lunes, 20 de abril de 2026
Nunha carta dirixida ao secretario de Estado de Medio Ambiente, Hugo Morán, os representantes dos 13 gobernos autonómicos lembran que de acordo coa folla de ruta para a elaboración coordinada dos informes sexenais, o Ministerio para a Transición Ecolóxica e o Reto Demográfico (Miteco) tiña que remitir ás comunidades estes borradores o pasado 15 de xuño.
A día de hoxe, os gobernos autonómicos aínda non recibiron ningunha documentación e sen embargo, o Miteco decidiu incluír os informes sexenais como un dos asuntos a tratar na Comisión sectorial de Medio Ambiente que se celebrará o próximo 27 de xuño.
En resposta a esta convocatoria, Galicia e o resto de asinantes conclúen que é imposible que o informe preliminar sobre o lobo chegue a tempo de ser analizado e revisado antes da referida Comisión, que é o órgano no que se ten que deliberar sobre o mesmo como paso previo a sometelo a votación por parte das comunidades nunha Conferencia sectorial posterior.
Por ese motivo, solicitan a Hugo Morán que se retire este punto da orde do día, ao tempo que o emprazan a enviar o antes posible o borrador do referido informe, abrir o correspondente prazo de alegacións para que as comunidades autónomas se pronuncien (20 días) e finalmente, convocar de novo á Comisión sectorial de Medio Ambiente para poder abordar este punto.
Cómpre lembrar que segundo prevé a Directiva comunitaria de conservación dos hábitats naturais e da flora e fauna silvestres, o Goberno central ten que enviar este ano á Comisión Europea un informe sexenal sobre o lobo correspondente ao período 2019-2024. Con tal fin, as comunidades debían remitir ao Miteco os datos que tiñan no seu poder, información que debería ser a base para a elaboración do informe definitivo.
De feito, Galicia foi unha das primeiras autonomías en remitir os seus datos sobre a situación do lobo dentro do seu territorio, información que constata que o estado de conservación da especie é favorable en todos os parámetros que se avalían, tanto por amplitude xeográfica, poboación, hábitat e perspectivas futuras.
Por iso, a Xunta leva meses instando ao Goberno central a actuar con rigorosidade e a reflectir con exactitude no informe sexenal do lobo que remitirá á UE os datos que lle trasladen as comunidades autónomas, motivo polo que agora considera imprescindible poder ter acceso ao borrador do referido informe, tal e como se acordara, antes de sometelo á súa aprobación no marco da Conferencia Sectorial e desde alí, elevalo ante a Comisión Europea.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
