Noticias sociedad
Aínda que non se espera que haxa alertas por episodios de calor, porque está previsto que as temperaturas baixen ás noites, desde Meteogalicia facilítase a toda a poboación a información sobre avisos meteorolóxicos. Galicia atoparase entre os días 28 e 31 de maio na influencia dun anticiclón que se localizará ao norte da península Ibérica e que achegará aire cálido procedente do sur da península Ibérica e do norte de África. Con estas condicións, as temperaturas irán en ascenso, sendo os días máis calorosos o xoves 29 e o venres 30, cando se poden superar facilmente os 30ºC en moitas comarcas e localmente mesmo os 35ºC en áreas de val da provincia de Ourense. Esta situación comezaría a remitir nalgúns puntos o propio venres 30 pola tarde pola presenza dalgunhas tormentas.
Desde mañá, martes 27 de maio, e ata novo aviso, quedarán prohibidas as queimas de restos agrícolas e forestais realizadas por particulares en Galicia. Isto implica que non se darán máis permisos e os xa concedidos non terán validez a partir de mañá. Quedan excluídas desta prohibición as queimas controladas que executa o Servizo de Prevención e Defensa contra os Incendios Forestais debidamente planificadas e dispoñendo dos medios de extinción precisos. Esta medida tomouse despois de avaliar a evolución da situación meteorolóxica e unha vez analizados polo miúdo os diferentes indicadores técnicos que inciden no risco de lume.
Este novo centro, que conta cun orzamento inicial estimado de 2,07 millóns de euros, que será cofinanciado con fondos Feder, localizarase nunha parcela de preto de 24.000 m2, na zona de reestruturación parcelaria de Fisteus, en Curtis. Trátase dunha situación idónea desde o punto de vista loxístico, ao contar con boas comunicacións, e xeográfico xa que está próximo a municipios con menor poboación, que, tal e como incidiu a conselleira, é onde se ten identificado unha maior necesidade deste tipo de infraestruturas. O centro en si terá unha superficie de 2.300 m2 con capacidade para 300 cans e 200 gatos e as súas instalacións incluirán, entre outras dependencias, áreas para corentena, maternidade, illamento infeccioso, hospitalización, animais agresivos ou mantemento habitual de exemplares.
Galicia consolida o seu liderado na taxa de escolaridade de 0 a 3 anos e mantense por riba do 60%, máis de 13 puntos superior á media de España, segundo os últimos datos oficiais que vén de publicar o Ministerio de Educación e Formación Profesional. Esta porcentaxe sitúa á nosa comunidade ao nivel dos países con maiores índices de benestar en Europa, como Suecia ou Dinamarca. Galicia é a comunidade autónoma onde o programa da gratuidade é máis completo, xa que ningunha outra ofrece ata 8 horas diarias e 11 meses por curso atención educativa totalmente de balde ao 100% do alumnado e en todas as escolas infantís: as públicas, as de iniciativa social e as privadas.
As 105.378 doazóns de sangue do ano pasado supoñen 1.853 máis que no 2023, representando un incremento de preto dun 2 %. O incremento producido nas doazóns de sangue permite elevar un punto máis a taxa global galega, pasando de 38 a 39 doazóns por cada 1.000 habitantes e ano, situando á nosa comunidade entre as que contan cun nivel máis alto de participación en todo o Estado, manténdose ao redor dos tres puntos por riba da media nacional. Outro dato moi positivo é o feito de que o pasado ano 8.931 persoas doaron sangue por primeira vez.
Os complexos hospitalarios universitarios de Santiago de Compostela e de Vigo veñen de ser seleccionados para a administración de terapias CAR-T en pacientes adultos. Esa designación formalizarase mediante resolución da Secretaría de Estado de Sanidade, logo da validación por parte do Grupo Institucional do Plan para a Abordaxe das Terapias Avanzadas no Sistema Nacional de Saúde. Galicia xa dispoñía desde 2022 de dous centros designados polo Ministerio de Sanidade para a administración de terapia CAR-T: o Complexo Hospitalario Universitario da Coruña administraba estes medicamentos avanzados en pacientes adultos e o de Santiago de Compostela en pacientes pediátricos.
O presidente da Xunta, Alfonso Rueda, avaliou hoxe a batería de medidas propostas por distintos departamentos autonómicos para garantir o mantemento dos servizos básicos e a atención á cidadanía nos respectivos ámbitos no caso de producirse un apagamento como o rexistrado o luns 28 de abril en todo o Estado. Segundo a análise presentada, a situación vivida nesa xornada puxo de manifesto a urxencia de que o Goberno central impulse a redundancia de operadores de telefonía que dean servizo ao Centro Integrado de Atención ás Emerxencias (CIAE) 112-Galicia para que non dependan dun único operador.
O titular do Executivo galego, Alfonso Rueda, anunciou hoxe que o Plan de simplificación e axilización de dependencia e discapacidade permitiu acadar preto de 3.000 novos atendidos en abril, o que supón un récord histórico mensual desde que hai rexistros. Durante a sesión de control no Pleno do Parlamento, o presidente da Xunta afirmou que o Goberno galego vai seguir traballando en materia de dependencia e puxo en valor as cifras de atendidos en Galicia, que hoxe acadan o seu máximo con máis de 79.600 persoas no sistema. Nesta liña, recordou que desde xaneiro a Xunta de Galicia resolveu máis de 32.000 expedientes de dependencia e discapacidade, un 70% máis que o mesmo período do ano anterior. Uns datos que son posibles grazas aos funcionarios que están traballando para que ese plan de choque sexa unha realidade, remarcou o presidente.
