jueves, 30 de abril de 2026
As actividades de Unha noite no Bosque comezan ás 19 horas cunha visita guiada polos espazos arquitectónicos do Gaiás, na que os rapaces terán a oportunidade de descubrir todos os recunchos do complexo deseñado por Peter Eisenman, así como achegarse dun xeito diferente ao traballo do prestixioso arquitecto norteamericano.
A continuación, acompañados de monitores, montarán o campamento no Bosque de Galicia e, despois dunha cea todos xuntos, participarán nunha ruta polo propio bosque e o Parque do Lago, titulada Os sons da noite. Nesta actividade, descubrirán a fauna e a flora deste espazo natural e aprenderán a recoñecer os sons característicos dos habitantes do monte Gaiás ao lusco fusco. A noite rematará ao máis puro estilo dos campamentos de verán, contando lendas e historias á luz das estrelas.
Xa o sábado pola mañá, e tralo almorzo e recollida do campamento, os participantes de Unha noite no Bosque asistirán a un obradoiro de nós básicos e a outro destinado a repasar mediante fichas e cantos a fauna nocturna descuberta o día anterior.
Entradas xa á venda
A rapazada que desexe participar nesta actividade deberá traer saco de durmir, esteira, utensilios de aseo e roupa cómoda e de abrigo, mentres que a cea e o almorzo serán proporcionados pola organización. En caso de moi mal tempo, a actividade trasladarase a un espazo interior da Cidade da Cultura de Galicia. A través da páxina web www.cidadedacultura.gal pode consultarse toda a información, así como acceder á venda das entradas así como a promocións e descontos.
Actividades familiares
Unha noite no Bosque é unha das actividades para a cativada da programación deste ano de Verán no Gaiás. Así, ademais destas acampadas, ofrece unha ampla e variada oferta pensada para fomentar a creatividade dos rapaces con propostas que conxugan lecer e cultura. Deste xeito, este ano póñense en marcha no Museo Centro Gaiás, do 8 ao 19 de xullo, dous novidosos campamentos urbanos para a cativada, vencellados ás exposicións actuais: Valor e mestría. Galicia como fútbol e Pensar coas mans. Cestería, cerámica e xoiería de Galicia.
Camiño ao Gaiás e as visitas Astronómicas completan esa oferta pensada para toda a familia en contacto co natureza, tanto para a descuberta ás tardiñas do xoves do verán de novas rutas para subir á Cidade da Cultura desde o casco histórico compostelán; como para deixarse marabillar polos segredos das estrelas e planetas do ceo nocturno de estío. Ambas actividades son de balde, con inscrición xa aberta a través de www.cidadedacultura.gal.
Os imprescindibles da programación familiar do Verán no Gaiás complétanse con Cidade Imaxinaria, festival pensado para toda a familia moi vencellado a espectáculos circenses, que neste 2019 terá lugar a tarde do sábado 24 de agosto.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
