Noticias economia
O presidente da Xunta, Alfonso Rueda, celebrou que o éxito da marca Galicia Calidade asociara para sempre a excelencia ao nome e aos produtos da Comunidade. Na gala na que se celebrou o XXV aniversario do distintivo, o titular do Goberno galego puxo en valor a traxectoria das 150 empresas que se animaron a formar parte 'dunha marca esixente' e que contribuíron á singularidade e ao prestixio da Comunidade galega en todo o mundo.
'Vinte e cinco anos despois, está marca segue representado o desexo de ser excelentes e seguir triunfando', aseverou o mandatario galego na súa intervención.
Galicia pechou novembro coa cifra de paro (142.758) máis baixa de toda a serie histórica neste mes, no que baixou o desemprego tanto na evolución anual como mensual e aumentaron as afiliacións con respecto a hai un ano. Con respecto a novembro de 2021, o paro caeu nun 6,54% , descendendo en todos os sectores de actividade, nas catro provincias e sete grandes cidades. En canto ás actividades económicas, liderou a baixada o sector primario (-13,33%) seguido da industria (-12,05%), a construción (-7,70%) e os servizos (-5,61%). O paro tamén caeu nos colectivos con máis dificultades para atopar un traballo: entre os menores de 30 anos (-11,16%), parados de longa duración (-10,05%) e mulleres (-6,70%).
O presidente de la Xunta, Alfonso Rueda, enxalzou hoxe a xestión de Galicia dos fondos europeos Next Generation e instou agora ao Goberno central a axilizar o reparto dos mesmos para que a Comunidade galega non perda esta 'enorme oportunidade histórica'. 'É un tren importante que non podemos deixar pasar e aínda estamos a tempo, porque do contrario ímonos arrepentir moitísimo', advertiu Rueda na súa intervención na clausura do Foro Next Generation, organizado por El Economista en Santiago de Compostela, na que admitiu a 'preocupación' porque estes investimentos non está a chegar.
O presidente da Xunta, Alfonso Rueda, resaltou hoxe que o Goberno galego 'xa ten mobilizados a práctica totalidade' dos 937 M que Galicia recibiu do Executivo central ao abeiro dos fondos do Mecanismo de recuperación e resiliencia (MRR). O total dos fondos Next Generation no tramo de subvencións ou transferencias financeiras non reembolsables para España acada os 77.234 millóns de euros. Destes fondos, Galicia ten asignados 1.285 M, pero polo momento só recibiu 937 M, é dicir, 'aínda falta por transferir unha cuarta parte dos fondos', resaltou Rueda, quen reclamou premura ao Goberno central para non deixar escapar unha oportunidade única como son estes fondos europeos.
O Bono Activa Comercio xa mobilizou preto de 5 millóns de euros en vendas no comercio de proximidade galego. Ata a data adheríronse á iniciativa máis de 6.200 establecementos, e esta cifra pode seguir aumentando ata o 30 de novembro. A Administración autonómica xa ingresou aos negocios participantes preto dun millón de euros, correspondentes aos bonos xa utilizados polos clientes. En total a Administración autonómica destina 5 millóns de euros a este programa co que se busca impulsar as compras no comercio de proximidade, atraendo clientela aos establecementos locais e contribuíndo ao mesmo tempo a aliviar o impacto da inflación na capacidade de gasto dos fogares galegos.
Ao longo de 2021 retomouse a tendencia crecente da actividade emprendedora en Galicia, que quedara en suspenso durante a pandemia, e que o ano pasado resistiu a crise sanitaria, evitando o peche de iniciativas emprendedoras e mantendo as xa consolidadas, 'malia que todos os indicadores deben observarse con certa prudencia'. O 27% da poboación galega percibe a existencia de oportunidades para emprender e o 51% considera que ten coñecementos e habilidades para facelo. Estas porcentaxes correspondentes ao ano 2021, indican 'que se recuperou parte da confianza para emprender (aínda que esta aínda se sitúa por baixo da observada nos ámbitos estatal e internacional) e que se mantén a autoconfianza nas capacidades propias para emprender (con valores similares aos observados nos eidos estatal e internacional)', matiza o informe.
O desemprego en Galicia baixou por primeira vez de toda a serie histórica (1996) nun mes de outubro con respecto ao mes anterior (setembro). Así, na comparativa mensual, o paro descendeu nun 0,27%, unha baixada que ten lugar en todos os sectores de actividade. Galicia é unha das dez comunidades autónomas onde cae o paro este mes. Na comparativa anual, con respecto a outubro de 2021, o paro tamén descendeu, nun -6,70% e caeu nas principais variables: nas catro provincias e nas sete cidades galegas e, ao igual que na comparativa mensual, en todos os sectores económicos. Con respecto a hai un ano, lidera a baixada o sector primario (-12,73%) seguido da industria (-12,28%), da construción (-8,35%) e dos servizos (-5,68%).