Foi presentado o I Campionato do Mundo de Hip Hop Coreográfico -categorías junior, young, absoluta e megacrew- que xuntará a próxima fin de semana no Pazo da Cultura de Narón a máis de 800 deportistas procedentes de Bélxica, Bulgaria, Chipre, Sudáfrica, Francia, Suecia, Italia ou España. O baile deportivo en Galicia ten experimentado unha grande evolución desde que en 2021 se recoñeceu a especialidade deportiva do break e se creou a Liga Xunta de Galicia de Breaking, en consonancia coa aposta do Comité Olímpico Internacional (COI) polos deportes urbanos no programa olímpico. Dende aquela, a Federación Galega de Baile, creada en 2023, conta xa con 1.121 licenzas, das que o 83% son femininas.
O presidente da Xunta, Alfonso Rueda, informou de que a Xunta vai reforzar a Estratexia contra a soidade non desexada con novas medidas coma a 'creación de redes de apoio local' ou un servizo multicanle de atención específica para as persoas en esta situación. O obxectivo é facer fronte a 'un dos desafíos sociais do noso tempo' que está ligado ao incremento da esperanza de vida. O Consello da Xunta de Galicia aprobou esta mañá esta Estratexia e o seu plan de acción, que inclúe medidas xa en marcha e outras novidosas, e que estará dotada de 'máis de 145 millóns de euros'.
A convocatoria do Premio Aresa de Desenvolvemento Rural rexistrou un total de trece candidaturas na que xa é a súa vixésimo quinta edición. Será o vindeiro venres, 31 de xaneiro, cando os membros do xurado examinen todas as propostas presentadas e se dea a coñecer o ditame deste galardón que conta cunha dotación de 10.000 euros e un diploma de mérito.
Os Premios Egeria levan dende 2014 apoiando a inclusión da perspectiva de xénero e/ou feminista nos traballos fin de grao, fin de mestrado e teses de doutoramento na Universidade de Vigo. A última edición, correspondente ao curso 2023/2024, recoñeceu os traballos de oito mozas investigadoras, entre elas Andrea Mouriño, Laura Otero e Xoana Abraira, que obtiveron as mellores puntuacións en cada unha das tres categorías, e que debullan no Duvi os seus traballos e as súas sensacións tras saberse gañadoras.
Un ano máis, o Instituto Galego de Física de Altas Enerxías organiza en Santiago a Masterclass Internacional de física de partículas que conmemora o Día Internacional da Muller e a Nena na Ciencia. Será o martes 11 de febreiro na Facultade de Matemáticas da USC cando alumnas de 1º bacharelato de centros educativos de toda Galicia convivirán con investigadoras do IGFAE e o CERN.
Segundo unha investigación publicada recentemente na revista Ecology and Society, as áreas Mariñas Protexidas do Parque Nacional Marítimo-Terrestre das Illas Atlánticas de Galicia e máis da Reserva Mariña de Interese Pesqueiro dos Miñarzos, xeran importantes beneficios ambientais e sociais ao proporcionar Servizos Ecosistémicos Mariños, coñecidos como SEM.
A calidade de vida é un recurso estratéxico clave para mellorar a competitividade das cidades. Así o pon de manifesto o artigo 'Quality of life in cities: An outcome and a resource?', publicado no European Research on Management and Business Economics e que é froito do traballo desenvolvido por persoal investigador da USC e da UDC. O traballo afonda en como a calidade de vida é moito máis que un fin en si mesmo.
Como un traballo que 'fala das expectativas vitais na mocidade e pon en valor a diversidade' presenta a titulada en Comunicación Audiovisual Ashling Ocampo La casa de la abuela, unha curtametraxe de ficción que narra a historia dunha moza con síndrome de Down que anuncia a súa decisión de sacar o carné de conducir na festa do seu 18 aniversario e coa que se converte na gañadora do IV Concurso A Canteira-Augal.
O campus de Ourense acolleu o lanzamento de Iberlongeva. Programa Integral Dixitalizado, Baseado en Intelixencia Artificial, para a Promoción do Envellecemento Saudable. Nel, un equipo multidisciplinar das universidades de Vigo, Salamanca e o Instituto Politécnico de Bragança estudará a fraxilidade da poboación de máis de 60 anos na zona transfronteiriza e desenvolverá ferramentas para fomentar a saúde e aumentar a esperanza de vida.
A Reitoría da Universidade da Coruña acolleu unha xornada sobre microcredenciais e as oportunidades de aprendizaxe que brindan estas acreditacións competenciais, con especial atención nesta ocasión para as persoas en situación de vulnerabilidade. O encontro de hoxe foi o marco para a presentación dun proxecto piloto realizado pola Red Acoge en colaboración coa UDC, co Ministerio de Inclusión, Seguridade Social e Migracións e o Fondo Social Europeo
O reitor da Universidade de Santiago, Antonio López, xunto cos seus homólogos en Vigo e A Coruña, Manuel Reigosa e Ricardo Cao, asinaron este mércores co conselleiro de Educación, Ciencia, Universidades e FP, Román Rodríguez, dous acordos en materia de I+D+i e de equipamento científico-técnico. Por unha banda, formalizáronse os acordos para accións estratéxicas de I+D+i no período 2023-2024, que supoñen unha inxección adicional de 4,6 millóns de euros, un 33% máis do inicialmente previsto.
A Universidade da Coruña celebrou hoxe reunión do seu Claustro, na que o equipo de Goberno fixo balance das diferentes actuacións realizadas ao longo destes meses á fronte da institución académica, período no que a participación, a humanización, a igualdade e a sustentabilidade están a marcar a súa xestión.
