sábado, 20 de junio de 2026
Rueda destacou que, de non tomar esta medida, as tarifas terían que incrementarse un 7% e salientou que a conxelación vai beneficiar aos preto de 27.000 usuarios diarios que teñen estas dúas vías.
O Consello da Xunta aprobou hoxe unha nova modificación do convenio coa concesionaria Autoestradas de Galicia pola que se prorrogan as tarifas nas autoestradas autonómicas, que xa no 2022 se reduciron a menos da metade do que lle correspondería polo incremento do IPC.
O Goberno galego reserva nas contas do vindeiro ano 2023 unha partida de 4,8 M para conxelar as peaxes e manter as bonificacións vixentes nas autoestradas autonómicas AG-55 e AG-57, o que supón un incremento do 86 %.
Segundo o recollido no novo contrato coa concesionaria autorizado hoxe e que se asinará nos vindeiros días, o Goberno galego achegará 2 M para limitarlles aos cidadáns o impacto da suba do IPC nas peaxes das autoestradas autonómicas, manténdose sen variacións as tarifas actualmente vixentes.
A Xunta, con esta medida, trata de minimizar o impacto económico que están sufrindo as familias e as empresas como consecuencia da situación económica actual e a suba do IPC.
Neste sentido, a Xunta promove unha nova modificación do convenio coa concesionaria para conxelar as peaxes no vindeiro 2023, manténdose así as tarifas sen variación algunha para o usuario con respecto a este ano 2022.
Deste xeito, as peaxes na AG-55 e na AG-57 manteñen as tarifas vixentes para os distintos itinerarios, beneficiándose do efecto desta medida nos diferentes treitos.
Bonificacións
As autoestradas autonómicas, das máis baratas de España, contan con distintas liñas de bonificacións impulsadas pola Xunta.
A día de hoxe, as autoestradas autonómicas manteñen o custo medio por quilómetro aboado polos usuarios máis baixo de Galicia: máis baixo que o da AP-9, aínda a pesar das bonificacións vixentes, e tamén máis baixo que a outra autoestrada estatal AP-53, na que non existe ningún tipo de bonificación. As tarifas das autoestradas autonómicas, sen IVE, sitúanse en 5,6 céntimos/km, fronte aos 6,1 céntimos/km de tarifa media da AP-9; ou os 7,7 céntimos/km da AP-53.
Con esta medida impulsada pola Xunta, as autoestradas autonómicas seguirán sendo das máis baratas de España, cun custo medio por quilómetro inferior ao das autoestradas estatais AP-9 e AP-53.
Cómpre lembrar que o Goberno galego ampliou no ano 2021 o desconto do 25 % da volta, e do 50 % na segunda volta, aos usuarios recorrentes ata as 24 horas posteriores á realización da viaxe de ida.
Con esa modificación, estendeuse ás 24 horas despois do traxecto de ida o desconto do 25 % da viaxe de volta, e do 50 % na segunda viaxe de volta. Reforzouse así o anterior período de bonificación que establecía que a volta debía realizarse no mesmo día natural que a ida, favorecendo as persoas que se desprazan por estas vías para acceder aos servizos públicos ou acceder ao seu lugar de traballo.
Demanda ao Goberno central
O presidente da Xunta tamén fixo alusión durante a rolda de prensa tras o Consello ao anuncio do Goberno central de que vai asumir parte da suba anunciada cara o 2023 nas autoestradas galegas de titularidade estatal como a AP-9. Celebramos que se impida unha suba tan grande como a anunciada, pero é unha medida decepcionante, resaltou Rueda, quen indicou que a Xunta púxose en contacto co Ministerio para demandarlle que faga o mesmo ca Xunta e conxele as peaxes nestas vías. Non pedimos nada que non se poda facer, resaltou o presidente, quen instou ao Goberno a rectificar para reducir o impacto que esta suba vai ter para as familias e as empresas.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
