo voceiro do Grupo provincial, Antonio Ameijide, coordinador da visita, que considera de grande interese este contacto directo cunha entidade que atende a diversos usuarios procedentes dos concellos representados polos visitantes.
A directora xeral de Xuventude, Lara Meneses, nunha visita co delegado territorial da Xunta, Javier Arias, ao albergue de Area, en Viveiro, destacou a oferta destas 1.800 prazas para rapaces de 9 a 17 anos.
Nesta visita ao centro que albega 100 rapaces por quenda, entre eles 20 procedentes do Pais Vasco, dentro dos programas de intercambio, a representante da Consellería de Cultura, Lingua e Xuventude destacou o compromiso da Xunta coa mocidade galega "cunha programación de calidade que é xa un referente en todo o estado e que ofrece posibilidades de ocio en todas provincias.
Un ano máis, e xa van 5, a Asociación de Desenvolvemento Rural Serra do Courel ten o pracer de organizar o Courel Son, Jazz e Blues na Montaña. Serán catro grandes concertos en catro localidades distintas da serra, mantendo o obxectivo de dar vida a todos e cada un dos pobos do noso territorio, ao tempo que demostramos que, sexa a paraxe que sexa, dispoñemos dos mellores escenarios naturais.
Tras cinco edicións previas, celebradas en centros de referencia de todo o mundo, o congreso internacional Variation and Language Processing, VALP6, recala en Vigo. Organizado polo grupo Language Variation and Textual Categorisation da UVigo, este simposio reúne a especialistas de diversos campos como a psicolingüística, a sociolingüística, a ciencia cognitiva, a fonética experimental, a sintaxe e a pragmática que traballan sobre a relación entre a variación lingüística e o procesamento da linguaxe.
A satisfacción na experiencia de compra das persoas con 60 e máis anos en Galicia está determinada pola valoración do persoal en aspectos coma a atención individualizada e a amabilidade no trato e o ambiente físico das instalacións en elementos coma a confortabilidade, a estética, o mobiliario ou a iluminación, entre outros. Así o revela o estudo O supermercado de proximidade.
