domingo, 19 de abril de 2026
Xeograficamente, a cidadanía de Lugo Oriental (A Fonsagrada, Os Ancares e Sarria) e Ourense Sur (A Limia, Baixa Limia, Terra de Celanova, Verín e Viana) son os que máis satisfeitos están.
Estas cifras amosan unha melloría continuada respecto ao ano 2014, no que a media de satisfacción foi de 6,74 e o 59,82 % puntuaron por riba de 7, e 2019, cunha media de 7,15 e unha porcentaxe de 68,36.
Outros compoñentes que tamén forman parte da enquisa son a calidade das relacións persoais dos residentes na nosa comunidade, preguntas sobre solidariedade e comportamento cidadá, o grao de confianza nas persoas e institucións ou os principais problemas das vivendas.
Estado de saúde e emocional
A enquisa tamén revela información sobre a percepción dos residentes na comunidade autónoma de Galicia do seu estado de saúde e emocional. Así, o ano pasado, o 64,1 % dos galegos valoraron o seu estado de saúde como bo ou moi bo, mellorando en case 4 puntos as cifras do ano 2019, 60,19 %, e case 8 as do 2014, 57,33 %.
En canto ao estado emocional dos galegos, o 60,86 % manifestou sentirse feliz sempre ou case sempre durante as catro semanas previas á entrevista. Unha cifra que de novo mellora o dato do ano 2019, que foi do 59,16 %, e 2014, do 57,12 %.
Seguridade pola rúa
Outro dos datos que se poden extraer dos datos achegados polo IGE refírese ao nivel de seguridade que senten os galegos ao camiñar sós de noite por onde viven. Neste senso, o 80,37 % da poboación declara sentirse bastante ou moi segura nesta situación, unha cifra que mellora a do ano 2019, que foi do 74,35 %, e a do 2014, do 72,74 %.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
