Noticias sociedad
A Consellería de Sanidade, a través da Dirección Xeral de Saúde Pública, publica na súa páxina web o informe de actividade das infeccións respiratorias agudas correspondente á semana 14 do ano, que determina que a intensidade da gripe en Galicia se mantén baixa e con tendencia estable. Segundo os datos, a taxa de consultas por gripe nos servizos de atención primaria diminuíu un 22 % e fica en 25,8 por 100.000 habitantes. O descenso da taxa obsérvase en todos os grupos de idade, agás no de 0 a 4 anos, no que aumentou un 14 %. Por áreas sanitarias, a taxa de consultas foi inferior á da semana anterior en todas elas.
Foron presentados os festivais Wake UP! e One Dance que se celebrarán a vindeira Semana Santa no Pavillón 3 do Instituto Feiral de Vigo (Ifevi). O Wake UP Festival celebrarase o día 17 de abril (de 20:00 horas a 06:00 horas) e traerá a Vigo a recoñecidos artistas como Adrian Mills, Biia, Deborah de Luca, DJ Swisherman, Fantasm, Isma B e Nina Kraviz. No caso de One Dance, que será o 19 de abril (desde as 18:00 horas) os invitados son Basshunter, DJ Shas!, Floorfilla, Guru Josh Project, Kate Ryan, Marvin & Andrea Prezioso, Nathalie Aarts, Safri Duo, Soniko DB, Rob & Mark Deluxe, Viceversa e Pablo Méndez Performances.
A Consellería de Sanidade, a través da Dirección Xeral de Saúde Pública, publica na súa páxina web o informe de actividade das infeccións respiratorias agudas correspondente á semana 13 do ano, que determina que a intensidade da gripe en Galicia se mantén baixa e a tendencia segue a ser decrecente. Segundo os datos, a taxa de consultas por gripe nos servizos de atención primaria reduciuse un 14 % con respecto á semana previa, con 33,2 consultas por 100.000 habitantes. O descenso da taxa de consultas por gripe en atención primaria obsérvase en todos os grupos de idade e nas sete áreas sanitarias, agás na da Coruña, onde se mantivo estable, e na de Ferrol, na que aumentou.
O proxecto Green Gap conta cun orzamento de máis de 2,1 millóns de euros, financiado no marco do Programa Interreg España-Portugal (Poctep 2021-2027), e nel participan, ademais do Instituto de Estudos do Territorio, un conxunto de entidades locais, administracións supramunicipais con competencias nesta materia e entidades universitarias da Eurorrexión Galicia-Norte de Portugal. Pola parte galega están implicadas a Universidade da Coruña, o Concello de Pontevedra, a Deputación de Ourense e a Fundación CEER, mentres que do lado portugués están a Cámara de Paredes de Coura, a Universidade do Minho, a Cámara de Guimarães, o Laboratorio da Paisagem de Guimarães así como a Agência Portuguesa do Ambiente e o Instituto da Conservação da Natureza das Florestas.
O festival de música independente Facela Fest vaise celebrar na capital lucense os días 8, 9 e 10 de maio. Entre os grupos e artistas confirmados figuran The Undertones e Christina Rosenvinge, xunto con outros nomes nacionais e internacionais como VVV [Trippin'you], Margaritas Podridas, Stompin' Riffraffs, Marcelo Criminal, Black Ends, Kokoshka e Las Petunias. Tamén haberá presenza de bandas de Lugo e doutros lugares de Galicia como Grande Amore, Moloch, Pladür, Jade 4 ou Los Revelators. A inauguración está prevista para o xoves 8 de maio no Club Clavicémbalo, mentres que os concertos do venres 9 e o sábado 10 serán no exterior do auditorio Gustavo Freire.
