jueves, 30 de abril de 2026
eijóo agradeceu o traballo conxunto entre as entidades e as Administracións públicas e, nesta liña, valorou os datos do Instituto Nacional de Estatística, que reflicten que a porcentaxe de poboación en situación de carencia material severa en Galicia baixaron un 33%, algo que nos converte na segunda Comunidade co mellor dato de España. E incidiu en que a voz de entidades como as que se agrupan en EAPN conta, e moito, á hora de construír unha sociedade mellor.
As entidades sociais sodes unha peza clave insubstituíble na construción dunha sociedade máis xusta e equitativa, afirmou, facendo fincapé en que para que a resposta sexa eficiente e atenda directamente ás necesidades da persoa, é necesario que o diagnóstico de cada caso sexa tan individualizado e exhaustivo como sexa posible.
Feijóo reiterou o compromiso da Xunta coas políticas sociais, como pon de manifesto o Plan de atención a persoas sen fogar, que se aprobará nas próximas semanas e que, entre outras medidas, facilitará 100 vivendas para que estas persoas conten cun fogar a partir do que poidan empezar o seu proceso de reinserción.
Sobre este punto, recordou tamén a aprobación da Axenda Social Única, unha folla de ruta común elaborada en coordinación cos municipios e EAPN e que este ano comezarase a actualizar; e o novo Decreto da Risga, que non só incrementa a súa contía media de 450 a 550 euros, senón que facilita a súa compatibilidade cun emprego remunerado, para que os perceptores vaian substituíndo gradualmente a Risga por un salario.
Así mesmo, resaltou tamén algunhas das medidas orientadas a garantir o dereito a unha vivenda digna como a oficina Reconduce de prevención dos desafiuzamentos, os acordos con entidades financeiras para que cedesen vivendas baleiras ou o Bono de Alugueiro Social.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
