sábado, 14 de noviembre de 2026
No ano 1999 a comunidade galega rexistraba a incorporación de dous novos programas de transplantes de órganos. En concreto, o programa de transplante pulmonar, que conta con 942 intervencións realizadas desde a súa posta en marcha; e o programa de transplante de páncreas, que nos seus primeiros 25 anos de instauración acumula 128 operacións.
A Xunta lembra que acadar estas cifras non sería posible sen a xenerosidade das 3.487 persoas doantes falecidas e das súas familias, así como das 468 persoas que doaron o seu ril en vida.
Así, a solidariedade da poboación galega, engadida á colaboración establecida entre o Servizo Galego de Saúde e Oficina de Coordinación Autonómica de Transplantes da Axencia de Doazón de Órganos e Sangue (ADOS), posibilita que a comunidade estea a conseguir cifras récord en transplantes e doazón de órganos.
Nesta liña, o ano 2024 rematou coa mellor cifra histórica neste ámbito ao rexistrar un total de 424 intervencións, un 28 % máis que no ano anterior.
Galicia pechou o ano 2024 coa maior taxa de doantes de órganos por millón de habitantes cun 50,7, desde a creación da Organización Nacional de Transplantes no 1989.
Ademais, tamén finalizou o exercicio coa menor cifra de pacientes á espera de transplante da súa historia, cun total de 193 persoas.
Na actualidade, 8 de cada 10 familias din si á doazón en Galicia.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