A Consellería de Sanidade, a través da Dirección Xeral de Saúde Pública, publica na súa páxina web o informe de actividade das infeccións respiratorias agudas correspondente á semana 12 do ano, que determina que a intensidade da gripe en Galicia se mantén baixa e a tendencia comeza a ser decrecente. Segundo os datos, a taxa de consultas por gripe nos servizos de atención primaria reduciuse un 14 % con respecto á semana previa, con 38,6 consultas por 100.000 habitantes. O descenso da taxa de consultas por gripe en atención primaria obsérvase nas sete áreas sanitarias e en todos os grupos de idade.
O conselleiro de Sanidade, Antonio Gómez Caamaño destacou hoxe que as operacións de prioridade 1 realizadas polo Servizo Galego de Saúde en 2024 medraron un 10,7 % e, aínda así, reduciuse o tempo de espera media en 3,5 días. No Pleno do Parlamento Gómez Caamaño remarcou que en 2024 a sanidade pública superou por primeira vez as 200.000 cirurxías nun único exercicio. 'Outro dos grandes froitos do noso compromiso coa priorización é a diminución ata os 17,1 días do tempo de espera cirúrxica para as prioridade 1, diminuíndo o acceso en 3,5 días desde 2023 e nun total de 12 días desde o 2009', remarcou.
A recollida selectiva de envases de vidro en Galicia supera as 47.000 toneladas en 2024, segundo o balance anual de Ecovidrio, que é a entidade sen ánimo de lucro encargada da xestión da reciclaxe deste tipo de envases en España. Segundo estes datos, cada galego depositou, de media, 17,4 kg de envases de vidro no contedor verde, o equivalente a 60 envases por persoa. Por provincias, A Coruña liderou a aportación cidadá á recollida selectiva de vidro, con 17,8 quilogramos por habitante; seguida de Pontevedra (16,1 kg/hab), Ourense (14,8 kg/hab) e Lugo (14,6 kg/hab). Cómpre salientar o caso do concello de Santiago de Compostela, que coa recollida de 28,3 quilogramos por habitante, se sitúa entre as tres capitais máis recicladoras de España, só por detrás de San Sebastián (37,3 kg/hab) e Pamplona (31 kg/hab).
Lenny Kravitz, Paloma San Basilio, Chayanne, Alanis Morissette e Lionel Richie, entre outras grandes figuras do panorama musical internacional visitarán este 2025 a cidade da Coruña da man dos Concertos do Xacobeo. Este programa inclúe unha proposta ampla e plural, que apoia os principais eventos musicais da comunidade, entre eles, o Gozo Festival e o Morriña Festival. Os Concertos do Xacobeo regresan así, un ano máis, para situar a Galicia como un dos destinos referentes para os públicos coas preferencias culturais máis esixentes e diversas. Lenny Kravitz será o primeiro artistas en visitar a cidade herculina no marco do Gozo Festival.
A área de Cardioloxía do Complexo Hospitalario Universitario de Vigo acaba de realizar un procedemento pioneiro no mundo no que conseguiu reparar unha válvula mitral con fuga severa por rotura das cordas tendinosas implantando novas cordas artificiais a través dun acceso venoso e sen necesidade de cirurxía aberta. Este caso é o primeiro no mundo incluído no estudo de viabilidade do uso deste novo dispositivo transcateter chamado ChordArt (Coremedic GmbH), con tres implantes no mesmo paciente. Desta forma, o Hospital Público Álvaro Cunqueiro convértese nun dos primeiros hospitais do mundo en realizar esta técnica, situando o Servizo Galego de Saúde á vangarda neste tipo de tratamentos, sendo ademais un galego, o profesor Alberto Weber Varela, o inventor deste novo dispositivo.
A arte e a investigación arredor do castiñeiro serven de eixo para a programación que desenvolve ao longo do mes de novembro a Escola Politécnica Superior de Enxeñaría (EPSE) da USC, co apoio da Vicerreitoría de Estudantes e Cultura. Mostras e divulgación científica integran un programa de actividades aberto ao conxunto da comunidade universitaria e da sociedade en xeral.
