Noticias sociedad
Lenny Kravitz, Paloma San Basilio, Chayanne, Alanis Morissette e Lionel Richie, entre outras grandes figuras do panorama musical internacional visitarán este 2025 a cidade da Coruña da man dos Concertos do Xacobeo. Este programa inclúe unha proposta ampla e plural, que apoia os principais eventos musicais da comunidade, entre eles, o Gozo Festival e o Morriña Festival. Os Concertos do Xacobeo regresan así, un ano máis, para situar a Galicia como un dos destinos referentes para os públicos coas preferencias culturais máis esixentes e diversas. Lenny Kravitz será o primeiro artistas en visitar a cidade herculina no marco do Gozo Festival.
A área de Cardioloxía do Complexo Hospitalario Universitario de Vigo acaba de realizar un procedemento pioneiro no mundo no que conseguiu reparar unha válvula mitral con fuga severa por rotura das cordas tendinosas implantando novas cordas artificiais a través dun acceso venoso e sen necesidade de cirurxía aberta. Este caso é o primeiro no mundo incluído no estudo de viabilidade do uso deste novo dispositivo transcateter chamado ChordArt (Coremedic GmbH), con tres implantes no mesmo paciente. Desta forma, o Hospital Público Álvaro Cunqueiro convértese nun dos primeiros hospitais do mundo en realizar esta técnica, situando o Servizo Galego de Saúde á vangarda neste tipo de tratamentos, sendo ademais un galego, o profesor Alberto Weber Varela, o inventor deste novo dispositivo.
Máis do 65 % dos servizos de atención primaria de Galicia xa contan cun Plan local de Saúde, que adaptan a asistencia sanitaria ás necesidades de cada poboación, e dos que se benefician máis de 1,7 millóns de galegos e galegas. Desde a posta en marcha dos primeiros 14 plans locais de saúde no ano 2022, este modelo estendeuse ata acadar na actualidade 95 servizos de atención primaria. O obxectivo é que no ano 2026 estes plans cheguen á totalidade dos servizos deste nivel asistencial. A idea é que o persoal de cada centro participe en labores de promoción e prevención da saúde, en colaboración cos servizos do seu concello, os centros educativos, os servizos sociais, as asociacións e a cidadanía.
O número de emigrantes galegas e galegos persoas que naceron en Galicia e residen no exterior volve baixar un ano máis en 2.172 persoas, continuando a tendencia dos últimos exercicios. En paralelo, a poboación galega total que reside no exterior increméntase debido ás novas inscricións de persoas descendentes de galegas e galegos nacidas no estranxeiro, ata alcanzar os 548.252 (incremento de 13.280 persoas, un 2,42%) a 1 de xaneiro de 2025, segundo os datos publicados hoxe polo Instituto Nacional de Estadística (INE).
O cambio de hora para adoptar o horario de verán produciuse en boa parte dos Estados Unidos o pasado 9 de marzo no medio dun debate público arredor da súa pertinencia. Nun contexto no que a administración Trump considera a posibilidade de abolir a mudanza horaria, unha investigación das universidades de Santiago e de Sevilla reivindica a súa vixencia comparando os casos das cidades de Bogotá e Nova York, situadas no mesmo meridiano pero a distintas latitudes. A falta de poucos días para que a mudanza se produza tamén en Europa, o estudo titulado 'Assessing the best hour to start the day' revisa o impacto do cambio de hora na saúde humana considerando dous tipos de efectos: os asociados coa mudanza en si, e os vinculados cos meses nos que está vixente o horario de verán.
O Servizo Galego de Saúde acadou en 2024 a cifra máis alta deste tipo de intervencións desde que no ano 1981 no Hospital Público da Coruña se realizase o primeiro transplante de órganos na comunidade. O pasado mes de febreiro a comunidade realizou o seu transplante número 10.000 tras a implantación xa hai máis de 40 anos dun programa que se encontra completamente asentado no sistema sanitario público. Neste período, a solidariedade de case 3.500 persoas posibilitou que Galicia se situase como referente no ámbito da doazón de órganos. Segundo os datos acumulados, o transplante de ril destaca nestas catro décadas con 5.168 intervencións realizadas; seguido do de fígado, con 2.803; do de corazón, con 959; de pulmón, con 942; e de páncreas con 128.
