jueves, 30 de abril de 2026
Esta variabilidade meteorolóxica, en todo caso, non se reflectiu nos valores medios das temperaturas, que foron cálidos, nin tampouco na chuvia acumulada, lixeiramente por debaixo do habitual.
Por todo isto, xullo resultou en xeral un mes cálido pero con grandes contrastes entre o litoral e o interior da comunidade. Así, na comarca do Baixo Miño e no Miño ourensán acadáronse as temperaturas medias máis altas, con ata 2 graos por riba dos valores do período climático de referencia, mentres en zonas como A Costa da Morte os termómetros mesmo quedaron por debaixo do habitual. No conxunto da comunidade, a anomalía media das temperaturas situouse 0,69 graos por riba das medias do período 1981-2010.
En canto ás máximas, o valor medio para o conxunto de Galicia situouse en 25 graos, chegando na zona do Miño ourensán, na comarca de Verín e na Ribeira Sacra a superar os 30 graos. No outro extremo, os termómetros apenas alcanzaron os 18 graos de media na Mariña lucense ou en zonas altas da provincia de Ourense, unhas diferencias que reflicten o notable contraste que se viviu neste período nos diferentes puntos da comunidade.
Polo que respecta ás precipitacións, xullo pode considerarse un mes lixeiramente seco no conxunto de Galicia, cun déficit do 26% con respecto do normal, repetíndose unha situación xa bastante habitual nos últimos anos. Así, o precedente máis seco foi o mes de xullo de 2017 aínda que lonxe da carencia de precipitacións que se viviron no mesmo período de 2015 e, sobre todo, de 2016.
En todo caso, cómpre salientar os episodios de chuvias intensas que se viviron na comunidade. Segundo o informe climatolóxico de MeteoGalicia, a distribución das precipitacións acumuladas ao longo de xullo estivo moi marcada por sucesos puntuais durante os que se rexistraron fortes cantidades de chuvia con presenza de pedrazo.
Foi o caso, especialmente, das xornadas do 4, 8 e 13 de xullo, durante as que se viviron fenómenos de orixe tormentosa que nalgúns lugares concretos mesmo acadaron unha intensidade torrencial e, polo tanto, nas que se rexistraron valores moi elevados de precipitacións. Estes episodios localizáronse sobre todo nas provincias de Lugo e Ourense e na comarca pontevedresa do Deza, onde se chegaron a recoller case 70 l/m2. Pola contra, outro extremo deuse nas Terras de Celanova e nalgúns puntos do Baixo Miño, onde apenas se acadaron nas mesmas datas os 7 l/m2.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