Un total de 105 persoas docentes e investigadoras no ámbito das Humanidades, das Ciencias Sociais e da Medicina conforman de inicio o Instituto de Humanidades da USC (iHUS), o primeiro instituto de investigación en Humanidades do Sistema Universitario de Galicia, que se crea para dar resposta a unha masa crítica investigadora e dentro dunha política científica de artellar o esforzo investigador en grandes unidades máis competitivas.
O tambor, a guitarra, o piano, a frauta... son algúns dos instrumentos musicais que soan na orquestra dos Bolechas. Despois da súa estrea en Boiro, a nova xira de teatro 'Os Bolechas tocan nunha grande orquestra' chega aos teatros de toda Galicia para ofrecer un gran concerto ás nenas e nenos e transmitirlles a importancia da colaboración e a creatividade.
A vendima na Denominación de Orixe Ribeira Sacra concluíu cunha colleita que produciu unhas uvas de excelente calidade. En verbas do presidente do Consello regulador da D.O., Antonio Lombardía Crespo: 'Coido que os viños de esta anada vámolos a poder desfrutar durante moitos anos, a calidade coa que entraron as uvas nas adegas foi inmellorable'. A día de hoxe recolléronse 4.881.326 quilos de uva, o que reflicte o esforzo de viticultores e adegas por preservar a viticultura heroica e a calidade da produción.
Coa fin de extraer consecuencias da epidemia global da covid e afrontar retos futuros, o Centro de Investigación e Tecnoloxía Matemática de Galicia (CITMAga) participa nun proxecto de investigación no que colabora con persoal investigador de destacadas universidades como Harvard, Stanford, o MIT, Cambridge ou Oxford. O estudo, coordinado desde Galicia por Juan José Nieto Roig, pretende dispor de ferramentas para facer fronte a futuras epidemias.
'Sodes o futuro'. Así se dirixiu o vicerreitor de Organización Académica e Campus de Lugo, Francisco Fraga, ao máis dun cento de participantes no I Congreso Ibérico da Mocidade Investigadora do Campus Terra que botou a andar este luns na Escola Politécnica Superior de Enxeñaría da USC. Lugo convértese en capital da investigación e a divulgación científica grazas a un amplo e diverso programa integrado por especialistas dunha ducia de institucións.
60 persoas, entre vicerreitoras e vicerreitores e directores e directoras da Área de Profesorado dunha trintena de universidades españolas, participan este venres na Comisión Sectorial de Crue-Profesorado que se celebra no edificio Redeiras da UVigo. Nesta xornada de traballo, inaugurada polo reitor da Universidade de Vigo, Manuel Reigosa, os e as representantes das institucións académicas españolas abordan algunhas das cuestións que marcan o presente e o futuro da docencia universitaria como a carreira profesional e as novas figuras de profesorado, a calidade dos procesos de avaliación e a formación do persoal docente.
A Asociación de Periodistas de Galicia (APG) vén de iniciar os traballos para a elaboración do informe Diagnóstico sobre a profesión xornalística en Galicia, un proxecto de investigación que ten como obxectivo coñecer e analizar a situación actual dos profesionais da información e da comunicación que desenvolven o seu labor na nosa comunidade, así como achegar a percepción que teñen sobre o seu sector.
A primeira edición do Congreso Ibérico da Mocidade Investigadora do Campus Terra superou a barreira do centenar de persoas inscritas. Do 14 ao 16 de outubro, Lugo converterase en capital da investigación e a divulgación científica grazas a un amplo e diverso programa integrado por especialistas dunha ducia de institucións, entre universidades e centros de investigación.
A oferta de formación do Centro de Posgrao e Formación Permanente da UVigo amplíase cunha nova convocatoria de títulos propios de capacitación dixital no sector do transporte, mobilidade e loxística, con acceso gratuíto para toda a cidadanía. Con inscricións xa abertas, ao longo deste curso impartiranse cinco os títulos, totalmente de balde.
