sábado, 15 de noviembre de 2025
O programa ten como finalidade visibilizar as enxeñeiras e científicas para crear referentes femininos e incentivar a presenza de rapazas en carreiras relacionadas coas disciplinas coñecidas como STEM (Ciencia, Tecnoloxía, Enxeñaría e Matemáticas), coa realización de obradoiros didácticos destinados ao alumnado de 4º de primaria en colexios públicos do concello.
Nesta décima edición están previstos 15 obradoiros nos que participarán nenas e nenos de cuarto curso de Primaria dos colexios públicos de Santiago Mestre Rodríguez Xixirei, Cardeal Quiroga Palacios, Pío XII, Vite, López Ferreiro, Lamas de Abade e Roxos. Todos eles están coordinados por Encina Calvo Iglesias e impartidos por profesoras investigadoras da USC de diferentes áreas (Ciencia da Computación e Intelixencia Artificial, Electrónica e Computación, Enxeñería Química, Física Aplicada, Química Inorgánica, Química Orgánica, Química Analítica, Óptica), técnicas superiores de apoio á investigación do CiQUS e investigadoras do Centro de Supercomputación de Galicia (CESGA).
Colexios públicos composteláns
O seguinte centro educativo en participar neste programa será o Pío XII o 17 de febreiro, co obradoiro Xogando coa luz das profesoras e investigadoras da área de Óptica Carmen Bao Varela, Mª Teresa Flores Arias e Ana Isabel Gómez Varela. O día seguinte terá lugar Será ou non será? Xogando coa probabilidade, impartido pola profesora e investigadora Rosa Crujeiras da Área de Estatística e Investigación Operativa da USC e directora científica do Centro de Investigación e Tecnoloxía Matemática de Galicia (CITMAGA).
Tamén en febreiro serán as sesións do CEIP de Roxos, con Química ao noso redor impartido o día 19 polas profesoras e investigadoras Mercedes Torneiro Abuín e María Tomás Gamasa da Área de Química Orgánica e Lume no Monte da profesora e investigadora Otilia Reyes Ferreira, do Departamento de Ecoloxía da USC, coas alumnas Laura Mareque Liste, Paula López González e María Bouso Posada o día 26.
O Quiroga Palacios contará os días 25 e 26 cos obradoiros Só facemos química cando imos ao laboratorio? das profesoras Mª Raquel Domínguez González do Departamento de Química Analítica e Ana Mª García Deibe do Departamento de Química Inorgánica e Informática visual aplicada á bioloxía da profesora Eva García Cernadas área de Ciencia da Computación e Intelixencia Artificial da USC e investigadora do CITIUS, e a alumna Clara Álvarez. O 27 acollerá Xogando con modelos matemáticos, impartido pola profesora María del Pilar Salgado Rodríguez da área de Matemática Aplicada.
A maxia da Química, impartido pola profesora Mª Dolores Pérez do Departamento de Química Orgánica e directora adxunta do CiQUS coas técnicas superiores de apoio á investigación Laura Acevedo e Noela Torrente do CiQUS, será o obradoiro do día 26 no colexio de Vite.
Mes de marzo
No CEIP de Prácticas López Ferreiro terán lugar tres obradoiros o 20 de marzo: Luz, cor e sombra, impartido polas profesoras da Área de Óptica María Elena López Lago e María Dolores Mouriz Cereijo; Mosaicos, grupos e baldosas: como deseñar o chan máis bonito do mundo, a cargo da profesora Ana Belén Rodríguez Raposo da Área de Didáctica da Matemática; e Facendo economía rosquilla, de Eva Aguayo Lorenzo, da área de Economía Cuantitativa.
Tamén o 20 de marzo no Ceip Lamas de Abade serán os obradoiros Falando cos superordenadores das investigadoras do CESGA Cecilia Grela Llerena, María José Rodríguez Malmierca, Lorena Fernandez Fernandez, Irais Bautista Guzmán, Mariamo Mussa e Ana María Labrador García; e Química Divertida, impartido pola profesora Magdalena Cid Fernández, da área de Química Orgánica da USC. Xa o 24 será a quenda de Exploramos para que non nos conten trolas? impartido pola profesora Paula Saavedra Nieves, do Departamento de Estatística, Análise Matemática e Optimización da USC.
Sete creadores galegos participarán en Madrid no espazo Ventá á literatura galega, no marco do Festival EñeEsta cita internacional reúne, desde principios desta semana e ata o 30 de novembro, 180 autores de 23 países de Europa e Latinoamérica nun total de 90 actos que se están a desenvolver nesta cidade e na de Málaga. O festival contará coa presenza dos guionistas Pepe Coira e Araceli Gonda, a compositora e música Su Garrido e os poetas Samuel L. París, Olga Novo e Miriam Reyes, estas dúas últimas Premios Nacionais de Poesía 2025 e 2020, respectivamente. Deste xeito, baixo a ollada de Camilo Franco, despregaranse tres encontros que 'permitirán dar a coñecer como se contan hoxe as historias desde Galicia e como a creación contemporánea rompe os límites entre xéneros e formatos'.
O proxecto Green Gap para a Eurorrexión Galicia-Norte de Portugal ten como obxectivo contribuír a que as administracións locais xoguen un papel máis relevante na promoción das infraestruturas verdes nesta área transfronteiriza. Cun orzamento de máis de 2,1 millóns de euros, financiado no marco do Programa Interreg España-Portugal, na iniciativa participan un conxunto de entidades locais, administracións supramunicipais e entidades universitarias da Eurorrexión Galicia-Norte de Portugal.
