miércoles, 23 de septiembre de 2026
Un dos aspectos que cada ano destaca no certame é a cantidade de estreas. Nesta edición continúa a subir o número de filmes que o público poderá ver en exclusiva: 1 estrea mundial, 2 estreas internacionais, 1 estrea europea, 27 estreas en España e 34 estreas en Galicia. En total 65 das 74 pezas proxectaranse por vez primeira en Galicia, un fito que consolida ao GFFF como unha das plataformas máis importantes do panorama español para descubrir cinema de xénero actual e con proxección internacional.
A Selección Oficial e todas as proxeccións especiais e actividades do festival poderán desfrutarse do 19 ao 27 de setembro na Plaza Elíptica de Vigo. As entradas para as proxeccións, que se realizan nos Cines Tamberlick, xa están á venda na web do GFFF. Ademais, para aqueles freaks que non teñan posibilidade de achegarse fisicamente, o certame pon a disposición o GFFFOnline, que permite desfrutar de gran parte das curtas desde a casa.
DOCE BLOQUES TEMÁTICOS PARA TODOS OS FREAKS
A programación artéllase en 12 bloques temáticos, pensados para alimentar todos os gustos e pulsións da comunidade freak. Os dous volumes de Arrepío propoñen un auténtico festín para quen busque pasar medo, con pezas que exploran desde o suspense psicolóxico ata o body horror máis visceral. Un dos bloques de terror estará adicado en exclusiva a producións asiáticas.
A sesión de Ciencia Ficción chega este ano cun nivel excepcional e moi variado: desde propostas cómicas ata experimentos máis delicados, como Himalia, das cineastas canadenses Clara Milo e Juliett Lossky, rodada en esperanto e destinada a ser unha das xoias desta edición.
O apartado de Humor Freak regresa en dobre dose, con comedias disparatadas que abordan desde situacións cotiás ata delirios imposibles. Entre elas destaca I Am the Fire, do sueco Patrik Eklund, que explora a crise da mediana idade con violencia e sarcasmo a partes iguais, e que promete converterse nunha das comedias máis celebradas polo público.
Non faltará tampouco o bloque Serie B-estial, que repite tras o éxito de 2024 cunha nova colleita de propostas de baixo orzamento e ideas tolas, onde a falta de medios se converte en motor de creatividade. O bloque Alimento para o maxín aglutinará pezas moi visuais, que estimulan as neuronas e desconcertan o cerebro. E os dous bloques de Co Cu Torcido sempre conseguen xusto o que se propoñen, descolocar e sorprender con xenerosas doses de humor negro e situacións absurdas.
O surrealismo e a esaxeración visual atopan o seu espazo nas tres sesións de Que Carallo é isto?!, que xa son marca da casa. Neles veremos obras como King of Nothing, do serbio Aleksa Gajić, un relato sucio e arrollador que lembra ás viñetas máis feroces de Frank Miller; ou Mereneläviä, da finlandesa Veera Lamminpää, ambientada nunha pescadería que acaba converténdose nun escenario perturbador. No mesmo bloque tamén se poderá ver Freaks, do ruso Alexander Samsonov, unha historia sobre a marxinación e a procura do amor que combina crudeza e tenrura a partes iguais; ou Drizzle in Johnson, do director Ivan Li, unha animación tan peculiar e perturbadora que, como din dende o equipo de programación, unha vez vista xa non se pode desver, e que pechará a novena edición do GFFF.
XURADO DE LUXO
O difícil labor de decidir os gañadores da Selección Oficial recaerá no Ilustrísimo Xurado do GFFF 2025, composto por tres figuras de prestixio internacional. O director catalán Pol Diggler, gañador do Premio Freakiest Director na pasada edición e único cineasta do que o festival proxectou tres traballos, volve este ano en calidade de xuíz. Xunto a el estará a produtora e programadora italiana Alessia Gasparella, con experiencia en festivais como Tribeca, SXSW ou Fantasia e co-directora do Bref International Short Film Festival. Completa o panel Sara Lopo, programadora de MOTELX e membro do xurado en certames como Sitges e Fantastic Fest, recoñecida pola súa traxectoria no cinema fantástico internacional.
9 ANOS DE ABSOLUTO FREAKISMO
O Galician Freaky Film Festival é o evento de cinema e cultura freak definitivo. Desde 2017 trae á cidade olívica unha coidada selección nacional e internacional de curtametraxes de xénero. Pezas moitas veces inéditas en Galicia e España, só desfrutables nalgúns dos mellores festivais do mundo.
Unha abraiante selección de obras, unha coidada programación de actividades paralelas e un ambiente único fan que cada ano aumente o exército de freaks que se achegan a Vigo para gozar do GFFF, unha experiencia que vai alén do cinematográfico e que se converte nunha auténtica experiencia de comunidade freak.
Un festival único na nosa contorna, que cada ano gaña máis adeptos e que por méritos propios xa falan del como o festival de cinema máis divertido de Galicia, e un dos festivais de xénero da península ibérica que non te podes perder.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
Galicia é a rexión que máis solicitudes presentou en Europa para participar en proxectos interrexionais de I+D+i. Así o indican os datos da Vanguard Initiative, alianza europea da que a nosa Comunidade forma parte, xunto a outras rexións, para estimular o crecemento europeo da I+D+i a través da colaboración entre territorios de distintos países e a especialización intelixente. Precisamente a Xunta vén de publicar a convocatoria VInnovate Galicia, unha liña de axudas para organismos de investigación e empresas que presenten proxectos con outras rexións. Para poder candidatar á convocatoria VInnovate Galicia da Xunta, cuxo prazo de presentación de propostas está aberto desde hoxe ata o 19 de outubro, os posibles participantes teñen que presentarse antes á fase europea.
