martes, 4 de agosto de 2026
O encontro está organizado polo CICA (Centro Interdisciplinar de Química e Bioloxía), a Vicerreitoría de Investigación e Transferencia da UDC e pola Cátedra Resonac-UDC, baixo a coordinación de Israel Temprano, investigador Beatriz Galindo no grupo LISTE (Laboratorio de Investigación de Sistemas para la Transición Energética) e director da dita Cátedra, que forma parte da rede europea Alistore-ERI.
Principais contidos das xornadas
O evento, que terá lugar na Reitoría da Universidade, servirá como punto de encontro entre persoal investigador, estudantado e empresas, co obxectivo de compartir os avances científicos máis recentes en baterías e materiais para a transición enerxética.
O programa inclúe a presentación das actividades da rede Alistore-ERI desenvoltas, unha avaliación dos progresos de estudantes de doutoramento que investigan novas xeracións de baterías, materiais máis seguros e sistemas sostibles de almacenamento eléctrico, así como conferencias de persoal experto internacional sobre interfaces electroquímicas, baterías de sodio e potasio, electrolitos sólidos e modelización atomística de materiais.
A primeira xornada tamén acollerá unha sesión industrial coas principais entidades do sector na región entre elas Resonac, CETIM, Ferroglobe, INL e CTAG para compartir innovación e retos tecnolóxicos.
Ciencia para toda a sociedade: Ciencia en Movemento
En paralelo ao encontro científico, o CICA e a Cátedra Resonac-UDC unénse na organización do evento satélite Ciencia en Movemento, un programa de actividades divulgativas gratuítas que consistirá en charlas de persoal experto nun formato próximo e accesible e obradoiros familiares na Biblioteca Durán Loriga, con experimentos e demostracións sobre como funciona o almacenamento enerxético.
Proximamente anunciarase a programación completa das actividades divulgativas.
Sobre o CICA
O Centro Interdisciplinar de Química e Bioloxía (CICA) creouse en 2015 como un centro de investigación de ciencias avanzadas que conta con máis de 200 investigadores e investigadoras pertencentes a tres áreas científicas: Biomedicina; Alimentación, Contaminación e Saúde; e Nanociencia e Materiais Avanzados.
Desde 2024, o CICA conta co recoñecemento CIGUS da Xunta de Galicia, que acredita a calidade e impacto da súa investigación.
A excelencia investigadora, a transferencia tecnolóxica e a transmisión de coñecemento á sociedade forman os tres piares sobre os que se fundamenta o centro de investigación. É recoñecido pola atracción de talento, a visibilidade da muller científica e a promoción da igualdade de xénero, contando cunha presenza feminina superior ao 50%.
Cátedra UDC Resonac Sparking Truth
A Cátedra UDCResonac Sparking Truth ten como misión principal impulsar a investigación aplicada no ámbito da enerxía, con especial atención á transición cara a fontes limpas e renovables. Dirixida polo Israel Temprano, Group Leader e principal investigador no CICA e co-dirixida por Alba Tuñas, Head of Battery Business Development at Resonac (A Coruña), a cátedra naceu en setembro de 2024 da sinerxía entre Resonac GBU e o Grupo de Investigación en Sistemas para a Transición Enerxética (LISTE) da Universidade da Coruña (UDC). Esta colaboración ten como obxectivo desenvolver novos materiais e tecnoloxías que melloren a eficiencia e a sustentabilidade dos sistemas enerxéticos, como baterías. Ademais da investigación, a cátedra tamén impulsa a formación de talento especializado e a transferencia de coñecemento entre a universidade, a industria e a sociedade en xeral.
Galicia garante un ano máis de estabilidade e pona ao servizo da cidadanía, sendo a primeira comunidade en aprobar no Parlamento o teito de gasto non financeiro para 2027, que supera os 15.000 millóns para dar resposta ás prioridades dos galegos: o reforzo dos servizos públicos e a transformación do modelo produtivo, cunha aposta polo investimento en I+D+i e pola mellora da formación para impulsar o crecemento empresarial, ademais de mellorar o acceso á vivenda e garantir o mellor Xacobeo da historia. Durante a súa presentación no Parlamento, o conselleiro de Facenda e Administración Pública, Miguel Corgos, pediu a todos os grupos o seu apoio para un teito de gasto que esgota a capacidade máxima fixada pola regra de gasto e que consolida unha senda crecente dos orzamentos de Galicia.
O Instituto de Estudos e Desenvolvemento de Galicia (IDEGA) da USC presentou o 40º informe 'A Economía Galega', un estudo que realiza de maneira ininterrompida dende 1986. Os seus directores, Dolores Riveiro e Melchor Fernández, explicaron que o documento se pode resumir nunha 'evolución favorable na maior parte dos sectores de actividade, confirmando unha notable capacidade de adaptación nun contexto internacional complexo'.
