lunes, 10 de agosto de 2026
Estes datos sitúan a Galicia como unha das comunidades con mellores indicadores do Sistema Nacional de Saúde, unha tendencia que xa se vén manifestando nos últimos anos, con cifras de tempo de espera media cirúrxica moi por debaixo da media estatal. Neste senso, os últimos datos publicados polo Ministerio de Sanidade para o mesmo período, os correspondente a 30 de xuño de 2018, sitúan a espera media cirúrxica en España en 93 días, é dicir, 36,6 días máis que a media galega. Mentres que o tempo medio de espera para primeiras consultas no SNS é de 57 días, 19,2 días máis que a media na comunidade galega.
No que atinxe ás primeiras consultas de enfermidade, o tempo medio de espera consolídase por debaixo dos 40 días. En concreto, a 30 de xuño deste ano, situouse en 37,6 días. E o tempo de espera media para as probas diagnósticas mantense en 59,1 días (igual ao mesmo período de 2018 e 10 días menos con respecto ao primeiro semestre de 2017).
Con respecto ás vías rápidas, o Sergas segue a traballar na súa implantación e desenvolvemento para dar unha resposta aos pacientes de acordo ás súas necesidades, xa que están orientadas a procesos que requiran unha intervención rápida por motivos de gravidade do doente. Neste primeiro semestre de 2019, beneficiáronse deste procedemento un total de 8.703 pacientes e tiveron unha espera media de 5,9 días. Actualmente están implantas en todas as EOXIs as vías rápidas para cancro de mama, colon, pulmón, próstata, vexiga, cabeza e colo, melanoma e hematolóxico.
O Sergas continúa cumprindo o compromiso de atender as patoloxías máis graves (prioridade 1) por debaixo dos 30 días. Así, neste período xaneiro-xuño de 2019, estes pacientes de prioridade 1 agardaron unha media de 16 días.
Garantías de espera
No que atinxe á Lei de Garantías, dende a entrada en vigor o 10 de xaneiro de 2018 do decreto que regula o sistema de garantías de tempos máximos de acceso ás prestacións sanitarias públicas, e ata o 30 de xuño de 2019, un total de 65.883 persoas beneficiáronse deste dereito. Deste total, en cirurxía beneficiáronse 16.548 pacientes; 24.829 nas consultas e 24.506 nas probas diagnósticas e/ou terapéuticas. Todos os pacientes foron atendidos en centros do Servizo Galego de Saúde e non se derivou ningún a centros concertados.
Este decreto garante a atención hospitalaria programada e non urxente nun máximo de dous meses (60 días) para intervencións cirúrxicas. Tamén fixa un máximo de 45 días para as primeiras consultas externas e 45 días para as primeiras probas diagnósticas ou terapéuticas en atención hospitalaria programada e non urxente. Ademais, este texto normativo reflicte o compromiso do Sergas cos pacientes, xa que se pasou dunha xestión global de tempos de espera por prioridades, para todas as doenzas, a un compromiso individual por patoloxías.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