O Morriña Festival vén de anunciar tres novos nomes internacionais para o seu cartel deste 2025 co apoio de Concertos do Xacobeo. O director de Turismo de Galicia, Xosé Merelles, presentou esta mañá na Coruña o cartel da súa quinta edición, no que xa estaba xa confirmada a presencia de figuras como Residente, Ozuna, Jhayco, Mikel Izal, Ginebras, Pignoise, Alcalá Norte e Duncan Dhu e ao que agora se suman, tamén, Nathy Peluso, Elena Rose e Alleh y Yorghaki. O Morriña Festival é unha das citas musicais máis relevantes da época estival na comunidade, no marco dos Concertos do Xacobeo, un programa amplo e plural que neste 2025 regresa para apoiar os principais eventos musicais de Galicia.
O Servizo Galego de Saúde incrementou en 2024 de forma significativa o seu volume de actividade, realizando máis operacións cirúrxicas, máis consultas médicas e máis probas diagnósticas, ao tempo que reduciu o tempo de acceso. O descenso rexistrado foi especialmente significativo no caso do tempo medio de acceso á consulta do especialista, que baixou o pasado ano en 12,5 días. Así o destacou o conselleiro de Sanidade, Antonio Gómez Caamaño, quen, xunto co xerente do Servizo Galego de Saúde, José Ramón Parada Jorgal, e co director xeral de Asistencia Sanitaria, Alfredo Silva Tojo, presentou en rolda de prensa o balance da actividade asistencial e de lista de espera do ano 2024.
O presidente da Xunta de Galicia, Alfonso Rueda, anunciou hoxe que o Consello da Xunta aprobou o decreto que declara Ben de Interese Cultural o Entroido ao considerar acreditado o seu valor sobranceiro como 'patrimonio inmaterial da nosa Comunidade'. Esta declaración culmina o proceso iniciado en 2024 para darlle esta distinción ao Entroido galego e chega tras recibir os informes favorables do Consello da Cultura Galega e do Museo do Pobo Galego sen que se rexistrase ningunha alegación, e supón a aplicación do réxime de tutela da Lei de patrimonio cultural e, polo tanto, o maior nivel de protección. Segundo sinalou Rueda, esta celebración ten unha 'incalculable importancia' desde o punto de vista histórico, etnográfico e cultural, cunha relevante presenza nas 'artes e nas letras' dentro e fóra da nosa Comunidade.
A Consellería de Sanidade publica, na súa páxina web, o informe de actividade das infeccións respiratorias agudas correspondente á oitava semana do ano que determina que a intensidade da gripe continúa sendo baixa, mantendo unha tendencia estable. Segundo os datos, a taxa de consultas por gripe nos servizos de atención primaria diminuíu un 6 % respecto da semana previa e fica en 55,7 consultas por 100.000 habitantes. O descenso da taxa obsérvase en todos os grupos de idade, agás no de 20 a 59 anos, no que aumentou lixeiramente. Por áreas sanitarias, a taxa de consultas diminuíu en todas elas agás nas áreas sanitarias de Santiago de Compostela e de Ferrol, nas que se mantivo estable.
A Coruña acolle esta semana as XXXIX Xornadas da Sociedade Española de Paleontoloxía, organizadas pola UDC. Durante estes días, máis de medio milleiro de persoal investigador en Paleontoloxía poderán participar nas actividades formativas, conferencias, exposicións de pósters científicos e incluso unha saída ao campo, o Xeoparque Mundial da UNESCO nas montañas do Courel.
