jueves, 30 de abril de 2026
A Banda do Instituto de Monterroso, con motivo do cincuentenario desta Asociación lucense, actuaba en Aspnais. A Music Show Along History, está dirixida polo profesor de música do centro, Rodrigo Vázquez GarcÃa. É un conxunto de flautas que interpreta unha serie de composicións que proporcionan aos espectadores un panorama sonoro e visual da historia da música.
Na orixinal montaxe que alumnos e profesor ofrecen ao público figura unha máquina do tempo, da que saen personaxes ataviados segundo a época da música de que se trate... e nunha pantalla van aparecendo nomes e circunstancias, figuras e datos que achegan ao espectador a tempos e estilos, ofrecendo un espectáculo singular, pedagóxico e atractivo, que introduce aos que o contemplan nun especial mundo musical.
Ao remate do concerto, ao que asistiron arredor dun cento de usuarios de Aspnais, a xerente da entidade, Mónica Seijas, entregou ao director da agrupación, Rodrigo Vázquez GarcÃa, o agasallo conmemorativo do cincuentenario da institución.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuÃto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
