martes, 27 de octubre de 2026
Horizontes errantes é un exemplo de como as artes escénicas poden xerarse máis aló dos teatros convencionais e das cidades, en diálogo libre co mundo. Desta conversa en movemento que se transformará en danza forman parte a flora e a fauna, os peregrinos cos que compartiron ruta, e as veciñas e veciños das localidades que atravesan o Camiño, entre os que se contan proxectos de agroturismo sostible ou espazos de residencia para artistas.
O enfoque da obra convida a habitar a terra desde a lentitude e a escoita, entendendo o camiñar como un acto poético de resistencia que evoca sentimentos de esperanza e conexión fronte á acelerada realidade actual. A función será o sábado 27 de setembro ás 19,00 horas no Salón de Convencións do Edificio CINC, con entrada libre e gratuíta ata completar capacidade.
Conexións entre Alemaña e Galicia
A peregrinación artística de Horizontes errantes explora dous contextos xeográficos e culturais distintos en Alemaña e Galicia. Nunha primeira parte do proxecto, realizada no mes de xullo, Laura Aris e Jakob Jautz atravesaron a pé a Selva Negra, nun percorrido que se teceu grazas á xenerosidade de pequenas granxas familiares que os acolleron durante o camiño. Destes encontros naceu tamén unha peza escénica que estrearon no teatro E-Werk de Freiburg, e á que asistiron como público parte das granxeiras e granxeiros participantes.
Ademais, o proxecto inclúe a realización de varios obradoiros de danza contemporánea dirixidos a persoas interesadas no diálogo entre movemento, natureza e creación artística. O último deles, de carácter gratuíto, desenvolverase na Cidade da Cultura o domingo 28 de setembro.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
