viernes, 19 de diciembre de 2025
O encontro ten lugar na sede de NORMAL e no Conservatorio Superior de Música da Coruña, e articúlase como un espazo de intercambio orientado a fortalecer o ecosistema cultural galego e ampliar as súas conexións con artistas de dentro e fóra do territorio. Cada edición concíbese como un lugar de encontro e construción de redes, onde artistas, comisarios e institucións atópanse para compartir procesos de traballo e visibilizar prácticas diversas que abren novas posibilidades de colaboración.
DentroFora funciona tamén como unha plataforma para a presentación de intervencións artísticas e procesos en curso, promovendo unha reflexión sobre a creación contemporánea e a súa relación cos contextos nos que se desenvolve. O encontro fomenta iniciativas culturais e investigacións artísticas vinculadas á comunidade.
Nesta terceira edición preséntanse os proxectos desenvolvidos ao longo de 2024 polos artistas Fermín Jiménez Landa e Branca Gracia (xunto a Faia Díaz), así como os procesos de investigación en curso das persoas actualmente residentes: Ibon Aranberri e Raphael Escobar.
Ademais das presentacións individuais, o programa inclúe unha charla-debate a cargo de Ángel Calvo Ulloa (comisario e escritor) e Marta Mestre (comisaria, Museu de Arte Contemporânea/Centro Cultural de Belém (MAC/CCB) en Lisboa), e integrantes do comité de selección do programa, xunto a Susana González, directora Centro de Arte FMJJ. A conversación propón un formato aberto para contrastar perspectivas e ampliar o marco operativo da creación artística en Galicia.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
