viernes, 17 de abril de 2026
Os hoteis e pensións galegos ingresaron no mes de agosto 84,7 millóns de euros, o que supón un incremento do 4,3% en relación ao ano pasado e a cifra máis alta da serie histórica. En termos económicos, e de xeito acumulado, de xaneiro a agosto, os ingresos hoteleiros ascenderon a preto de 313 M, o que supón un incremento do 5,6%.
Así se desprende dos datos feitos públicos hoxe polo Instituto Nacional de Estatística (INE) sobre viaxeiros e noites nos hoteis e pensións rexistrados no mes de agosto. A falta de coñecer os datos do resto de establecementos de aloxamento (campings, albergues, casas rurais
) que o INE publicará a vindeira semana, constátase que, só ese mes escolleron esta modalidade de aloxamento algo máis de 752.000 viaxeiros aloxados e máis de 1,6 millóns de noites nos establecementos hoteleiros.
Por mercados, no caso do turismo internacional, mantén por terceiro ano consecutivo o nivel de demanda por riba das 330.000 noites, rexistrando así, no que se refire ás noites na segunda cifra máis elevada da serie histórica.
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia. As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
Galicia consolida a súa posición como a comunidade española que máis logrou reducir en 2024 as emisións netas de gases de efecto invernadoiro (GEI) con respecto a 1990, ano de referencia a nivel comunitario para as políticas en materia de clima. En concreto, a baixada rexistrada neste período foi do 68,5% fronte ao 12,8% no que se sitúa a media nacional. Os últimos datos oficiais dispoñibles volven situar a Galicia á cabeza da clasificación nacional en canto a redución de emisións netas. No período 1990-2024 Galicia logrou reducir en máis de dous terzos as súas emisións netas e tamén é a comunidade española que lidera a baixada de emisións GEI interanual, cun 9,8% menos que en 2023.
