miércoles, 9 de septiembre de 2026
No caso da UDC entra como nova oferta o programa de simultaneidade de Grao en Enxeñaría Informática e Grao en Ciencia e Enxeñaría de Datos (Campus da Coruña). Na UVigo serán de nova oferta o próximo curso os programas de simultaneidade de Grao en Enxeñaría Informática e Grao en Intelixencia Artificial (Campus da Coruña), Grao en enxeñaría Agraria e Grao en Ciencias Ambientais (Campus de Ourense) e Grao en Enxeñaría Agraria e Grao en Ciencia e Tecnoloxía dos Alimentos (Campus de Ourense).
Por outra parte, tamén se deu o visto e prace á implantación do Grao en Dereito da Universidade Intercontinental de la Empresa.
Másteres
En canto aos másteres, autorízanse un total de 12 a razón de dous na Universidade da Coruña, tres na Universidade de Santiago de Compostela, dous na Universidade de Vigo e cinco compartidos entre as tres universidades pública galegas.
Así pois, na UDC impartiranse os másteres universitarios en Cronicidade e Novos Modelos de Atención Sociosanitaria e en Informática Industria e Robótica (este último será interuniversitario coas universidades de La Laguna e de Extremadura).
A USC impartirá o máster universitario en Materiais Avanzados (compartido con outras oito universidades de fóra de Galicia), o máster en Xestión da Arte e do Patrimonio Cultural (que substitúe o máster en Xestión do Patrimonio) e o máster en Atención Santiaria, Xestión e coidados (que é unha reverificación doutro coa mesma denominación que agora se extingue).
A UVigo impartirá os másteres universitarios en Creación Artística Contemporánea e en Literatura Dramática, Música e Artes Escénicas.
Así mesmo, a UDC e a UVigo impartirán de xeito compartido os másteres en Ciencia do Exercicio, Preparación Física e Readaptación Deportiva e en Realidade Estendida. A USC e a UVigo compartirán o máster en Prevención e Abordaxe Multidisciplinar das drogodependencias e Condutas; e a UDC, a USC e a UVigo compartirán os másteres en Ensino do Español como Lingua Estranxeira ou Segunda lingua e en Economía Circular (este último xa fóra aprobado o pasado curso, pero non chegou a poñerse en marcha, polo que se aproba de novo).
Por outra parte, inician o proceso de revogación os másteres universitarios en Discapacidade e Dependencia e en Informática Industrial e Robótica da UDC, en Atención Sanitaria, Xestión e Coidados e en Matemáticas da USC e en Industria 4.0 da UVigo.
Taxas universitarias gratuítas
O Consello Galego de Universidades tamén deu o visto e prace á acción da Xunta para seguir a aplicar a gratuidade da matrícula universitaria para os alumnos de grao a partir de setembro. Consolídase así unha medida pioneira da Xunta de apoio ás familias galegas para os estudos universitarios dos seus fillos, con matrícula de balde para todos os que se matriculan por primeira vez, así como para o resto dos cursos en función da porcentaxe de aprobados.
Por último tamén se validou a conxelación das taxas de grao e máster por décimo quinto ano consecutivo en 11,89/crédito para quen non cumpran cos requisitos da bonificación.
A exposición 'As estacións do ano na arte galega dos séculos XX e XXI' pecha as súas portas no Museo Centro Gaiás o domingo 6 de setembro con máis de 36.000 visitas desde a súa inauguración. Concibido e comisariado pola artista e investigadora Mónica Alonso, o proxecto destaca polo seu deseño innovador, que constrúe un percorrido sensorial para mergullarse na arte contemporánea. Máis de 80 obras de 63 artistas dan forma a un itinerario que transita polas paisaxes, símbolos e lembranzas asociadas ao paso do tempo e os cambios entre a primavera, o verán, o outono e o inverno en Galicia.
Galicia continúa a manter o liderado na taxa de escolarización 0-3 por cuarto curso consecutivo, cun 64 %. Os datos do Ministerio de Educación, Formación Profesional e Deportes referentes ao período lectivo 2026-2026 consolidan este primeiro posto, con 14 puntos por riba da media nacional. Ademais, Galicia é a única comunidade autónoma que está por encima da barreira do 60 % en niveis de escolarización no primeiro ciclo de Educación Infantil e supera en case 20 puntos o obxectivo da Unión Europea para o ano 2030, que é do 45 %. Estas cifras colocan a Galicia como referente no apoio ás familias e á infancia e son posibles grazas a medidas como a gratuidade das escolas infantís.
