Noticias sociedad
A Cidade da Cultura celebra o vindeiro sábado 24 de agosto unha nova edición do festival Cidade Imaxinaria, convidando as familias a gozar dunha tarde lúdica ao aire libre, con entrada de balde, que transforma o complexo do Gaiás nun sorprendente mundo de fantasía. Visitar o incrible circo de bechos xigantes do dr. Mezzo, converterse nunha marioneta de carne e óso controlada por dedos mecánicos, abraiarse con extraordinarios saltos, voos e viravoltas que quitan o alento ou compartir danza e risos con tres simpáticos hipopótamos azuis. Estas son só algunhas das propostas da que é xa unha das citas clásicas da programación da Cidade da Cultura.
Alberto Vázquez con "A Caza" na categoría xeral e Martín Romero con "Uxío" na infantil e xuvenil son os gañadores do Premio Castelao de Banda Deseñada da Deputación da Coruña. A convocatoria chega así a súa décimo cuarta edición e, por vez primeira, concede o premio na modalidade de infantil e xuvenil. Dous autores de traxectoria xa moi recoñecida son os gañadores da nova edición do Premio Castelao de Banda Deseñada que esta mañá fallou un xurado presidido polo deputado da área de Cultura, Xurxo Couto, e composto por Gema Sesar, Kiko da Silva, Antonio Navarro Santalla e Albert Monteys ademais da xefa do servizo de Cultura, Mercedes Fernández Albalat que actuou como secretaria.
A primeira parte do verán estivo marcada en Galicia por unha gran variabilidade desde o punto de vista meteorolóxico, unha situación que non impediu que xullo acabase sendo un mes cálido e lixeiramente seco. Estas son as conclusións do resumo climatolóxico elaborado por MeteoGalicia, no que se comparan os rexistros de temperatura e chuvia do mes pasado cos valores medios das estacións representativas durante o período climático 1981-2010. A principal explicación é que as zonas de aire frío no Atlántico continuaron baixando máis ao sur do habitual durante o mes de xullo. Esta situación impediu que Galicia e o norte da península quedasen baixo a influencia das altas presións, así como os longos períodos de estabilidade propios desta época.
As Medallas Emilia Pardo Bazán outorgan un recoñecemento público ás accións desenvolvidas na nosa comunidade e que teñan contribuído e destacado na defensa da igualdade de dereitos e oportunidades entre mulleres e homes. As medallas levan o nome de Emilia Pardo Bazán por tratarse dunha precursora nas ideas acerca dos dereitos das mulleres e o feminismo; reivindicar a educación e instrución das mulleres como algo fundamental e incorporar en todas as súas obras ideas sobre a modernización da sociedade e o acceso das mulleres aos mesmos dereitos e oportunidades que tiñan os homes na súa época.
O Parlamento galego aprobou a nova Lei de Patrimonio Natural, un texto chamado a protexer e garantir a conservación de todos os valores e elementos naturais que conforman a Galicia verde e azul coa que se identifica á comunidade. O novo marco lexislativo virá reforzar e completar as políticas desenvolvidas nos últimos anos pola Xunta en materia de conservación do medio ambiente e da biodiversidade galegas e sumarase a medidas como a aprobación do Plan de Promoción e Posta en Valor do Patrimonio Natural de Galicia, a posta en marcha da primeira Rede Galega de Parques Naturais ou a creación da Rede Galega de Reservas da Biosfera.
Froito deste acordo, a Universidade da Coruña incorporará o grao en Nanociencia e Nanotecnoloxía para o curso 2020-21; a Universidade de Vigo incorporará o grao dual en Tecnoloxía da Automoción para o curso 2021-22 (o segundo grao dual do sistema); e a USC o grao en Innovación Gastronómica e Xestión Hoteleira para o curso 2021-22 (tras a conversión do CSHG en centro adscrito á Universidade de Santiago). A maiores, no curso 2021/22 entrará en funcionamento un cuarto, o grao en Relacións Internacionais, que será un grao interuniversitario (o segundo interuniversitario do SUG) entre a UDC (no campus de Ferrol) e a UVigo (no campus de Ourense).
O proxecto E-Dixgal púxose en marcha no curso 2014/2015 cun total de 84 centros educativos e 2.300 alumnas e alumnos na etapa de educación primaria. Coas novas incorporacións, o E-Dixgal chegará o vindeiro curso a 347 centros de ensino e a 27.000 alumnas e alumnos. A iniciativa vai dirixida aos centros educativos galegos sostidos con fondos públicos que impartan o próximo curso ensinanzas de 5º e 6º de primaria e de 1º e 2º da ESO e que conten con aulas dixitalizadas. Os centros de primaria que se incorporen impartirán a totalidade das materias en modalidade dixital; mentres que os de secundaria farano en polo menos 6 materias. Os centros adscritos a este proxecto disporán da conexión á rede axeitada e cos medios tecnolóxicos necesarios na aula, así como para o profesorado e alumnado.
