Noticias sociedad
O Instituto Nacional de Estadística (INE) vén de publicar os datos sobre o Padrón de Españoles Residentes en el Extranjero (PERE) a data 1 de xaneiro de 2019. As cifras feitas públicas polo organismo confirman a tendencia demográfica que está a experimentar a comunidade autónoma desde hai varios anos, e que reflicte un incremento do número total de galegos residentes fóra das nosas fronteiras, o que inclúe tanto aos emigrantes como os seus descendentes, xa nados nos seus países de destino, e unha diminución do de galegos nados na comunidade.
O Plan de transporte público de Galicia, que comezará a funcionar o vindeiro mes de agosto, permitirá a posta en marcha das paradas seguras en horario nocturno en case 2.000 liñas de autobús de Galicia, nos servizos de autobús interurbano prestados en 85 concellos galegos. Non obstante, mentres non entran en vigor as novas concesións, o Goberno galego xa lles trasladou unha proposta de protocolo ás empresas concesionarias para que poidan poñer en marcha xa esta iniciativa. Así, unhas oito empresas xa comunicaron a adhesión a este protocolo e trasladaron que teñen servizos na franxa comprendida entre as 22,00 e as 07,00 horas. Esta medida contempla como posibles beneficiarios ás mulleres, ás persoas maiores, aos menores que viaxen sós e aos viaxeiros con mobilidade reducida.
O conxunto dos galegos reciclou no pasado ano un total de 48.308 toneladas, é dicir, 5.000 toneladas máis que no ano 2017; o que se traduce nun incremento porcentual dun 11% e que representa o maior incremento en porcentaxe rexistrado na Comunidade galega na ultima década e superando en dous puntos o incremento a nivel estatal. A recuperación destas máis de 48.000 toneladas de vidro implican que cada galego reciclou unha media de case 18 kg ou o que é o mesmo unha media de 68 envases de vidro por habitante. Galicia sitúase como a segunda comunidade que rexistrou unha maior incremento na recollida selectiva a través do contedor verde, só por detrás da Comunidade de Madrid.
Galicia viviu un inverno cálido e seco, con temperaturas medias que se situaron por riba dos valores esperados e un déficit de precipitacións de case o 30% con respecto ao habitual nesta época do ano. Así se conclúe no informe estacional elaborado por MeteoGalicia, no que se comparan os rexistros de temperatura e chuvia dos últimos tres meses co período histórico de referencia 1981-2010. Concretamente, a estación caracterizouse en Galicia por presentar unhas temperaturas máis elevadas do habitual, especialmente polo que respecta ás máximas, que rexistraron valores altos, mentres que as mínimas se mantiveron dentro da normalidade.
O titular do Goberno galego, Alberto Núñez Feijóo, destacou hoxe a creación das medallas Emilia Pardo Bazán, que inician a súa tramitación e distinguirán as persoas e/ou institucións que coa súa traxectoria ou labor contribuísen e destacasen no desenvolvemento de accións relevantes en favor da igualdade entre homes e mulleres na nosa Comunidade. Deste xeito Galicia quere demostrar a súa gratitude a quen, a través da súa loita pola igualdade constrúe unha sociedade galega mellor para as xeracións que están por vir e ademais recoñecer a traxectoria de todos e todas os que traballan para erradicar as desigualdades de xénero que aínda persisten.
O Centro Galego de Artes da Imaxe (CGAI)-Filmoteca de Galicia ofrece esta semana o seu tradicional ciclo Olladas de muller, organizado cada ano en colaboración co Consello da Cultura Galega para conmemorar o Día da Muller. Entre o 6 e o 9 de marzo, a sede coruñesa da cinemateca proxectará oito películas dirixidas por realizadoras galegas e portuguesas para dar conta das últimas tendencias do cine que se está a facer a ambas beiras da raia. A cita arrancará o mércores ás 18,00 h. con Arte+muller+Galicia, unha proposta da experimentada comisaria de arte Rosario Sarmiento sobre a historia recente deste medio en Galicia, contada polas voces das mulleres que marcaron a creación contemporánea nas últimas décadas.
A Consellería de Educación, Universidade e Formación Profesional acaba de publicar no Diario Oficial de Galicia a convocatoria dos premios de excelencia académica ao alumnado de grao universitario oficial. Na súa primeira edición, estes galardóns premiarán os estudantes que obtiveron as mellores cualificacións no 2017/18 no Sistema Universitario de Galicia (SUG) en cada un dos cursos de grao, agás o último. O orzamento total da convocatoria ascende a 440.000 euros e cada persoa que resulte premiada recibirá unha dotación económica de 1.000 euros e un diploma acreditativo desta distinción. Concederase un premio por cada titulación oficial de grao ao alumnado que finalizase os estudos de 1º, 2º e 3º curso.
Desde o venres día 1 e ata o 20 de marzo permanecerá aberto o prazo de solicitude de admisión nos centros escolares para o vindeiro curso 2019/20, para todo o alumnado que entra por primeira vez no sistema educativo (maioritariamente en 4º curso de Educación Infantil), así como para aqueles/as alumnos/as de Educación Infantil, de Educación Primaria de Educación Secundaria Obrigatoria e de Bacharelato que desexan cambiar de centro escolar, sempre que haxa prazas dispoñibles. O calendario do procedemento de admisión e matrícula está establecido na Orde de 12 de marzo de 2013, que pode consultarse no DOG. Tal como queda reflectido na dita Orde, a solicitude de admisión poderase presentar ata o 20 de marzo.
