sábado, 12 de julio de 2025
En canto ás temperaturas mínimas, o valor medio foi de 5,2 graos. Os rexistros máis baixos déronse nas áreas de montaña da provincia de Ourense con valores de entre 0,1 e 1,4 graos mentres que os máis altos, que estiveron comprendidos entre os 8,5 e os 9,9 graos, localizáronse na península do Morrazo.
Polo que respecta ás precipitacións, a chuvia media acumulada durante xaneiro foi de 345 litros por metro cadrado, o que representan un rexistro un 125% superior aos valores climáticos normais nesta época do ano, polo que se pode considerar un mes extremadamente húmido.
Os acumulados máis altos déronse nas serras litorais e, sobre todo, no suroeste da provincia da Coruña, con valores entre os 650 e 850 litros por metro cadrado. A menor cantidade de precipitación, comprendida entre 120 e 160 litros por metro cadrado, rexistrouse no este da provincia de Ourense e no litoral da de Lugo.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
