jueves, 30 de abril de 2026
Para acadar este obxectivo, Almuiña referiuse as diferentes liñas de traballo que está a levar a cabo a Consellería de Sanidade. No referido á saúde sexual, o conselleiro destacou que o Sergas conta con 145 matronas en atención primaria, 13 centros de orientación familiar (COF) e 14 hospitais con urxencias e consultas de xinecoloxía. Ademais, segundo dixo o conselleiro, realízanse actividades formativas de asesoramento en anticoncepción dirixidas aos profesionais, xunto co Plan Proxecta, dirixidas ao profesorado.
No referido a saúde reprodutiva, o titular de Sanidade falou sobre os cursos de educación sanitaria de grupo pre e posnatal impartidos por matronas de atención primaria, ademais das consultar puerperais tralo nacemento dos fillos. Así mesmo dixo que o Sergas dispón de guías técnicas asistenciais, protocolos e procesos asistenciais integrados sobre a consulta preconcepcional e de embarazo normal; un procedemento de intervención en saúde no caso de violencia de xénero, no que se vai crear un apartado específico para maltrato infantil e maltrato obstétrico; e unha guía informativa para mulleres en situación de violencia de xénero.
Almuiña tamén destacou o labor dos bancos de leite materna para garantir o subministro doado de xeito seguro para a alimentación de prematuros. Ademais, o conselleiro lembrou que o Sergas promove a inclusión de test prenatal non invasivo dentro do cribado prenatal de anomalías cromosómicas e a vacinación contra a tosferina a mulleres embarazadas. Na actualidade tamén existe un protocolo específico para a atención á muller embarazada con trastornos aditivos e hai iniciativas nas áreas sanitarias para consultas específicas para mulleres con enfermidades reumáticas inflamatorias ou autoinmunes que desexan un embarazo ou están en período de xestación.
Prevención e formación
O conselleiro incidiu nas tarefas de prevención co Programa galego de detección precoz do cancro de mama, con 2,5 millóns de participantes desde a súa implantación, en 1992. Segundo varios estudos da Dirección Xeral de Saúde Pública, entre 1980 e o ano 2012 producíronse 910 mortes menos por cancro de mama entre 50 e 69 anos, o que supón un descenso da mortalidade dun 20% nas mulleres participantes no programa respecto do previsto sen cribado. En canto aos hábitos de vida saudables, o conselleiro lembrou a existencia dos programas Coídate Coidame, dirixido a neonatos e nais lactantes, e Xente con Vida, con pautas para as mulleres nas distintas etapas da súa vida.
A formación dos profesionais é outro dos alicerces na atención as mulleres. Jesús Vázquez Almuiña destacou a oferta continuadas que realiza a Dirección Xeral de Asistencia Sanitaria para que os sanitarios que actualicen coñecementos e habilidades. Así, dende hai 12 anos celébranse as Xornadas de saúde perinatal e reprodutiva. Nestas xornadas os profesionais teñen a oportunidade de empatizar e ser máis conscientes das dificultades coas que se atopan as mulleres respecto da súa sexualidade, a xestación ou a crianza.
No referente á atención as mulleres que perden un bebé durante o embarazo, o parto ou ao pouco de que o neno naza, Almuiña indicou que se está a elaborar a Guía de atención no proceso de morte e dó xestacional e perinatal. Con ela vaise prestar á muller e á súa parella unha atención de calidade baseada no mellor coñecemento científico dispoñible e preténdese homoxeneizar a atención profesional e proporcionar información e unha atención máis humanizada.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
