Noticias sociedad
O presidente da Xunta, Alfonso Rueda, informou de que a Xunta vai reforzar a Estratexia contra a soidade non desexada con novas medidas coma a 'creación de redes de apoio local' ou un servizo multicanle de atención específica para as persoas en esta situación. O obxectivo é facer fronte a 'un dos desafíos sociais do noso tempo' que está ligado ao incremento da esperanza de vida. O Consello da Xunta de Galicia aprobou esta mañá esta Estratexia e o seu plan de acción, que inclúe medidas xa en marcha e outras novidosas, e que estará dotada de 'máis de 145 millóns de euros'.
A Xunta fixo balance da situación provocada polo apagamento eléctrico iniciado onte pola mañá en toda España, informando dos danos persoais ocasionados e do estado dos servizos públicos galegos. Segundo afirmou o conselleiro de Presidencia, Xustiza e Deportes, Diego Calvo, a subministración eléctrica xa está restaurada practicamente en toda Galicia e, se ben existe a posibilidade de que puntos concretos do territorio galego sigan a ter problemas derivados do apagamento, estes están 'en vías de resolverse'. En canto ao control da coordinación da emerxencia, Calvo informou de que na videoconferencia realizada hoxe co Ministerio do Interior varias comunidades 'manifestaron o seu interese de regresar ao nivel 2 de emerxencia' e que Galicia foi unha delas posto que a situación avanza dun xeito positivo e 'agardamos que evolucione a mellor no que queda de día'.
A principal novidade do programa O machismo é violencia é que conta con testemuñas reais de mulleres vítimas de violencia de xénero e que se complementa con persoal especializado para afondar na problemática das masculinidades tóxicas. Este proxecto desenvolvese en dúas fases. En primeiro lugar, proporcionáselles aos centros educativos unha guía didáctica, que serve como recurso preparatorio para que o profesorado poida abordar o tema de maneira autónoma na aula. A guía, deseñada cun enfoque pedagóxico e interactivo, inclúe actividades e contidos adaptados para facilitar a comprensión e implicación do alumnado.
Galicia logrou reducir no ano 2023 as emisións brutas de gases de efectos invernadoiro (GEI) nun 38,3%, é dicir, a un ritmo cinco veces maior que o conxunto de España, onde a diminución foi dun 5,8% respecto a 1990, ano de referencia a nivel mundial para as políticas climáticas. Así mesmo, a temperatura media en Galicia subiu 0,2 graos centígrados por década nos últimos anos mentres que en España o incremento foi de 0,25 graos, o que se debe ás características particulares da comunidade pero acredita tamén o esforzo realizado neste eido. Por iso, a autonomía aspira a acadar a neutralidade climática en 2040, unha década anos antes do prazo marcado pola Unión Europea.
Esta nova Conferencia Sectorial, creada por mandato da Lei 1/2023, do 20 de febreiro, de Cooperación para o Desenvolvemento Sostible e a Solidariedade Global, como órgano de participación, diálogo, coordinación, concertación e colaboración en materia de cooperación para o desenvolvemento sostible da Administración Xeral do Estado, das Administracións das comunidades autónomas, e das cidades con Estatuto de Autonomía; ten por finalidade contribuír a unha actuación máis eficaz, coherente, coordinada e complementaria das distintas Administracións públicas que executen programas, proxectos e accións en materia de cooperación para o desenvolvemento sostible.
Galicia consolida a súa posición como a comunidade española que máis reduciu en 2023 as emisións netas de gases de efectos invernadoiro (GEI) con respecto a 1990 é dicir, a diferencia entre emisións e absorcións, ano de referencia a nivel comunitario para as políticas climáticas. Segundo o avance do último Inventario Nacional de Emisións que elabora o Ministerio para a Transición Ecolóxica e o Reto Demográfico, durante o ano 2023 Galicia logrou reducir nun 61,7% as emisións netas de GEI con respecto a 1990, un balance que a sitúa á cabeza do país neste eido. No anterior informe, correspondente ao ano 2022, Galicia tamén foi a comunidade que experimentou unha maior redución das emisións contaminantes netas, nese caso, cun descenso do 59,8%.
A integración de Urxencias Sanitarias de Galicia-061 no Proxecto Ariadna eleva o nivel de cardioprotección da comunidade, conseguindo 554 novos voluntarios formados en reanimación cardio-pulmonar, ata acadar os 3.200, e rexistrando máis de 300 desfibriladores novos na aplicación. Galicia convértese así na primeira comunidade en integrar os seus servizos no proxecto Ariadna, que ten como obxectivo xeolocalizar e validar o maior número posible de desfibriladores aos que se pode acceder no caso de que alguén sufra unha parada cardiorrespiratoria na rúa. Así, con 10 desfibriladores por cada 10.000 habitantes, Galicia sitúase 7 puntos por riba da media de España.
A Consellería de Sanidade, a través da Dirección Xeral de Saúde Pública, publica na súa páxina web o informe de actividade das infeccións respiratorias agudas correspondente á semana 15 do ano (rematada o 13 deste mes), que determina que a intensidade da gripe en Galicia se sitúa en intensidade basal e con tendencia estable. Segundo os datos, a taxa de consultas por gripe nos servizos de atención primaria diminuíu un 27,9 % e fica en 18,6 por 100.000 habitantes, polo que a intensidade da actividade gripal descende ata o nivel preepidémico. O descenso da taxa obsérvase en todos os grupos de idade e en todas as áreas sanitarias.
