lunes, 2 de marzo de 2026
Ademais, esta edición consolida a aposta polas voces femininas nun abano amplo de rexistros, que vai desde o jazz-soul de Cecilia Krull, que abrirá o ciclo; ao rock das galegas Agoraphobia, hip-hop de Miss Boliva ou os ritmos tropipunk das Kumbia Queers.
Patrocionada por Cervezas Alhambra e coa colaboración do Instituto Nacional de las Artes Escénicas (Inaem), Atardecer no Gaiás é unha das citas imprescindibles e consolidadas da programación de Verán no Gaiás, que conta este ano cun cento de actividades de entretemento cultural, pensadas para todos os públicos. Entre as propostas predominan as que se celebran ao aire libre como é o caso deste ciclo e tamén as de pleno contacto coa natureza Unha noite no Bosque ou Camiño ao Gaiás sen detrimento daquelas nas que o lecer está vencellado coa arte e exposicións actuais, como As Nocturnas ou os campamentos urbanos para a cativada no Museo Centro Gaiás.
O cartel de Atardecer no Gaiás pretende reflectir e recoller unha escolma da actualidade musical, tanto a nivel internacional como galega, que conta cun peso relevante e de estilos variados, cun total de 8 artistas/formacións na programación. Deste xeito, enriba do escenario Cervezas Alhambra vaise poder escoitar unha escolma do talento galego no eido da música, como De Vacas coas súas divertidas e retranqueiras versións ou Agoraphobia. Estas rapazas do Barbanza contan cun recoñecemento unánime pola crítica especializada, que fai que nos últimos anos estean nos carteis de festivais de toda España.
Artistas nacionais e internacionais
Este ciclo tamén trae á Praza Central do Gaiás artistas do eido nacional que están a triunfar, como é o caso de Cecilia Krull, que abrirá o ciclo. O jazz desta madrileña valeulle discos de Ouro en Francia e Platino en Italia, onde os seus temas teñen estado liderando as listas das emisoras, xa que é a autora e a intérprete de My life is going on, coñecida canción da serie de éxito La Casa de Papel.
No eido internacional, Atardecer no Gaiás musicará solpores a ritmo de trap, hip-hop, dance e cumbia. Trátase de propostas que convidan ao baile, nas que se atopan os mexicanos Kumbia Boruka ou Miss Bolivia.
Voces femininas
O cartel desta edición volve confirmar a aposta do ciclo polas voces femininas, como son as potentes Kumbia Queers da Arxentina, e tamén por xéneros emerxentes con éxito entre a xeracións máis novas, como o flamenco-pop de Las Migas.
Neste cartel non se esquecen estilos xa imprescindibles neste ciclo ao solpor como son o indie (Floridablanca, Ladilla Rusa ou Monterrosa) o pop e o rock, no que sempre hai unha fiestra aberta para grupos galegos emerxentes, como son os lucenses Berta Franklin, os composteláns Malraio, o pontevedrés Soulmacklein ou os Best Boy. Esta formación de Tui pechará o 17 de agosto o ciclo Atardercer no Gaiás 2019, que se despedirá co reto de manter a cifra récord que se acadou na pasada edición, na que se superaron os 16.000 asistentes.
A Filmoteca de Galicia programa en marzo unha carteleira marcada polo inicio dun ciclo dedicado ao cineasta alemán Rainer Werner Fassbinder, que se prolongará ata maio, e pola celebración dunha nova edición de Olladas de muller en colaboración co Consello da Cultura Galega. Ao tempo, a Sala José Sellier acolle o peche do especial Béla Tarr / László Krasznahorkai, tres miniciclos de dúas sesións con presentacións e coloquios e novas propostas de Fóra de serie, Off Galicia, Filmoteca Júnior e Materiais para unha historia do cine en Galicia. A partir do 17 de marzo, a cinemateca da Xunta inicia Rainer Werner Fassbinder (I) cun primeiro bloque de proxeccións con versións restauradas que abre o ciclo sobre o realizador xermano, un dos principais representantes do Novo Cinema Alemán dos anos sesenta e setenta.
O presidente da Xunta, Alfonso Rueda, destacou que Galicia pechou o 2025 nunha situación de 'equilibrio', mantendo un 'alto nivel de execución orzamentaria e sen déficit', o que permitiu reforzar as políticas de gasto en servizos públicos. Así o reflicte o informe presentado ao Consello da Xunta pola Consellería de Facenda relativo ao avance de peche do exercicio do pasado ano. O documento destaca a execución dos gastos correntes, vinculados principalmente aos servizos públicos, que chegou ao 106% dos créditos iniciais, aumentando en 555 millóns de euros. Reflicte, tamén, a boa execución do orzamento, que se sitúa no 97,4%, e dos fondos propios, que chega ao 101% dos créditos iniciais.
