sábado, 24 de octubre de 2026
Á presente edición, celebrada baixo o título Prioridades en enfermidades raras: compartir datos, diagnóstico precoz e novas terapias, asistiu no día de hoxe o xerente da Axencia Galega de Coñecemento en Saúde (ACIS), Antonio Fernández-Campa. Nela participan expertos internacionais no ámbito da investigación, da asistencia e da regulación, ademais de profesionais e asociacións de pacientes.
Nesta edición abórdanse temas como o impacto da transformación dixital e as novas tecnoloxías ou os proxectos que se están a realizar co emprego de medicina xenómica para o diagnóstico.
Ao respecto, a xefa de servizo de Neotanoloxía do Complexo Hospitalario Universitario de Santiago e directora científica do Instituto de Investigación Sanitaria compostelán (IDIS), Luz Couce, exporá o proxecto de cribado xenómico neonatal Cringenes, que se está a liderar desde Galicia e que sitúa á nosa comunidade á vangarda dos países europeos no impulso deste tipo de iniciativas.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