O mércores 2 de novembro abre o prazo para descargar o Bono Cultura da Xunta, o programa de descontos do 50% na compra de produtos ou utilización de servizos culturais ao que o Goberno autonómico dá continuidade este ano para favorecer o fortalecemento do sector e axudar a particulares e negocios no contexto económico de suba de prezos. Poderá facerse con el calquera persoa maior de idade que teña a súa residencia en Galicia e a descarga estará activa a través da web bonocultura.gal, onde se emitirá en formato dixital a través dun código QR.
Foi presentada en Pontevedra a Axenda Galega das Capacidades para o Emprego no marco do Salón da oferta e da educación e formación de Galicia -Edugal- que hoxe se inaugurou. A Axenda Galega das Capacidades para o Emprego responde á estratexia da Comisión Europea que establece os obxectivos de capacitación e reciclaxe profesional para os próximos cinco anos a través de doce accións centradas nas capacidades para o emprego. Do que se trata é de asegurar que as persoas teñan a formación axeitada para o traballo, definir ferramentas e iniciativas que apoien ás persoas na súa formación ao longo de toda a súa vida e establecer un marco de colaboración público-privada.
Máis de 112.000 clientes de toda Galicia descargaron xa o Bono Activa Comercio en pouco máis de 24 horas (onte foi o primeiro día no que puideron solicitarse estes descontos), mentres que o número de comercios adheridos supera os 4.500. Os bonos, en formato de código QR, poden descargarse a través do móbil na web bonosactivacomercio.gal, onde tamén poden sumarse ata o 30 de novembro novos establecementos comerciais. A principal novidade deste ano é a ampliación de tramos de desconto e os importes.
Na inauguración do XXV Salón do Automóbil de Vigo, destacouse que a facturación do sector medrou máis dun 8% e sumou 8.200 millóns de euros en 2015, mentres que as exportacións alcanzan o 31% do total galego. A Xunta impulsará, xunto con Ceaga e PSA, unha aceleradora de innovación no sector para seguir incorporando coñecemento e tamén a proxección exterior.
A firma, con 54 traballadores e que superou os 14,5 millóns de euros de facturación en 2014, pode incluír na súa etiquetaxe o selo Galicia Calidade para os produtos de carne de porco criado en Galicia e para o chourizo Sadepor. A marca de garantía conta xa con máis de 300 produtos certificados de 72 compañías diferentes, cunha forte presenza do sector alimentario.
Yolanda Díaz (En Marea): Mañá esixiremos no Congreso un novo modelo enerxético que lle permita a Alcoa que competir co resto de industrias europeas electrointensivas.
O grupo de traballo está integrado pola Agadic, Turismo de Galicia, TVG, Academia Galega do Audiovisual, Clúster Audiovisual Galego e as asociacións de produtoras independentes, empresas, guionistas, directores e realizadores co obxectivo de abrir un proceso de debate cara a elaboración dun plan 2016-2020 para o sector galego.
O titular da Xunta mantivo unha reunión coa embaixadora de Australia en España, Virginia Greville. Un dos aspectos máis importantes do contrato dos dous buques de aprovisionamento en combate é que a construción se levaría a cabo no estaleiro de orixe; é dicir, de resultar gañadora Navantia, o proxecto executaríase en Navantia Ferrol.
Con estas prazas en convocatoria pública, a Xunta de Galicia reforza eidos prioritarios como a loita contra a fraude e o control das finanzas públicas, así como o corpo administrativo e o auxiliar. Máis de 750 persoas opositarán pola quenda reservada á discapacidade. A realización do primeiro exercicio prevese para antes do verán.
A deputada Yolanda Díaz acompañada polo alcalde de Ferrol Jorge Suárez presentaron na cidade a proposición non de lei dun Plan Industrial para Navantia-Ferrol e Navantia-Fene que En Marea rexistrou no Congreso dos Deputados e que se debaterá na Comisión de Facenda, en Madrid, o mércores 16 de marzo.
Alemaña supuxo o 11,6% do total do turismo internacional rexistrado no pasado ano na nosa comunidade, consolidándose como o segundo país internacional máis importante para Galicia, so por detrás de Portugal. Turismo de Galicia ampliou a súa presenza na IBT de Berlín cun espazo diferenciado para os encontros comerciais de profesionais do sector.
O deputado de AGE, Juan Manuel Fajardo, denunciou que unha vez máis os contratos a baixa son sufragados polos traballadores que verán reducidos os seus salarios e condicións laborais co conseguinte risco para a seguridade do estaleiro.
As deputadas e deputados de En Marea presentaron no rexistro do Congreso unha proposición non de lei para que se revisen os criterios de reparto de cotas para o sector do cerco, pois o actual sistema supón unha ameaza para miles de postos de traballo nas poboacións costeiras.
