viernes, 25 de septiembre de 2026
A conselleira de Educación, Universidade e Formación Profesional, Carmen Pomar, participou esta mañá na presentación do estudo Situación da Educación en España: falan 19.000 familias de alumnos. Galicia, elaborado polo foro de investigación periodística Educa 20.20 en colaboración coa Fundación AXA e Sigmados, e que en Galicia contou cunha mostra de preto de 1000 entrevistas a nais e pais sobre a perspectiva que teñen da educación que están a recibir as súas fillas e fillos.
Tal e como salientou a conselleira, o estudo determina que en Galicia son minoritarios quen pensan que a FP conta cunha mala imaxe, o que se contrapón totalmente co dato nacional. Segundo o propio informe, as familias que pensan que a FP non ten unha mala imaxe atribúeno á rápida incorporación ao mercado laboral dos seus titulados, ao axuste da oferta, á adaptación ao futuro laboral e ao contacto coas empresas que ofrece a FP Dual.
O descoñecemento da FP en Galicia é mínimo, acadando niveis de coñecemento case totais (só dun 1%) e a puntuación xeral da FP en Galicia é de 7 puntos de valoración sobre 10, un dato moi positivo que a conselleira quixo agradecer a alumnado, docentes, centros educativos e empresas colaboradoras, polo seu traballo e compromiso. Sen este labor, a FP galega non podería ser hoxe, como o é, referente en todo o Estado.
Estratexia STEM
Carmen Pomar quixo tamén salientar os resultados que está a dar a estratexia STEM desenvolvida polo seu departamento no marco de Edudixital 2020. Non en balde, segundo o estudo o alumnado galego destaca respecto aos do resto de España pola maior porcentaxe deles que estudan a rama de Bacharelato de Ciencias (o 48,9% fronte á media nacional do 39,4%).
Así mesmo, o 56% das nais e pais galegos conversaron cos seus fillos sobre a conveniencia de optar por unha carreira STEM, unha porcentaxe superior que a nivel nacional (un 49,8%). Penso que estamos a avanzar nun sentido positivo neste labor que temos de incrementar as vocacións STEM, que van desembocar en profesións de futuro, entre os máis novos, dixo a conselleira.
Satisfacción das familias
Un dos principais obxectivos do estudo presentado hoxe é medir a satisfacción das familias. Neste sentido, o 61,8% das nais e pais consideran que existe en Galicia unha oferta axeitadas para a formación dos seus fillos ao rematar o instituto e o 66,2% considera que a formación en idiomas que reciben os seus fillos no centro educativo de cara ao futuro laboral é adecuada.
Por outra parte, o 76,2% das nais e pais consideran que os seus fillos están a obter bos resultados académicos, froito do esforzo, a motivación e apoio. Isto denota que en Galicia prima a cultura do esforzo que desde esta Consellería intentamos reforzar e destacar sempre por riba de calquera outro indicador, sinalou Pomar.
Para rematar a conselleira quixo facer fincapé no elemento que o estudo sinala como o máis valorado polas nais e pais: acadar a felicidade no traballo e escollelo en función da vocación de cada quen. Penso que co traballo que todas as partes estamos a desenvolver, cun peso fundamental por suposto do apoio das familias, conseguiremos ese obxectivo, dixo.
Na rolda de prensa, ademais da conselleira, participaron o director da Fundación AXA, Josep Alfonso; e o presidente de Educa 20.20, Fernando Jáuregui.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