A Asociación de Debate Universitario Retórica da UVigo é o mellor equipo español de debate, logo de gañar a Liga Española de Debate (LEDU), disputada en Melilla. O equipo titular formado por Tomás Aparicio, Inés Túñez, Iván Fernández e Jesús Gómez, con Laura Bacariza, Juan Calderón e Laura Leirós, como suplentes, foi quen de impoñerse na final da LEDU á Universidad Carlos III de Madrid, defendendo que o decrecemento non é conveniente para solucionar os problemas medioambientais e as desigualdades sociais.
O papel da educación e do lecer nos espazos urbanos para afrontar a transición socioecolóxica é un dos eixos do Foro Internacional OcioGune Compostela 2024, que terá lugar os días 26 e 27 de setembro na Facultade de Ciencias da Educación e que será un espazo para a aprendizaxe, a reflexión e o diálogo arredor de diferentes realidades dos tempos educativos e sociais.
A USC, a través do programa Woman Emprende, e o Concello de Santiago colaboran un ano máis na organización da Feira de Outono das Emprendedoras de Compostela, que se desenvolverá entre o 24 e o 26 de setembro con actividades gratuítas de formación en liña orientadas ao estudantado para as que xa é posible inscribirse e cun encontro presencial o venres 27 de setembro.
Vivir para Bien Morir -delegación Coruña, laica y sin ánimo de lucro- inicia actividades con una charla pública en la Biblioteca Miguel González Garcés sobre la importancia del Testamento Vital. Nace en A Coruña la Asociación Vivir Para Bien Morir (VPBM) con el objetivo de fomentar en la sociedad herculina una manera diferente de afrontar el proceso de la muerte, de la vida y del duelo, con apoyo directo a enfermos, familiares y público en general.
A Universidade de Santiago celebrou este venres no Salón Nobre do Colexio de Fonseca a súa cerimonia de apertura do curso 2024-2025 para o que o reitor Antonio López marcou como grandes retos o desenvolvemento e aplicación do establecido na LOSU, a revisión da oferta e da normativa de titulacións e a posta en marcha de grandes infraestruturas.
Este sábado Expourense abrirá as súas portas para unha xornada repleta do mellor pop rock alternativo. Un festival que en tan só tres anos, logrou posicionarse como un referente da escena musical nacional, e este 2024 non será diferente, cun cartel que promete emocións fortes grazas á presenza de artistas como Jake Bugg, Miles Kane e Yard Act, que actuarán por primeira vez en Galicia, xunto a grandes nomes como Teenage Fanclub, Los Enemigos e Caballo Prieto Azabache.
Ofrecer un punto de encontro para reflexionar e intercambiar coñecementos sobre aspectos significativos relacionados coa auga, dedicando especial atención á xestión empresarial e turística de recursos hídricos e termais. Con este obxectivo a UVigo celebrará do 25 ao 27 de setembro o V Congreso Internacional da Auga, que nesta ocasión leva por título A auga como recurso sostible: ciencia, empresa e benestar.
Aproveitando a tempada estival, o pasado 22 de agosto o Observatorio Astronómico de Forcarei (OAF) foi o escenario da primeira xuntanza de astrofísic@s galeg@s, tanto residentes en Galicia como na diáspora. O evento foi acollido pola Fundación Ceo, Ciencia e Cultura (FC3), representada polo seu presidente Enrique Alonso Blanco, e promovido polos astrofísicos galegos Ana Ulla Miguel, da UVigo, e Carlos Viscasillas Vázquez, da Universidade de Vilnius e do Observatorio Astrofísico de Arcetri.
A Xunta activa a prealerta por escaseza moderada de auga no sistema do río Lérez, na provincia de Pontevedra. Así o acordou a Oficina Técnica da Seca, que estivo presidida polo director de Augas de Galicia, Roi Fernández, e que contou coa participación tanto de técnicos do organismo hidráulico autonómico como de representantes de Protección Civil, MeteoGalicia e as Consellerías de Sanidade e Medio Rural.