19.000 persoas se beneficiarán dun aumento na súa prestación de dependencia a partir da nómina correspondente ao mes de abril. En concreto, o aumento das contías será dun 10% para aquelas persoas que teñen a súa autonomía limitada e que son coidadas na casa por un familiar, dun 15% na axuda para contratar a un asistente persoal e no caso das achegas para pagar unha praza de residencia estas subirán un 20% para as dependencias de grao I e III, e un 75% para as dependencias de grao II. O Servizo de Axuda no Fogar se multiplicou por dez a súa extensión desde 2009 e hoxe son preto de 23.500 as persoas beneficiarias, igual que o programa Xantar na Casa, que leva o menú diario a máis de 1300 maiores.
A Consellería de Educación, Universidade e Formación Profesional lanza o II macrocuestionario on line sobre convivencia nas aulas, co fin de actualizar os datos obtidos na primeira edición deste cuestionario elaborado a finais de 2015 e que no seu momento serviu para obter, por primeira vez, unha radiografía da situación dos centros escolares de Galicia. Trátase, por tanto, de testar o pulso da convivencia de xeito continuado no tempo e coñecer a súa evolución, co obxectivo último de deseñar medidas específicas a prol da convivencia escolar que sexan o máis axeitadas á realidade existente.
Desde mañá martes 29 ata o venres 1 de abril, 28 alumnos e alumnas de 3º da ESO (Ensino Secundario Obrigatorio) do colexio salesiano María Auxiliadora de Ourense, 8 alumnos e alumnas de 4º ESO do colexio Divino Mestre acompañados por 4 profesores/as do colexio e 3 animadores/as da Asociación Xuvenil AMENCER realizarán o Camiño de Santiago pola Rota da Prata (Rota Mozárabe). É unh
O domingo 3 de abril celébrase no Paseo da Corredoira o Festival do Meixón
Poranse á venda 500 racións ao prezo de 40. Dende o Concello de Tui apóstase pola recuperación deste evento gastronómico tras varios anos sen celebrarse.
Os tres gañadores recibirán unha axuda de 25.000 euros da Administración autonómica para continuar co desenvolvemento das súas iniciativas empresariais. Estes proxectos destacaron pola súa innovación, o uso de tecnoloxía diferencial e a súa achega aos sectores produtivos de Galicia.
A exconselleira da Xunta Manuela López Besteiro, a Asociación de Amas de Casa da Coruña e Miguel López Crespo reciben os Premios Consumo Responsable 2016. O conselleiro de Economía, Emprego e Industria, Francisco Conde, presidiu a entrega duns galardóns cos que se pon en valor o traballo dos distintos axentes sociais na protección e divulgación dos dereitos dos consumidores en Galicia.
Muros (A Coruña), Mondoñedo (Lugo), Monforte de Lemos (Lugo), Combarro (Pontevedra), Betanzos (A Coruña), A Guarda (Pontevedra), Allariz (Ourense), Ortigueira (A Coruña), Viveiro (Lugo) e Ribadavia (Ourense), seleccionados por Niumba, de TripAdvisor, como los 10 pueblos de Galicia que el visitante debe recorrer.
Trátase dun novo programa gastronómico que, entre o 18 ao 27 de marzo, involucra a máis de 20 cafeterías e restaurantes da capital galega que inclúen nas súas cartas produtos e preparacións doces tradicionais da Semana Santa, como torrixas, leite fritida, bolos de vento, rosquillas, melindres, rosca, chocolates "de paixón" ou tortas.
Unha anotación de Spallanzani a finais do S. XVIII, sobre un "morcego que podía ver perfectamente, aínda que fora privado dos seus ollos, é inexpresable, é o punto de partida do libro El dilema de Spallanzani y otras curiosas historias de murciélagos que o biólogo Roberto X. Hermida, presenta no Museo de Hª Natural.
A Oficina de Acollida ao Peregrino rexistrou entre o 1 de xaneiro e o 1 de marzo un total de 3.070 peregrinos, un 8,61% máis que no pasado ano 2015. Os peregrinos estranxeiros sumaron un total de 1.77. Os grupos de peregrinos estranxeiros máis numerosos procederon de Corea, Portugal, Italia, Alemaña, Estados Unidos, Brasil, Xapón, Francia, Irlanda e Reino Unido.
O día 8 de marzo celébrase no Salón Nobre de Fonseca o acto central do Día Internacional das Mulleres. Unha celebración en torno á que a Universidade de Santiago de Compostela (USC) organizou un amplo programa de actividades entre o 7 de marzo e o 7 de abril, cando se pecha na Biblioteca Intercentros de Lugo a motra dos Premios María Josefa Wonenburger Planells.
As International Masterclasses permitirá a máis de 60 estudantes de toda Galicia cambiar o 4 de marzo as súas aulas de secundaria polos laboratorios e instalacións da Facultade de Física da USC para traballar como verdadeiros científicos no ámbito da Física de Partículas e con datos derivados dos experimentos do acelerador de partículas do CERN.