O tempo medio de espera cirúrxica global do Servizo Galego de Saúde entre xaneiro e xuño deste ano foi de 56,4 días, 3,4 días menos que no mesmo período do ano anterior (que foi de 59,8 días). Con este dato non só se consolida a tendencia do ano pasado, na que Galicia situouse por primeira vez por debaixo dos 60 días, senón que é a mellor cifra dende que existe rexistro de listas de espera. Nos últimos cincos anos, a redución no tempo medio de espera foi de case 30 días. Así o reflicte o balance de tempo medio de espera no Sergas referido ao primeiro semestre de 2019 presentado hoxe polo xerente do Sergas, Antonio Fernández-Campa.
O Plan de dinamización das comarcas vitivinícolas de Galicia pretende que sexa o propio sector do viño o que decida o seu futuro. O Goberno galego vai coordinar esta estratexia e porá os medios económicos necesarios para aplicala, traballando xuntos os consellos reguladores das denominacións de orixe e indicacións xeográficas protexidas, as rutas dos viños, os grupos de desenvolvemento rural, asociacións de produtores, xeodestinos turísticos, etc. Tamén se procurará atender a cada necesidade e particularidade de cada zona produtora e de cada eido produtivo, así como das súas características comerciais, industriais e territoriais.
A Cidade da Cultura de de Galicia convida á rapazada de entre 10 e 13 anos a participar ao longo deste mes de xullo na súa actividade de verán 'Unha noite no Bosque', unha acampada nocturna con monitores no Bosque de Galicia, que se desenvolve os venres no monte Gaiás. O obxecto desta proposta do programa Verán no Gaiás é achegarlles ás xeracións máis novas a natureza da súa contorna máis próxima, á vez que transmitir e fomentar os valores de coidado e de respecto polo medio ambiente. A rapazada participante nas acampadas poderá descubrir e coñecer mellor a fauna e a flora dos espazos naturais do monte Gaiás, así como gozar dunha xornada de convivencia, obradoiros e xogos á luz das estrelas. Unha noite no Bosque está organizada pola Fundación Cidade da Cultura e conta co patrocinio de Viaqua.
Haberá pratos para levar a casa, caseta de mojitos e comidas dende os dous ate os once euros. A Praza Maior acollerá un concerto, as 22,30 horas, de Fórmula V. Ritmo, música e humor son a proposta delirante de Odaiko Percussion Group, unha agrupación na liña de Mayumaná ou STOMP.
A directora xeral de Comercio e a xerente da Fundación Centro Galego da Artesanía e do Deseño realizaron unha visita de traballo xunto co alcalde da localidade ao conxunto histórico-artístico dos Pendellos, que acollerá o evento. O Encontro, que se celebrará do 8 ao 10 de xullo, contará coa participación de 44 obradoiros que representan a ampla variedade de oficios do sector artesán galego, así como con 49 postos de produtos alimentarios de calidade.
Na conferencia Digital Festival 2016 organizada en Bruxelas polo Forum Europe, o comisario europeo de Educación, Cultura e Deportes, Tibor Navracsics, mencionou o proxecto educativo ICT-Go-Girls! no que colabora a USC como un exemplo destacado no fomento das vocacións tecnolóxicas entre as chicas.
Santiago de Compostela celebra a noite de San Xoán con numerosas cacharelas públicas e privadas en todo termo municipal. O concelleiro de Medio Ambiente e Convivencia deu conta das autorizacións tramitadas, nunha rolda de prensa na que o xefe dos Bombeiros lembrou a importancia de cumprir as normas de seguridade.
Un verán máis, a Fundación USC Deportiva e a Cidade da Cultura organizan conxuntamente o roteiro Camiño ao Gaiás co obxecto de achegar, cada xoves entre xullo e setembro, á sociedade compostelá e aos seus visitantes os distintos espazos dese centro cultural e a súa contorna, promocionando un estilo de vida saudable.
A Music Show Along History, está dirixida polo profesor de música do centro, Rodrigo Vázquez García. É un conxunto de flautas que interpreta unha serie de composicións que proporcionan aos espectadores un panorama sonoro e visual da historia da música.
Segundo unha análise realizada por Reuters, que inclúe outras nove universidades españolas entre 600 institucións analizadas, a Universidade de Santiago de Compostela (USC) figura entre as máis innovadoras de Europa polo nivel de publicacións científicas entre 2009 e 2014 e indexadas en Web of Science. A USC é a quinta no ranking español destas 10 universidades seleccionadas.
Trátase dunha das actividades enmarcadas no programa conmemorativo do 50º aniversario e organizouse tamén con motivo do Arde Lvcvs.
Continúa o programa de actividades conmemorativas do 50º aniversario de Aspnais.
O director xeral de Orientación e Promoción Laboral, Alfonso Marnotes, visitou en Pereiro de Aguiar as instalacións da sociedade cooperativa de ensinanza Guillelme Brown, que está formada por un total de 12 socios e é un dos poucos colexios de Galicia que ao mesmo tempo é unha cooperativa.
