Notas de prensa

O festival 17o Ribeira Sacra pecha o seu cartel máis completo con De Ninghures, o novo escenario de Praia fluvial da Cova e máis experiencias

O Festival 17° Ribeira Sacra, que celebra a súa oitava edición do 26 ao 28 de xullo e que pertence a marca Festivales Territorio, completa cartel coas incorporacións do grupo De Ninghures e as sesións DJ de Señora DJ, Schultz e Tristón DJ. Ademais, engade dúas novas experiencias para o público: a cata Cervezas Alhambra, coas entradas dispoñibles desde este mércores na páxina web do festival.

Nesta actividade, os asistentes poderán coñecer algunhas das principais referencias de Cervezas Alhambra da man dun Beer Sommelier, que será o encargado de conducirlles por unha degustación das creacións máis destacadas da marca. A cata realizarase na nova localización do festival, a Praia fluvial da Cova, onde dará inicio a programación do venres ao mediodía, cunha sesión DJ da man do artista internacional Glassio e onde tamén terá lugar a Cata Pedaletas, da que quedan últimas prazas dispoñibles. Mentres que, desde onte, atópanse á venda as entradas para “Cata -Maridaxe Sabor a Málaga”, con viños e elaboracións asociadas a produtos agroalimentarios da provincia, que terá lugar nas Bodegas Regina Viarum e que se desenvolve a través dun proxecto impulsado pola Deputación de Málaga, a través da súa marca promocional agroalimentario, Sabor a Málaga.

Este mércores póñense á venda as entradas diarias na web, a partir das 12 horas, para a programación do domingo 28 no Parque Eloísa Rivadulla de Chantada. As entradas darán acceso ao Concerto Cervezas Alhambra de De Ninghures así como ao de Mondra.

Tanto a incorporación da banda de fresh trad galego De Ninghures como a de Señora DJ na Sesión Cervezas Alhambra, forman parte dos artistas seleccionados a través do acordo de colaboración establecido entre a cerveceira e a Fundación Paideia Galiza, co obxectivo de promover o talento e impulsar proxectos musicais incluídos dentro dos programas de aceleración promovidos pola fundación.

SORTEO CONCERTO SORPRESA CERVEZAS ALHAMBRA

Uno dos eventos que xa se converteu nun clásico dentro do 17o Ribeira Sacra, é o Concerto Sorpresa Cervezas Alhambra que se realiza nun catamarán que atravesa os canóns do Sil. Trátase dunha experiencia única na que os asistentes non descobren o nome do artista ata que a embarcación comeza a sucar as augas do río Sil. Ao longo desta semana e ata o martes 16, o festival, en colaboración con Cervezas Alhambra, puxo en marcha unha activación no seu perfil de Instagram no que sortean nove invitacións dobres para poder asistir ao Concerto Sorpresa Cervezas Alhambra que se celebrará o 27 de xullo ás 17:30 horas.

Galardoado por segundo ano consecutivo como “Best Small Festival” nos Iberian Festival Awards, o festival 17o Ribeira Sacra é xa un dos eventos imprescindibles do
verán no norte peninsular.

A novidade desta edición é o servizo de glamping (acampada de luxo) en colaboración coa empresa DOMO Camp, que estará situado nas piscinas de Sober. Este valor engadido permitirá ao público do festival gozar a súa estancia en plena natureza coas mellores comodidades. As reservas pódense realizar desde a web do festival. Así mesmo, o festival volve contar cun plan de mobilidade, cuxos billetes xa se atopan dispoñibles tamén na súa páxina web, que permiten reducir o impacto ambiental ao reducir o uso de vehículos propios e que circulará polos diferentes escenarios do festival.

Morcheeba, Queralt Lahoz, Carlangas Y los Cubatas, Say Yes Dog ou Glassio, entre outros, encabezan a programación musical.

O festival volve contar con Cervezas Alhambra como patrocinador principal, que busca sempre xerar instantes únicos que conviden a gozar dunha Alhambra coa mellor banda sonora de fondo. Así mesmo, tamén recibe o patrocinio da Xunta de Galicia, Turismo de Galicia e Fest Galicia, xunto a INAEM e conta co apoio dos concellos de A Pobra do Brollón, Sober e Chantada ademais do Consorcio de Turismo da Ribeira Sacra. Gadis e Bodegas Regina Viarum tamén apostan unha edición máis por este formato, mentres que as marcas galegas Mobify e Labauh participan como colaboradores.

Festival 17º Ribeira Sacra, 2024-07-09

Actualidad

Foto del resto de noticias (union-europea-bandeiras.jpg) O padroado da Fundación Galicia Europa (FGE) celebrou a súa reunión semestral, presidida polo director xeral de Relacións Exteriores e coa UE e director da FGE, Jesús Gamallo, onde abordou as prioridades de Galicia no novo mandato da Unión Europea. Así, a entidade traballa actualmente nos obxectivos para a defensa dos intereses galegos ante a UE trala renovación do ciclo institucional que se iniciou en xuño coa celebración das eleccións europeas. De particular interese para Galicia é o debate sobre o orzamento comunitario posterior ao 2027, dado que a Comisión está a revisar todas as partidas de gasto para facer unha proposta en menos dun ano.
Foto de la tercera plana (calendario-2025.jpg) O Diario Oficial de Galicia (DOG) publica hoxe o decreto da Consellería de Emprego, Comercio e Emigración polo que se determinan as festas da Comunidade Autónoma de Galicia do calendario laboral para o ano 2025 e no que se fixan como festivos propios o Día das Letras Galegas (17 de maio) e o Día Nacional de Galicia (25 de xullo). O calendario publícase tras o visto bo do Consello da Xunta e unha vez o Consello Galego de Relacións Laborais emitiu o correspondente ditame. A normativa estatal, fixada polo Real Decreto 2001/1983, establece as 14 festas anuais de ámbito nacional non recuperables, remuneradas e de carácter obrigatorio. Destes 14 festivos, dous son elixidos por cada concello.

Notas

Ao longo dunha semana, do 2 ao 8 de setembro, a provincia de Ourense acollerá a celebración do Congreso Internacional sobre Socialización do Patrimonio no Medio Rural (Sopa). Nel presentaranse máis de 60 comunicacións procedentes de países como México, Colombia, Chile, Arxentina, Grecia, Alemaña, Portugal e España e realizadas por case un centenar de investigadores e investigadoras en ámbitos como a arqueoloxía, a educación e a antropoloxía.
Dentro do plan de actuación da UDC na Cidade das TIC está a posta en marcha dunha infraestrutura dirixida a potenciar a transferencia de coñecemento no ámbito da IA. Trátase de 'sinerxIA', unha Incubadora de Alta Tecnoloxía en Intelixencia Artificial, iniciativa que vén de presentarse á segunda Convocatoria da Fundación INCYDE para Infraestruturas destinadas a Incubadoras de Alta Tecnoloxía en sectores estratéxicos emerxentes en Europa.
PUBLICIDAD
ACTUALIDAD GALICIADIGITAL
Blog de GaliciaDigital
PUBLICACIONES