A Consellería de Sanidade, a través da Dirección Xeral de Saúde Pública, publica na súa páxina web o informe de actividade das infeccións respiratorias agudas correspondente á semana 14 do ano, que determina que a intensidade da gripe en Galicia se mantén baixa e con tendencia estable. Segundo os datos, a taxa de consultas por gripe nos servizos de atención primaria diminuíu un 22 % e fica en 25,8 por 100.000 habitantes. O descenso da taxa obsérvase en todos os grupos de idade, agás no de 0 a 4 anos, no que aumentou un 14 %. Por áreas sanitarias, a taxa de consultas foi inferior á da semana anterior en todas elas.
Foron presentados os festivais Wake UP! e One Dance que se celebrarán a vindeira Semana Santa no Pavillón 3 do Instituto Feiral de Vigo (Ifevi). O Wake UP Festival celebrarase o día 17 de abril (de 20:00 horas a 06:00 horas) e traerá a Vigo a recoñecidos artistas como Adrian Mills, Biia, Deborah de Luca, DJ Swisherman, Fantasm, Isma B e Nina Kraviz. No caso de One Dance, que será o 19 de abril (desde as 18:00 horas) os invitados son Basshunter, DJ Shas!, Floorfilla, Guru Josh Project, Kate Ryan, Marvin & Andrea Prezioso, Nathalie Aarts, Safri Duo, Soniko DB, Rob & Mark Deluxe, Viceversa e Pablo Méndez Performances.
O Observatorio Astronómico Ramón María Aller da USC organiza, en colaboración coa Facultade de Óptica e Optometría, un obradoiro de prismáticos e telescopios para examinar o ceo nocturno que se desenvolverá o xoves 28 de novembro, e o luns 2 e o martes 3 de decembro en horario de 19.30 a 21.00 horas. A primeira das xornadas desenvolverase na Aula Magna da Facultade de Óptica e Optometría.
O Campus Industrial de Ferrol acollerá en 2025, concretamente, o 29 de marzo, a gran final da FIRST LEGO League España (FLL España), un evento organizado pola Escola Politécnica de Enxeñaría de Ferrol (EPEF) e o Campus Industrial da Universidade da Coruña en colaboración con Ingeniera Soy baixo o patrocinio da Deputación da Coruña, o Concello de Ferrol e a Xunta de Galicia.
O campus de Vigo reuniu a representantes de entidades locais, concellos, deputacións, Xunta, comunidades de montes e outras iniciativas nunha xornada para visibilizar o traballo social, económico e político que se esta a levar a cabo para impulsar a transición enerxética local. A xornada Comunidades enerxéticas e iniciativas comunitarias.
O menor nivel de infraestruturas, a escaseza de recursos financeiros e de redes de apoio e a diferenza de oportunidades son algunhas das dificultades que atopan as persoas emprendedoras no medio rural, segundo o informe executivo GEM Galicia 2023-2024, que estuda o desenvolvemento de iniciativas emprendedoras en Galicia e cuxa coordinación é responsabilidade da USC.
O edificio Redeiras da UVigo acollerá a vindeira semana un congreso internacional no que se abordarán os retos actuais do dereito de familia ante unha sociedade máis inclusiva. O evento, organizado por docentes da Facultade de Ciencias Xurídicas e do Traballo, reunirá especialistas galegos e portugueses neste eido para analizar diferentes respostas ante unha nova realidade social.
'Vigo é moito máis que o centro urbano castelanizado, Vigo é tamén Rorís, A Falcoa, O Freixo, Moledo, Mide, Baruxáns, O Carballal, Redomeira ou Marcosende, o Vigo de sempre onde o galego é aínda a lingua habitual'. Así de categórico se amosou o director do Departamento de Filoloxía Galega e Latina da UVigo, Xosé-Henrique Costas, na presentación do seu último libro 'A fala de Vigo.Trazos diferenciais da nosa variedade dialectal', unha obra na que se defende que na cidade máis castelanizada de Galicia é posible escoitar o galego pola rúa.
A Shanghai Ranking Consultancy, responsable do ránking ARWU, fixo público o seu Global Ranking of Academic Subjects 2024, a clasificación das mellores universidades do mundo en 55 materias de investigación. Nel, a UVigo sitúase como primeira universidade española en Ciencia e Tecnoloxía dos Alimentos e en Oceanografía, empatada neste último caso coa Universidad de Las Palmas de Gran Canaria.
A USC ocupa o chanzo 51-75 do Ránking de Shanghai por materias en Ciencias Veterinarias (posición 4-5 entre as universidades de toda España) e o 76-100 en Farmacia e Ciencias Farmacéuticas (posto número 2 a nivel estatal). A terceira mellor posición nesta clasificación internacional de universidades segundo eidos temáticos é para Odontoloxía e Ciencias Orais, ámbito que ocupa o intervalo 151-200 a nivel mundial e o posto 4-5 entre as universidades españolas.
Na problemática da crecente resistencia das bacterias aos antibióticos, a Área de Microbioloxía da Universidade de Vigo está comprometida desde o punto de vista non só investigador senón tamén divulgativo, desenvolvendo diferentes iniciativas de concienciación cidadá. No marco deste compromiso, este venres celebrou na Facultade de Ciencias do campus de Ourense a VI Xornada de Conciencia sobre o Uso dos Antibióticos.
A arte e a investigación arredor do castiñeiro serven de eixo para a programación que desenvolve ao longo do mes de novembro a Escola Politécnica Superior de Enxeñaría (EPSE) da USC, co apoio da Vicerreitoría de Estudantes e Cultura. Mostras e divulgación científica integran un programa de actividades aberto ao conxunto da comunidade universitaria e da sociedade en xeral.
