martes, 22 de septiembre de 2026
O comité organizador está presidido pola catedrática de lingüística inglesa María José López Couso, que ocupa desde xullo de 2021 o cargo de vicepresidenta da International Society for the Linguistics of English (ISLE), a asociación científica de maior relevancia nos ámbitos da lingua e a lingüística inglesas a nivel internacional. O acto inaugural presidido polo reitor Antonio López Díaz desenvolverase no Colexio de Fonseca, o día 1 de setembro, a partir das 18.15 horas. O resto das sesións terán lugar no Edificio Fontán da Cidade da Cultura.
O evento, que ten como lema 'English Linguistics on the Way: Expanding Horizons' (A lingüística inglesa en evolución: ampliando horizontes), reunirá preto de 200 especialistas en todas as áreas de estudo da lingua e da lingüística inglesa procedentes de 26 países diferentes. O obxectivo do congreso é fomentar o debate interdisciplinar en ámbitos temáticos como a lingüística histórica, sociolingüística, cambio e variación lingüística, variedades do inglés, aspectos fonolóxicos, semánticos, sintácticos e pragmáticos da lingua inglesa, o inglés como lingua franca, o ensino do inglés como lingua estranxeira ou como segunda lingua, e a compilación de corpus computarizados.
O programa inclúe preto de 120 relatorios, catro obradoiros, unha sesión de pósteres e cinco conferencias plenarias, que estarán impartidas por Bernd Kortmann (Universidade de Freiburg, Alemaña), Alexandra DArcy (Universidade de Victoria, Canadá), María del Pilar García Mayo (Universidade do País Vasco), Daniela Landert (Universidade de Heidelberg, Alemaña) e Graeme Trousdale (Universidade de Edimburgo, Reino Unido).
ISLE8 forma parte da serie de congresos que comezou en 2008 na Universidade de Friburgo de Brisgovia (Alemaña) e que tivo a súa continuidade en Boston (EE.UU, 2011), Zurich (Suíza, 2014), Poznan (Polonia, 2016), Londres (Reino Unido, 2018), Joenssu (Finlandia, 2021) e Brisbane (Australia, 2023).
Ademais dos congresos da asociación, ISLE organiza foros en liña, premios de investigación (para persoal investigador novel), de divulgación e de ensino. Así mesmo, publica a revista científicaEnglish Language and Linguistics(Cambridge University Press), una das publicacións periódicas de maior impacto internacional no ámbito da lingüística.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
Galicia é a rexión que máis solicitudes presentou en Europa para participar en proxectos interrexionais de I+D+i. Así o indican os datos da Vanguard Initiative, alianza europea da que a nosa Comunidade forma parte, xunto a outras rexións, para estimular o crecemento europeo da I+D+i a través da colaboración entre territorios de distintos países e a especialización intelixente. Precisamente a Xunta vén de publicar a convocatoria VInnovate Galicia, unha liña de axudas para organismos de investigación e empresas que presenten proxectos con outras rexións. Para poder candidatar á convocatoria VInnovate Galicia da Xunta, cuxo prazo de presentación de propostas está aberto desde hoxe ata o 19 de outubro, os posibles participantes teñen que presentarse antes á fase europea.
